Wikipedia:Portal kan Komunidad

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An komunidad kan Wikimedia Foundation sa rehiyon Bikol
Itinutulod an talingkas, bukas asin buhay na kaaraman sa Filipinas

Manlainlain na kasibotan

Wikimedia Conference 2017
Nobyembre 11, 18 asin 25, 2017
Gigibohon an selebrasyon kan ika-10ng taon kan Bikol Wikipedia
Marso 31 - Abril 2, 2017
Nagpartisipar si Ringer asin Filipinayzd sa Wikimedia Conference 2017 (yaon sa ladawan) sa Berlin, Alemanya bilang mga representante kan Philippine Wikimedia Community (PHWC)
Abril 22 - 24, 2016
Nagpartisipar si Ringer sa Wikimedia Conference 2016 sa Berlin, Alemanya bilang representante kan PHWC
Enero 16, 2016
Ginibo an Rinconada Bikol Wikipedia Edit-a-thon bilang selebrasyon sa Filipinas kan ika-15ng taon kan Wikipedia
Desyembre 19, 2015 - Enero 9, 2016
Ginibo an patiribayan nin potograpiya sa Wikipedia Takes Rinconada
Marso 15, 2015
Pinoonan an proyektong 100 Wiki Days challenge
Desyembre 21-22, 2014
Pagbisita kan Presidente kan Wikimedia Philippines (WMPH) sa komunidad kan Bikol
Agosto 5, 2014
Ipiglansar an aktibidad para sa proyektong Rinconada Bikol Wikipedia
Nobyembre 23, 2013
Ginibo an Open Web Day sa Unibersidad kan Nueva Caceres
Hunyo 15, 2013 
Nagpartisipar sa 2013 Philippine Wikimedia Conference sa Syudad nin Makati
Enero 12, 2013 
Ginibo an Legazpi Photo Walk sa Syudad nin Legazpi
Enero 6, 2013 
Ginibo an Naga Wiknic 1 sa sa Eco Park sa San Felipe, Syudad nin Naga
Nobyembre 24, 2012
Isinelebrar an ika-5ng taon kan Bikol Wikipedia
Hunyo 30, 2012
Ginibo an Open Web Day Ateneo de Naga University

Tampok na proyekto

Wikipedia Takes Rinconada
An Wikipedia Takes Rinconada sarong pakontes sa potograpiya na ginibo sa Syudad nin Iriga asin mga banwaan sa ikalimang distrito kan Camarines Sur. Nagin katuyohan kan aktibidad na makuanan nin ladawan asin bidyo an mga bantog na lugar asin mga bagay-bagay na minapamidbid kan kultura kan Rinconada na erokan kan labi sa 500,000 mga parataram kan Rinconada Bikol. Haros 2,000 na mga ladawan kaiba an mga bidyo an natipon sa Wikimedia Commons asin ngunyan talingkas na magagamit na nin siisay man.

Siisay kami

An Bikol Wikipedia Community sarong komunidad nin mga boluntaryo na nagpapabantog kan mga proyekto kan Wikimedia Foundation sa rehiyon Bikol. Namukna ini kan Oktobre 19, 2009 ninda Filipinayzd, Ringer sagkod Geopoet asin ngunyan padagos na nagtatalubo.

Saro ini sa 4 na komunidad kan Wikimedia Philippines (WMPH) sa nasyon na itinutulod an talingkas, bukas asin buhay na kaaraman. Opisyal na minidbid kan Kabtang an komunidad kan Abril 27, 2012 tanganing magin katuwang sa pagpaurog kan mga proyektong Wikimedia sa lokal na mga tataramon kan rehiyon.

Kan Hunyo 1, 2015 nabilog an Philippine Wikimedia Community (PHWC) tanganing magserbeng organisasyon nin mga paraambag nin mga Pilipino sa laog asin luwas Filipinas na iyong mapatalubo kan manlainlain na Wikipedia sa mga tataramon na lokal arog kan Bikol Sentral, Tagalog, Waray asin iba pa.

Hadoyon kami

Para sa mga kahapotan asin suhestyon, magbali sa mga grupo kan komunidad sa social media.
Hanapon kami sa Facebook

Makisumaro

Sa pagtuwang sa samuya, makakaambag ka nin panahon, kabatiran asin katibayan tanganing matabangan asin maagda an mga tao na mag-rimpos asin magpaurog nin mga pampagtukdo na laog na talingkas na magagamit siring man maihihiras sa kinaban. An saindong tabang dai sana matao nin mahiwas na dalan sa pag-abot sa impormasyon sa maarabot na henerasyon alagad makakatao man nin maibong asin magayagayang eksperyensya.


Bikolanong mga paraambag sa Wikipedia

Mga proyektong Wikimedia

An Wikimedia Foundation, sarong non-profit na organisasyon na nagpapadalagan kan nagkapirang multilinggwal asin talingkas na laog na mga proyekto, kabali an Wikipedia, an talingkas na ensiklopedya na nangagin saro sa mga pinakabantog na websityo sa kinaban.

Sa mga tataramon na Bikol, an minasunod iyo an ipigpapabantog asin ipigpapaurog kan komunidad: