Tataramon na Bikol
| Bikol | ||
|---|---|---|
| Pigtataram sa: | Filipinas | |
| Rehiyon: | Rehiyon Bikol | |
| Total na parataram: | 3.9[1] million | |
| Pamilya nin tataramon: | Austronesian Malayo-Polinesyo Borneo-Filipinas Sentral na Filipinas Mga tataramon na Bikol Bikol |
|
| Sistema nin pagsurat: | Latin (Filipino variant); Nakasurat sa Baybayin kan panahon |
|
| Official status | ||
| Opisyal na tataramon kan: | none | |
| Sa regulasyon kan: | Komisyon sa Wikang Filipino (Commission on the Filipino Language) |
|
| Mga koda nin tataramon | ||
| ISO 639-1: | mayò | |
| ISO 639-2: | bik | |
| ISO 639-3: | bcl — Central Bicolano | |
| Note: Pwedeng igwang mga simbolong IPA phonetic sa Unicode sa pahinang ini. Hilingon an IPA chart para sa Ingles para sa lyabeng sa pagtaram basado sa Ingles-. | ||
-
- Para sa mga tataramon na Bikol, hilingon tabì an Mga tataramon na Bikol
An tatarámon na Bikol Sentral (Ingles: Central Bicolano) o Bikol[2], an pinakapigtatarám asín pinakanasásabòtan na tatarámon sa Rehiyon Bikol. Ini an sarô sa mga pangenot na tatarámon sa Filipinas na pigtatarám kan haros 3.9[3] milyon katawo.
Kabáli an tatarámon na ini sa Coastal Bicol, sarô sa mga grupo nin tataramon sa rehiyon kan pamilya nin mga tataramon na Bikolnon. Pigtatarám iní sa dakólang parte kan Camarines Sur, subangán na parte kan Albay, sulnópan kan Camarines Norte, asín norteng parte kan Sorsogon sagkód islan nin Burias sa Masbate.
Mga laóg |
[liwatón] Bikol-Naga
An diyalektong Bikol-Naga na pigtataram sa primero asín segundo distrito kan Camarines Sur (apwera sa Del Gallego), ciudad kan Naga, sagkód San Pascual, Masbate iyó an pig-aapod na "Standard Bikol". Nasasabòtan iní kan kadaklán na paratáram nin mga tatarámon na Bikol. Sa mga ibang parte kaining probinsia an tataramon baku na Bikol Sentral, halimbawa, "Bikol Rinconada."
ang ginikanan kan barangay panal
ang ginihikan kan ngaran kan barangay panal iyo ang sarong kahoy nagngangaran na PANAL.
ang kahoy na ini, dakula asin halangkaw sa gabos na kahoy sa saiyang palibot. ang saiyang dahon darakula siring sa palad nin makusog asin maisog sa tawo na nagtataong proteksyon sa mga mag-iirok saiya arog kan maya gampan, kalaw, uwak, asin kuwaw na nangangaipo nin marhay, magayon, asin masarig na lugar para pailihan asin maging permanenteng istaran.
[liwatón] Bikol-Legazpi
An diyalektong "Bikol Legazpi"[4] iyo an tataramon kan mga Ciudad nin Legazpi asin Tabaco sa probinsia nin Albay, pati kan mga banwa nin Malinao, Malilipot, Bacacay, Sto. Domingo, Manito, Rapu-Rapu. Bikol Legazpi man an tataramon kan distrito nin Bacon sa Ciudad nin Sorsogon asin sa banwa nin Magallanes sa probinsia nin Sorsogon. Dakula an impluwensia kaining diyalekto sa mga ibang parte kan probinsia nin Albay saka Sorsogon huli ta' piglalakop ini kan mga estasyon nin radyo asin telebisyon hale sa Legazpi. Sa mga ibang parte kaining probinsia, iba na an tataramon, halimbawa, "Bikol Miraya."
[liwatón] Bikol-Partido
An diyalektong "Bikol Partido"[5] iyo an tataramon kan mga banwa nin Tigaon, Ocampo, Sangay, San José, Goa, Lagonoy, Caramoan asin Garchitorena sa probinsia nin Camarines Sur, pati sa banwa nin Tiwi sa probinsya nin Albay.
[liwatón] Bikol-Daet
An diyalektong "Bikol Daet"[6] iyo an tataramon kan mga banwa nin Daet, San Vicente, Talisay, Mercedes asin Basud, sa probinsia nin Camarines Norte. Tagalog an tataramon sa mga ibang banwa kaining probinsia.
[liwatón] Bikol-Virac
An diyalektong "Bikol Virac"[7] iyo an tataramon kan mga banwa nin Virac, Bato, San Miguel, Baras, Gigmoto asin Cololbon, sa parteng sur kan probinsia nin Catanduanes. Segun kay Malcolm Mintz,[8] iba asin distinto an tataramon sa parteng norte kaining isla na baku sakop nin pigaapod na "Bikol Sentral."
[liwatón] Mga toltolan
- ↑ http://www.joshuaproject.net/people-profile.php?peo3=11116&rog3=RP
- ↑ [http://www.ethnologue.com/show_language.asp?code=bcl Bicolano, Central Ethnologue
- ↑ http://www.joshuaproject.net/people-profile.php?peo3=11116&rog3=RP
- ↑ http://www.indonesianmalaytexts.iinet.net.au/Bikol.html
- ↑ http://www.indonesianmalaytexts.iinet.net.au/Bikol.html
- ↑ http://www.indonesianmalaytexts.iinet.net.au/Bikol.html
- ↑ http://www.indonesianmalaytexts.iinet.net.au/Bikol.html
- ↑ http://www.indonesianmalaytexts.iinet.net.au/Bikol.html
