Jejomar Binay

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Si Jejomar Binay

Si Jejomar "Jojo" Cabauatan Binay (namundag Nobyembre 11, 1942), na bisto man sa apod na Jojo Binay o VNay, sarong Filipinong pulitiko asin iyo ngonyan an ika-15ng Bise-presidente kan Filipinas poon 2010. Nagin siyang alkalde kan siyudad nin Makati sa enot na pagkataon (1986-1998) asin sa tolong surunod na termino (2001-2010) siya pa an nagtukaw sa parehong katongdan. Siya man an Presidente ngonyan kan Unidong Oposisyon (UNO), Presidente kan Partido Demokratiko Pilipino-Lakas ng Bayan (PDP-Laban), Chairman kan Asia-Pacific Region Scout Committee asin Presidente kan Boy Scouts of the Philippines.

Edukasyon asin karera[liwatón | liwaton an gikanan]

Si Binay nag'adal sa Philippine Normal College Training Department, University of the Phi9lippines Preparatory High School asin nakamit an Batsilyer en Artes, sa Political Science asin sa Ley sa Unibersidad kan Pilipinas. Nagin man siyang mason sa lindong kan Order of DeMolay.[1] Nagkua asin nakapasar sa bar exam kan taon 1968. Nagkua pa nin mas abanteng adal masteral sa public administration asin sa ley sa UP man giraray asin sa Unibersidad kan Sto. Tomas.

Sa pag'oltan kan mga trabaho asin pag'adal niya, siya nataong mga lektura, nagtotokdo manongod sa ley, political science asin public administration sa mga kolehiyo siring kan Philippine College of Commerce (ngonyan, Polytechnic University of the Philippines), Philippine Women's University asin St. Scholastica's College.

Si Binay nagtao man libreng konsulta asin asistensya bilang abogado sa tios na mga kliyente asin sa mga naabuso an saindang pantawong deretso durante kan rehimen ni Marcos. An siring na higos niya sa pagsurog sa mga nagtitirios asin naaapi napukawan kan mga panahon na siya estudyante pa sa UP kun saen binibisto siya saro sa maigot asin malaad na boses sa hiron nin mga estudyanteng palaban.

Siya nagbali sa kasararoan nin mga abogado, an inapod na Free Legal Assistance Group (FLAG) asin sa "August Twenty-One Movement" (ATOM) na ini pareho namukna dai pa nahaloy kan maasasinar si Ninoy Aquino kan Agosto 1983. Siya man katuwang sa nagtarabang pagtogdas kan inapod na Movement of Attorneys for Brotherhood, Integrity and Nationalism, Inc. (MABINI), sarong grupo nin mga progresibong mga abogado na binabalihan na Lorenzo Tanada, Wigberto Tanada, Rene Saguisag asin Joker Arroyo. Masabi pa, huli sa pagtabang sa mga presonerong pulitikal, dakulon kan mga abogadong ini, kabali na si Binay, an sinda mansana pigkoronkon sa mga preso asin sa mga karsel militar. [2]

Personal na buhay[liwatón | liwaton an gikanan]

Si Binay napangagom si Elenita Sombillo, sarong doktora sa medisina na siya man ngane nabotohan Alkalde kan Makati kan 1998 asin nagsirbe hanggan 2001. An saindang pagsasaro nagbunga nin limang aki: Maria Lourdes Nancy, Mar-Len Abigail (ngonyan representante sa ika-2 distrito kan siyudad nin Makati), Jejomar Erwin, Jr. (an presenteng alkalde kan Makati), Marita Angeline asin Joanna Marie Blanca.

Kan 2010, si Binay pig'ako na igwa siyang piday-piday, bagay na iyo haros ikabaak kan saiyang relasyon sa saiyang agom. Kan ini nagputok sa Internet, nagriribok siya na ini taktika sana man kan mga kalaban huli ta siya nagtataas sa rating bilang kandidato para bise-presidente.


Toltolan[liwatón | liwaton an gikanan]

Tatak kan Bise Presidente kan Filipinas
Mga bise presidente kan Filipinas
Sergio OsmeñaElpidio QuirinoCarlos GarciaDiosdado MacapagalEmmanuel PelaezFernando LopezSalvador LaurelJoseph EstradaGloria Macapagal-ArroyoTeofisto Guingona
Noli de CastroJejomar Binay