Wikipedia:Portal kan Banwaan Ko, Padangat Ko

Gikan sa Bikol Sentral na Wikipedia, an talingkas na ensiklopedya
Sarong proyekto mawot an pagpaurog kan mga artikulo dapit sadiring banwaan

Tampok na Banwaan

Simbahan Katoliko
Simbahan Katoliko

An Banwaan nin Pili sarong segunda klaseng banwaan sa probinsya kan Camarines Sur, Filipinas. Ini an kapitolyo kan probinsya. Segun sa sensus kan 2007, igwang 76,496 katawo na nag-eerok digdi.

Nababanga an Pili sa 26 barangay.

Tampok na syudad

An lumang centro kan syudad
An lumang centro kan syudad

An Syudad nin Naga sarong primera klaseng syudad kan Filipinas. Namumugtak ini sa Rehiyon Bikol sa sur-sulnopan kan isla nin Luzon. Midbid ini sa apod na Heart of Bicol (Bikol: Puso kan Bikol) siring man binabansagan na An Maugmang Lugar. Ini an solamenteng independyenteng syudad asin an sentro kan edukasyon sagkod Simbahan Katoliko sa rehiyon. Inaapod man an Naga bilang Queen City of Bicol.

Inaapod na Nagueños an mga namamanwaan kaini. Nagkapirang mga midbid na Nagueños iyo sinda Tomas Arejola, Jesse Robredo asin iba pa.

Tampok na Pagkakan

Gulay na natong
Gulay na natong
An gulay na natong sarong lutò kan dahon nin natong sa gutâ na may sili asin karne o sirang askad. An dahon na ginagamit sa ginutaan na natong pwedeng làbas pa o idtong binalad sa saldang. Inaapod man ining laing sa Tagalog asin katngâ sa Rinconada Bikol.

Tampok na Pamanang Kultural

Hitsura kan lokdo kun dinudungaw
Hitsura kan lokdo kun dinudungaw

An Lokdo nin Libmanan sarong takop nin tapayan-na-lulubngan na nakotkot sa Poro o Bigaho sa banwaan nin Libmanan, Camarines Sur kan taon 1982. Pigtutubod na ini tunay na relikyang gikan pa sa suanoy na panahon kan Kabikolan. Sinurat kan sarong etnolohista na si Dr. Zeus Salazar an librong Liktao at Epiko kan 2004.

Mahihiling an pamanang kultural na ini sa Museo del Seminario Conciliar de Nueva Caceres sa Syudad nin Naga.

Tampok na Kahimanwa

Si Raul Roco
Si Raul Roco

Si Raul Sagarbarria Roco (Oktobre 26, 1941Agosto 5, 2005) dating senador asin Sekretaryo kan Departamento nin Edukasyon sa irarom kan administrasyon ni Gloria Macapagal-Arroyo. Maigot niyang iprinomotir an honesto asin marhay na pagpapadalagan nin gobyerno kaya man naging makusog an suporta saiya kan jovenes.

Namundag siya sa banwaan nin Bombon, Camarines Sur.

Dapit sa Proyekto

An Banwaan Ko, Padangat Ko sarong kolaborasyon na proyekto sa pagpaurog kan mga artikulo kan mga banwaan sa rehiyon Bikol sa pag-ultanan kan adbokasiya pangkulturang Pili: Banwaan Ko, Padangat Ko na minukna ni Carlos Arejola na nagpapabantog kan kaaraman dapit sa sadiring banwaan nangurog na sa Pili, Camarines Sur asin kan Bikol Wikipedia Community, an lokal na komunidad nin mga paraambag sa Wikipedia sa rehiyon.