An Banwa: Kultura buda Artes kan Tabaco

Tatak kan ABKAT

An An Banwa: Kultura buda Artes kan Tabaco (ABKAT) saróng kasararoan nin mga artistang taga-Syudad nin Tabaco, Albay. Namuknâ ini kan 2005 sa katuyohán na parambongón asin atamanon an lokal na kultura asin arte kan Syudad nin Tabaco, probinsya nin Albay budâ rehiyon Bikol. An organisasyon nairehistro kan Mayo 4, 2004 sa Securities and Exchange Commission sa Syudad nin Legazpi, Albay] bilang saróng non-stock asín non-profit na korporasyon na igwáng corporate number na CN200526539.

Nagpoon an pagbilog kan organisasyon sa saróng pagtiripon sa Cafe Ehemplo sa Syudad nin Tabaco ninda Richard Madrilejos sagkód Frederick Maurice Lim sa katuyohan na makamuknâ nin saróng grupo na magtataong doon sa mga aktibidad na manungod sa mga proyektong pangkultura budâ mga artes.

Si Richard Madrilejos kasi Frederick Maurice S. Lim, an nagpoon kang sarong pagtiripon sa Cafe Ehemplo sa Tabaco na an katuyuhan iyo an magkrear ki sarong organisasyon na magtataong doon sa mga aktibidad na manungod sa mga proyektong pangkultura buda mga artes siring kan pagpresentar ki mga teatro, arte biswal, pagsayaw, literatura, musika, arkitektura budâ film. Marso 9, 2004 nagpoón an mga mga asembleya sagkod kang ma-aprubaran na nanggad sa Securities and Exchange Commission sa Legazpi. Katakod kan pag-organisar iyo man an pagplano kang inot na proyekto kang grupo na igwang titulo na Sikat: Pasok o Tigok? na ibinase sa nag-aadang kultura popular sa telebisyon kang panahon na ito. An nagsurat kang mga objectives kang grupo iyo si Madrilejos.

Mga aktibidad

TAWO

An ABKAT nagkakaigwá nin worksyap sa paagi kan TAWO: Tabaco Writer's Workshop. Iní nganing agdahon an mga parasurat kan banwaan asin pagtaraid kaini na magtiripon-tipon buda mag-orolay-olay an saindang mga gibo. Laom kaini na ipropagar an saidang sadiring kultura asin tataramon sa paagi nin literatura.

Sumpa kan parasurat kan TAWO

Ako, sarong parasurat na Bikolnon, minasumpa na gigibuhon ko sa bilog kong paghingowa na bayubuon, parambungon, surugon kun kaipuhan, an literatura, arte buda kultura kan sakong kamagurangan, nganing danay ining kumusog buda sumupang para sako buda sa masurunod pang henerasyon; na ipapangurog ko an tataramon kan sakong banwaan buda dai ini ikakasupog na gamiton sa dawa sain buda dawa anong sitwasyon; na gagamiton ko an sakong panurat bilang dalan nganing maipahiling ko sa kinaban na ako sarong Bikolano, kaubay sa sarong lahing may dignidad, may sadiring kultura, tali, buda urag. Gabos ini pighahagad kong sakong mautob sa tabang ni Kagurangnan na iyo an pinaka-urog na Parasurat.

Gawad ABKAT para sa Literaturang Tabaknon

Taon 2009 kan piglunsar an Gawad ABKAT sa tabang kan lokal na gobyerno kan ciudad nin Tabaco. Sarô ining patiribayan sa pagsurat na inintrahan kan mga taga-Tabaco buda kan mga kataraning na banwaan. Sa enot na edisyon kaini, napagkauruyunan na Rawitdawit an pormang panliteratura.

Hilingon man

• Arejola Foundation for Social Responsibility
• Developmental Institute for Bicolano Artists‎
• Kabikolan Cultural Association
• Kabulig Bikol Writer's Association
• Sumaro Bikolnon

Mga panluwas na takod

• ABKAT sa Multiply Archived 2011-02-18 at the Wayback Machine.