Wikipedia:Wiki Loves Folklore in the Philippines
| Proyekto | Listahan | Partisipante |
Dagos tabi sa Wiki Loves Folklore in the Philippines / Feminism and Folklore in the Philippines!
Saro ining proyekto sa Wikipedia tanganing mapahiwas an kaaraman manungod sa katutubong kultura na tinatawan pagpapahalaga an papel kan kababaihan.
Introduksyon
[baguhon an source]An Wiki Loves Folklore in the Philippines / Feminism and Folklore in the Philippines parte kan pangkinaban na kampanya sa pagdugang nin laog o laman sa manlainlain na bersyon kan mga proyektong Wikimedia (Wikipedia, Commons, Wikidata, Wikiquote, Wikinews) tanganing maidokumento an mga katutubong kultura sa manlainlain na rehiyon sa kinaban. Nagpoon an Wiki Loves Folklore taon 2018 bilang Wiki Loves Love para sa mga temang seremonya asin festival nin pagkamoot. Sa Bikol Wikipedia, ini an WikiProyekto na dapit sa katutubong kultura. Ginigibo ini lambang bulan nin Pebrero poon kan 2021. Kan 2023, an aktibidad nagpoon Pebrero 1 sagkod Abril 15. Siring man, tinatawan kahalagahan sa proyektong ini an papel kan kababaihan sa kultura. Ngunyan na taon, an kampanya mapoon sa Pebrero 1, 2024 sagkod matapos sa Marso 31, 2024.
Magbali sa nagpapadagos na patiribayan sa pagsurat nin artikulo sa Bikol Wikipedia. Idugang an saimong pangaran sa mga partisipante asin mga ambag na artikulo. Magbali man sa pangkinaban na patiribayan sa potograpiya sa Wikimedia Commons.
Tanganing manggana nin papremyo hali sa International Team: Manteniron an kalidad asin sakop kan mga ambag na artikulo huli ta uya an mga gahinan o kraytirya sa pagpili:
- Pinakahababang lawig kan artikulo: Dai mababa sa 4000 bytes o 400 words, an lawig kan bagong haman na artikulo tanganing masiguro an rarom asin kalidad kan napiling ulayon o topic.
- Kalidad kan Tataramon: Bakong haros automatikong gibo gamit an translation tool an artikulo, tanganing masiguro an kalidad kaini asin nababasa.
- Petsa kan Pagsurat o Pagpakarhay: Kaipohan na ginibo o pinakarhay an artikulo sa laog kan petsang Pebrero 1, 2024 sagkod Marso 31, 2024 tanganing dungan sa panahon kan patiribayan..
- Laog sa Ulayon o Tema: Kaipohan na yaon sa tema kan feminism and folklore, paghanap kan mga ulayon dapit sa gender, cultural traditions, and intangible heritage.
- Dai nagsosolo-solo an Artikulo: An mga artikulo na nagsosolo-solo iyo idtong mga artikulo na dai nakatakod sa iba pang artikulo o mayong ibang artikulo sa Wikipedia na nakatakod digdi, ini tanganing masiguro na nababasa ini sa laog kan Wikipedia ecosystem.
- Mayo nin mga Pagbalgar sa Copyright: Kaipohan mayo nin pagbalgar sa copyright asin minasunod sa mga polisiya sa lokal na Wikipedia pag-abot sa notability o igwa nin halangkaw na importansya an sarong tema o ulayon asin bakong dai midbid na bagay o persona, tanganing masiguro an pagsunod sa pamantayan nin notabilidad.
- Maninigong Reperensiya asin Toltolan: Lambang artikulo igwa nin maninigong mga reperensiya asin toltolan kan ginunoan na mga impormasyon asin minasunod sa lokal na polisiya kan Wikipedia, tanganing masiguro an pagigin kasarig-sarig o realible kaini siring man kan kredibilidad kan impormasyon na itinao.
Premyo
[baguhon an source]Dumanan sa meta:Feminism_and_Folklore_2024#Prizes_and_Recognition para sa detalyes.
- 1st prize: 300 USD
- 2nd prize: 200 USD
- 3rd prize: 100 USD
- Consolation top 10 winners: 50 USD Each
Mga katuyohan kan proyekto
[baguhon an source]- An Bikol Wikipedia bilang pangenot na gunuan nin mga artikulo manungod sa katutubong kultura na nakasurat sa lenggwaheng Bikol Sentral.
- Makahimo nin mga laog o laman manungod sa tradisyunal na selebrasyon, bayle, kaugalian, karawat, luto, asin tradisyon kabilang an mga usipon, mito, arte, pagtubod asin iba pa
- Makatabang sa pagpapadakol asin pagpakarhay nin mga artikulo sa Bikol Wikipedia
Hilingon man
[baguhon an source] |
An Wikimedia Commons igwa nin medya dapit sa Folklore in the Philippines. |
- WikiProyekto Kultura
- Wiki Loves Folklore
- Wiki Loves Folklore in the Philippines sa Wikimedia Commons
- Feminism and Folklore sa Meta