The Remains of the Day

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
The Remains of the Day
Ladawan:KazuoIshiguro TheRemainsOfTheDay.jpg
First edition
NasyonUnited Kingdom
TataramonEnglish
GenreHistorical novel
KagpublikarFaber and Faber
Taon kan publikasyon
May 1989
Klase nin mediaPrint (hardback)
Pahina258
ISBN978-0-571-15310-7
OCLC59165609
Bàgo kanAn Artist of the Floating World
Sinundan kanThe Unconsoled

An The Remains of the Day sarong nobelang ipigsurat kan premyado kan Nobel na parazurat na si Kazuo Ishiguro kan taon 1989. An bida, si Stevens, sarong butler na haloy nang nagseserbisyo sa Darlington Hall, sarong istaran harani sa Oxford, England. Kan 1956, nagbyahe sya para bisitahon an saiyang dating kairiba, asin rumdumon an mga nangyari sa Darlingto Hall kan 1920s asin 1930s.

Nakaresibe an nobela nin Man Booker Prize para sa Fiction kan taon 1989. Nakakua man nin nominasyon para sa walong Academy Awards an adaptasyon kan nobela na pinagbidahan ninda Anthony Hopkins asin Emma Thompson.

Buod[liwaton | liwaton an gikanan]

Nasa first-person na perspektibo an nobela, sarong istorya kan English butler na si Stevens na pigtau an saiyang buhat sa pagseserbisyo kay Lord Darlington(gadan sa presenteng panahon kan istorya, alagad pinaglaladawan nya man nin mas detalyado sa paagi nin flashbacks). Nagpuon an nobela kan 1956, mantang si Steven nakaresibe nin surat hali sa dating kairiba, an housekeeper na si Miss Kenton. Ipig-istorya kaini saiya an manungod sa buhay may agom, mantang namamati naman ngani nya na igwa ining problema sa agom. Tamang-tama man pati ta nangangaipo kan panahon na idto an Darlington Hall nin kuro-katabang. Pigbisita ni Steven si Miss Kenton. An saiyang bagong empleyado, sarong mayaman na Amerikano, si Mr. Farraday, pigpasubli man sya nin awto tanganing makapagburo-bakasyon. Pig-aku man ini ni Steven, asin nagpasiring sa Cornwall, kun sain nakaistar si Miss Kenton (ngunyan Mrs. Benn) nakaistar.


Mga Karakter[liwaton | liwaton an gikanan]

  • Mr. Stevens, an narrator, sarong Ingles na butler na nagtatrabaho sa Darlington Hall; sarong dedikadong tawo na igwa nin halangkaw na pamantayan asin igwa nin labing pagtubod sa dignidad(mahihiling ini huli ta an parabasa, nungka naaraman an saiyang pangaran)
  • MIss Kenton, tagapakarhay sa Darlington Hall, nag-agom hasta nagin Mrs. Benn; igwa nin halangkaw na kapasidad asin dedikadong serbidor na nagtatabang ki Mr. Stevens sa pagmanehar kan Darlington Hall. Mantang naghahaloy, nagin marhay an pag-ibahan ninda ni Mr. Stevens.
  • Lord Darlington, an kagsadiri kan Darlington Hall; igwa sya nin komperensiyang hinahaman para sa mga diplomats na igwa nin halangkaw na katungdan tanganing magkaigwa nin pagkairintindahan sa tahaw kan kapangyarihan kan mga Ingles asin Aleman; nagin rason ini kan saiyang politikal asin sosyal na pagbagsak
  • William Stevens (Mr. Steven senior), 75, ama ni Mr. Stevens, nagseserbe bilang under-butler, nagsapo sya nin stroke sa piggananap na komperensya sa Darlington Hall; nabanga an oras kan saiyang aki sa pagseserbe asin pag ayuda saiya
  • Senador Lewis, sarong Amerikanong senador na pigtutuligsa si Lord Darlington bilang baguhan sa politika
  • Young Mr. Cardinal, saro sa mga aki kan ugos na amigo ni Lord Darlington, saro man na journalist, nagadan sa Belgium kan ikaduwang gerang pangkinaban
  • M. Dupont, sarong Pranses na politikong igwang halangkaw na katungdan, nag-atender man sa komperensya ni Lord Darlington

Sa saiyang byahe, pirang mga karakter pa an nakaulay ni Steven. Panalmingan sinda sa iba pang mga pagkatawo ni Steven; maboboot man sinda asin nagpupulbar na tabangan sya. Partikular na igdi si Dr. Carlisle asin Harry Smith an nagpaluwas kan mga tema kan libro.

Tema[liwaton | liwaton an gikanan]

Dignidad[liwaton | liwaton an gikanan]

Saro sa pinakaimportanteng aspeto sa buhay ni Steven iyo an saiyang dignidad bilang Ingles na butler. Para saiya, tanganing magin sarong matibay na butler, kaipuhan na pulido asin sistematiko man nanggad an paghiro dawa nasa tahaw na nin kahandalan. Huli kaini pigmamantener nya an saiyang panlaog asin panluwas na dignidad tanganing mapreserbar an saiyang dignidad asin padagos na magin dedikado sa pagseserbisyo ki Lord Darlington. Pirming naapektuhan kan saiyang pagtubod sa dignida an saiyang buhay, orog na sa loyalidad, politika, pagpapadangat asin relasyon. Huli sa labi nyang pagprotehir kan saiyang dignindad, paminsan pa nawawara na an kakayahan nyang makamati. An pinakapinag-agihan nya sa nobela iyo an kun panong an saiyang dignidad naka-ulang o nakatabang sa mga nangyayari saiya, sa nakaagi, sa presente, asin sa paabot.

Alusyon sa mga totoong pangyayari[liwaton | liwaton an gikanan]

An tema manungod sa British aristocracy maikokonektar sa 1911 Parliament Act, na nagbawas sa saindang kapangyarihan, kaiba igdi an pigpautob na pagdagdag kan inheritance tax kan inot na gerang pankinaban. Pinagbaranga kaini an pirang estado asin naipasa pa sa pirang mga henerasyon. Kaagid sa paninindugan ni Lord Darlington an relasyon kan Aleman sa mga Briton na mayayaman kan taon 1930s, arog halimbawa ni Lord Londonderry asin Oswald Mosley.

Resepsyon[liwaton | liwaton an gikanan]

An The Remains of the Day saro sa mga bantog na post-war na nobelang Briton. Kan 1989, nanggana an nobela nin Man Booker Prize, saro sa mga prestihiyusong premyo para sa literatura sa kinaban kan mga nag-iingles. Kaayon ini sa 146 na lista na pig-ipon ni Brian Kunde kan Stanford University, bilang saro sa pinakamatibay na nakasurat sa Ingles na istorya sa ika-20 siglo.

Kan 2006, an The Observer naghagad sa 150 na mga parasurat asin mga kritiko na bumuto nin pinakamarhay na naisurat na nobela sa Briton, Irish, o Commonwealth sa tahaw kan 1980 asin 2005; nagpwesto sa pangwalo an nobelang The Remains on the Day. Kan 2007, an The Remains of the Day nakaayon sa listahan kan Guardian na "Books you can't live without" asin sa 2009 na "1000 novels everyone must read" . Pigladawan man ini bilang pinakabantog na nobela ni Ishiguro kan The Economist.

Kan Nobyembre 5, 2019, piglista ini kan BBC new sa 100 most influential novels.

Adaptasyon[liwaton | liwaton an gikanan]

Toltolan[liwaton | liwaton an gikanan]

Iba pang babasahon[liwaton | liwaton an gikanan]

  • Kakutani, Michiko (22 September 1989), "Books of The Times : An era revealed in a perfect butler's imperfections" (review), The New York Times
  • "Kazuo Ishiguro discusses The Remains of the Day", World Book Club, UK: BBC
  • Book guide (PDF), UK: Faber, archived from the original (PDF) on 27 March 2010
  • The Remains of the Day – The Musical (official website)

Panliteraturang Analisis[liwaton | liwaton an gikanan]

  • Tamaya, Meera, Ishiguro's Remains of the Day: The Empire Strikes Back (presentation slides), ScribD
  • Comparison with Milton's Sonnet XIX, ES: Universidad de Rioja