Victor M. Bichara, Sr.

Gikan sa Bikol Sentral na Wikipedia, an talingkas na ensiklopedya
Si Victor Bichara, Sr.(pintura)

Si Victor Masoud Bichara, Sr. sarong Lebanes na namundag sa Maaaser II Chouf, 57 kilometro an rayo sa Beirut, Lebanon.[1], na naghubo igdi sa Filipinas kan enot na dekada kan ika-20ng siglo asin kan 1923 tinogdas an Cine Bichara igdi sa banwaan nin Naga (ngonyan Siyudad nin Naga), an pinakaenot na sinehan igdi sa Ronang Bikol.[2]

An naagom niya iyo si Emily Panayotti na saro man Lebanes gikan Bethlehem, Palestina. An mag'agom nagkaigwang doseng aki na iyo sinda Alfredo, Alfonso, Susana, Jaimito, Benjamin, Miguel, Milagros, Julia, Emily, Esther, Victor, Jr., asin si Alex.[3]

Pagpipilang[baguhon | baguhon an source]

Si Don Victor Bichara, Sr., ginawadan nin pagpipilang postuma kan Sumaro Bikolnon kan Desyembre 9, 2016 huli sa saiyang pagtogdas kan industriya nin sinehan igdi sa Kabikolan kan 1923 na ngapit an nagsurunod pang 31ng sinehan na tinogdas kan pamilya Bichara nagdulot nin labilabing pakinabang sa ekonomiya kan rona', na dawa dai na sambiton an labis na kaalingan iwinaras sa mga paradalan na Bicolano.

Toltolan[baguhon | baguhon an source]

  1. http://archives.newsbreak-knowledge.ph/2006/08/01/who-is-al-francis-bichara/ Kinua 27-01-17
  2. Aureus Teresa, O. Emily: a Biography of Dona Emily Panayotti Bichara Kinua 27-01-17
  3. Aureus, Op. cit.