Uring

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Uring
Tindahan nin uring sa saod kan siyudad nin Naga, Filipinas
Uring na briquette gibo hale sa kusot

An Uring iyo an natatadang materyal resulta nin pagkasulo kan anoman na bagay, tinanom o hayop asin ini karbon na parati may salak na abo. Madaling makua o mapaluwas ini kun sinusulo an bagay na loom asin daing presenteng oksiheno asin luwayluway napapaalintoto an anoman na tubig o mga madadaling maalang na mga elemento. Ini paagi sa inaapod na pirolisis. An resulta kan proseso sinasabing uring na magian, matapô,, nagrurupô, buhayhay asin bakong dusok alagad kun kapotan nin laad nagbabaga ini sa halangkaw na temperatura. An uring binibilog nin 85%-95% kan kemikal na karbon asin kan mga tada-tadang abo saka mga madaling mag'alintotong mga elemento.

An uring ginagamit haros bilang panggatong sa pagluto nin anoman na kakanon. Sa tradisyonal na kinaugalean sa Filipinas, an parating inu-uring iyo an soro (bagol) kan niyog o an kahoy na bakawan na nagtuturubo asin lakop sa mga katangyanan. An mga materyal na ini natao nanggad nin mainit na laad pero bakong madaling mapâpâ arog halimbawa kan ibang klaseng mga kahoy.


Mga panluwas na takod[liwaton | liwaton an gikanan]

Coconut charcoal exporter





Toltolan[liwaton | liwaton an gikanan]