Wikipedia:Wiki Loves Folklore in the Philippines

ProyektoListahanPartisipante

Pintaflores Queen

Dagos tabi sa Wiki Loves Folklore in the Philippines / Feminism and Folklore in the Philippines!
Ini iyo sarong proyekto sa Wikipedia para mapahiwas an kaaraman manungod sa katutubong kultura na tinatawan pagpapahalaga an papel kan kababaihan sa kultura.

Introduksyon

An Wiki Loves Folklore in the Philippines / Feminism and Folklore in the Philippines iyo parte kan internasyunal na kampanya sa pagdugang nin laog o kontent sa manlainlain na bersyon kan mga proyektong Wikimedia (Wikipedia, Commons, Wikidata, Wikiquote, Wikinews) tanganing idokumento an mga katutubong kultura sa manlainlain na rehiyon sa kinaban. Nagpoon an Wiki Loves Folklore taon 2018 bilang Wiki Loves Love para sa mga temang seremonya asin festival nin pagkamoot. Sa Bikol Wikipedia, ini an WikiProyekto na dapit sa katutubong kultura. Ginigibo ini lambang bulan nin Pebrero poon kan 2021. Kan 2022, an aktibidad nagpoon Pebrero 1 sagkod Marso 15. Siring man, tinatawan kahalagahan sa proyektong ini an papel kan kababaihan sa kultura. Ngunyan na taon, an kampanya pinalawig sagkod Abril 15, 2023.

Magbali sa nagpapadagos na patiribayan sa pagsurat nin artikulo sa Bikol Wikipedia. Idugang an saimong pangaran sa mga partisipante asin mga ambag na artikulo. Magbali man sa pangkinaban na patiribayan sa potograpiya sa Wikimedia Commons.

Mga katuyohan kan proyekto

1. An Bikol Wikipedia bilang pangenot na gunuan nin mga artikulo manungod sa katutubong kultura na nakasurat sa lenggwaheng Bikol Sentral.
2. Makahimo nin mga laog o kontent manungod sa tradisyunal na selebrasyon, bayle, kaugalian, karawat, luto, asin tradisyon kabilang an mga usipon, mito, arte, pagtubod asin iba pa
3. Makatabang sa pagpapadakol asin pagpakarhay nin mga artikulo sa Bikol Wikipedia

Hilingon man

• WikiProyekto Kultura
• Wiki Loves Folklore
• Wiki Loves Folklore in the Philippines sa Wikimedia Commons
• Feminism and Folklore sa Meta