Stephen Prestado
| Stephen V. Prestado | |
|---|---|
| Minundagan | Hulyo 8 Syudad nin Naga, Camarines Sur |
| Alyas | Pen Prestado |
| Kasibotan | Parakurit, parasurat |
| Nasyunalidad | Filipino |
| Lahì | Bikolano |
Si Stephen "Pen" Villafuerte Prestado sarong kagubay na Bikolanong parakurit asin parasurat nin mga rawitdawit sa mga tataramon na Bikol Sentral, Filipino asin Ingles. Siya an ilustrador kan poster kan pelikulang Angustia (2013) ni Kristian Cordero siring man kan mga librong An Propeta nin Kahlil Gibran (2013) na Binikol ni Wilmer Joseph Tria asin Obras Maestras na isinurat ninda Paz Verdades Santos sagkod Marifa Borja Fajardo.[1] Sarô man siya sa mga parakurit sa librong 101 Kagila-gilalas na Nilalang (2015) ni Edgar Calabia Samar asin ipinublikar kan Adarna House.[2]
Sarô siyang estudyante nin Edukasyon sa Ingles sa Ateneo de Naga na Unibersidad sa Syudad nin Naga asin kaapil kan Ateneo Literary Association (ALA). Siya nagin ilustrador asin kagdibuho sa mga pangkolehiyong publikasyon na Sural, Tilad, Rimpos asin The Pillars Publication. Kan 2007, nadakop siya asin si Antonio Casitas sa sarong protesta kontra sa pagmina kan Lafayette sa Rapu-Rapu, Albay.
Si Prestado nagin partisipante sa Juliana Arejola-Fajardo Workshop sa Pagsurat-Bikol kan taon 2007 asin Saringsing Writers Workshop kan 2012. Siya kaapil man kan Parasurat Bikolnon. Siya iyo an nag-ikaduwang lugar sa pinakainot na Bikol Slam na ginibo sa Syudad nin Naga kan 2012.[3]
Sa ginibong Rimpos: art-literature Exhibition kan Salingoy Art Group, katampad kan mga obrang kurit ni Roxanne Diaz Daliva an saiyang mga rawitdawit. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na pinakarhay ni Eilyn Nidea laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[4][5]
Toltolan
[baguhon | baguhon an source]- ↑ Pen’s pen and ink Business Mirror (pighugot 2015-07-08)
- ↑ New Titles: 101 Kagila-Gilalas na Nilalang Archived 2015-05-03 at the Wayback Machine. Adarna House (pighugot 2015-07-08)
- ↑ 1ST BIKOL SLAM POETRY CONTEST Bicol Mail (pighugot 2015-07-08)
- ↑ Rimpos, an art-literature exhibition, to open in Naga City this May 4[permanent dead link] Panitikan.com.ph (pighugot 2015-06-27)
- ↑ Salingoy stages Rimpos Art-Lit exhibit[permanent dead link] Panitikan.com.ph (pighugot 2015-06-27)
Mga panluwas na takod
[baguhon | baguhon an source].jpg)
Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina.