Tolong Madunong na Ukay
An Tolong Madunong na Ukay (o, Tolong Madunong na Kabalang) (sa Hapon: 三猿 Hepburn: san'en o sanzaru?, pwede-man, 三匹の猿 sanbiki no saru, literamente, "tolong kabalang"), na may beses inaapod man na, an tolong mistikong ukay, sarong ariwagang paglalaladawan. An tolong pag'iriba ubod na tinutungkosan an prinsipyong "mayong nahihiling na karara'tan, mayong nadadangog na karara'tan, mayong tinataram na karara'tan". An tolong kabalang iyo sinda sa Mizaru, tinatahoban an mata, kaya mayong nahihiling na karara'tan; Kikazaru, tinatakpan an mga talinga, kaya mayong nadadangog na karara'tan, asin si Iwazaru, tahob an tikom na ngimot, na dai nagtataram nin anoman na ikakaraot.
Kadakul na pakahulogan an tinotongod sa mga kabalang asin sa ariwaga, na saro pa ngane iyo an manonongod ini sa marayrahay na pag'iisip, pagtataram asin paggawe. Sa kinaban Solnopan, an panaramtaram na ini dapit duman sa mga tawo na pinipirongan na sana an mga karara'tan na yaon sa palibot niya.
Sa luwas daa kan Hapon, an mga pangaran kan mga ukay pinahalnas na iyo sinda, Mizaru, Mikazaru asin Mazaru, an ultimong duwa hayag na salang pag'arog kan mga orihinal na pangaran sa Hapon.
