An Pagkagimata ni Gregor Samsa

Gikan sa Bikol Sentral na Wikipedia, an talingkas na ensiklopedya
An Pagkagimata ni Gregor Samsa
NasyonFilipinas
TataramonBikol Sentral
GenreDakitaramon
KagpublikarAteneo de Naga University Press
Taon kan publikasyon
2016
Klase nin mediaImprenta

An "An Pagkagimata ni Gregor Samsa[1][2]" sarong libro nin dakit-taramon kan librong The Metamorphosis na ipigsurat ni Franz Kafka. Ini pigdakit-taramon sa lenggwaheng Bikol kan Bikolanong parasurat na si Kristian Sendon Cordero asin naisapublikar kan taon 2016. Kairiba man igdi an pira sa mga obra ni Dennis B. Gonzaga bilang representasyon kan mga piling teksto gikan sa libro. An librong ini ipiglagda sa paagi kan Ina nin Bikol Foundation, Inc. asin sa pagtulod paman kan V.C. Igarta Foundation(New York, U.S.A.). Kairiba man sa proyektong ini an pag-espwerso kan Ateneo de Naga University Press. Si Stephen V. Prestado man an kagdisenyo kan bilog na libro. Sa likod na porsyon kan libro, makukua man an giyang glosaryo na maigot na pigsuysoy asin hinaman kan parasurat na si Jusan Misolas. Yaon man sa likod an epilogong ipigsurat man nanggad ni Cordero na igwa nin titulong "An Sentenaryo ni Gregor Samsa Asin Iba Pang Bagay na Naglaog sa Isip Ko Pagkagimata ko kan Nobyembre 5,2015". Maririsa sa tekstong ini kun pano man nagin kabtang an paghaman kan librong ini sa personal na buhay kan awtor gikan naman sa saiyang pigsabi sa epilogo: "Bua na kun bua, sa arog kaining panahon, habo kong magsunod na buta sa kinatudan na minsan an eskwelahan kun sain ako nagtutukdo, iyo na an nilalauman asin pinasusunod samuya na garo mga ahente kami nin edukasyon na budol-budol. Kaipuhan na tumangan an siring na mga gawi-gawi ta an akademya mismo biktima na kan siring na pasunod na iyo man sa paghiling ko an nagpupuot, nagpipiut sa kalag kan tawo.(Cordero,2016)"

Toltolan[baguhon | baguhon an source]