Jose Calleja Reyes

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Si Jose Calleja Reyes

Si Jose Calleja Reyes sarong abogado, tubong ciudad nin Iriga, asin kagsurat kan librong Bikol Maharlika) (1992) na saiyang pinalagdang libro sa Filipinas.

Siya nagBikol man kan epikong Ibalong hale sa orihinal na tekstong Kastila asin base igdi, sarong operetta an hinaman niya katuwang si Atty. Salvador M. Tuy. An musika kaini orihinal na komposisyon ni Ninfa Abundo Badong. Pinagpasale an operetta enot duman sa Hotel Ibalon sa Iriga (Peb. 26-27, 1977) dangan sunod sa Little Theatre kan Cultural Center of the Philippines (Mar. 20, 1977). An operetta pinagpasale man sa Colegio de Sta. isabel sa pagtarabang man giraray kan Division of City Schools, Naga City na pinamayohan ni Atty. Salvador M. Tuy asin kan Hotel Ibalon, na an presidente iyo si Atty. Jose Calleja Reyes.

An saiyang pamilya gikan sa duwang gugurang na Bikolnon na pamilya na masususog sa siyam na kapagaraki pabalik.

Naggraduar siya sa Ateneo de Manila University Law School magna cum laude, pagkuang eksam sa board nakamit niya an ika-apat na pwesto. Nagin siya myembro kan Integrated Bar of the Philippines asin kan New York State Bar Association nin huli ngani ta nagpraktis siya kan saiyang abogasya igdi sa Pilipinas asin sa estado kan Nweba York .

Manta na siya aktibo sa pagka-abogado, pagkamoot niya man an mag-adal asin magsurat dapit kan mga bagay na historiko asin kultural. An saiyang mga artikulo napalagda sa Philippine Studies, Boletin Eclesiastico de Filipinas, ANI kan Cultural Center of the Philippines asin siring man nagpadara siya nin mga artikulo sa Manila Daily Bulletin, Bicol Mail asin Oragon.

Si Dr. Norman G. Owen, sarong Amerikanong historyador, minimidbid si Reyes komo saro man sa nagsurat nin mahiwas sa lantad nin kasaysayan asin kultura kan Bikol. [1]

Iba pang mga artikulo sinurat niya (bakong kumpleto)[liwatón | liwaton an gikanan]

  • The Short Tragic Life of Wenceslao Q. Vinzons. Bicol Mail Magazine. Vol. I No. 4. Nob. 1979. Boklit 42-48
  • Ruins and Bardic Song: From Mayon's Eruption of 1814. Bicol Mail Magazine. Vol. I No. 5. Des. 1979. Boklit 8-11 asin boklit 12-21.
  • The Apostles of Bikol. Bicol Mail Magazine. Vol. I No.2. Sept. 1979. Boklit 26-32.

Ginunuan[liwatón | liwaton an gikanan]

  1. Bikol Maharlika (1992). Goodwill Trading. Makati City. Philippines. 552 pages. 55 photographs.
  2. Program: Ibalon- Operetta of an Ancient Bicol Epic
  3. Retrato sinapi' sa libro niyang Maharlika.