Jusan Misolas

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Jusan V. Misolas
Jusan Misolas.jpg
MinundaganSyudad nin Naga,
Camarines Sur
KasibotanEstudyante, parasurat
NasyunalidadFilipino
LahìBikolano
Alma materAteneo de Naga na Unibersidad
GenreRawitdawit
Bantog na giboRimpos literary folio
Mga bantog na gawadSt. John the Evangelist Parish Service Award

Si Jusan Villaflor Misolas sarong kagubay na Bikolanong parasurat gikan sa Syudad nin Naga. Nagtapos sya sa Ateneo de Naga na Unibersidad nin AB Literatura. Kan 11-12 nin Abril 2014, saiyang pinadalagan an inot na TALA Poetry Workshop.[1] Sya an presenteng bise presidente kan Parasurat Bikolnon.

Pagsurat[liwaton | liwaton an gikanan]

Sya nagin tagapakarhay asin tagaambag sa An Tambobong nin Literaturang Bikolnon asin nagkapirang pangkolehiyong publikasyon siring kan Sural, Tilad, asin Rimpos.[2][3][4][5] Kabali man an saiyang rawitdawit sa Sagurong: 100 na Kontemporanyong Rawitdawit sa Manlain-lain na Tataramon Bikol (2011).[6][7]

Nag-adal sya sa Ateneo de Naga na Unibersidad nin AB Literatura kun sain nagin aktibong syang myembro kan Ateneo Literary Association (ALA). Nagin kaapil man sya kan Kabulig-Bikol asin kan organisasyon pangkultura na Sumaro Bikolnon kun sain sya nagin direktor kaini kan 2010-2011.[8]

Kan 2015, pinanginutan nya an paghimo kan polyetong panliteraturang Rimpos kan Ateneo de Naga na Unibersidad.[9] Kan 2016, ipigbungsod niya an duwang libro nin mga rawitdawit sa Better Living Through Xeroxography Naga na saiyang ipinalis sa tataramon na Bikol.

Worksyap asin eksibit[liwaton | liwaton an gikanan]

Siya nagin partisipante sa Juliana Arejola-Fajardo Workshop sa Pagsurat-Bikol asin Saringsing Writers Workshop kan 2012. Sarô man siya sa mga partisipante kan pinakainot na Saling-Panitik Bienvenido Lumbera Translation Seminar-Workshop na ginibo kan Pebrero 8-10, 2018 sa Unibersidad kan Pilipinas, Diliman, Syudad nin Quezon.[10][11]

Dati siyang myembro kan Parasurat Bikolnon kun sain siya saro sa nagin panelista sa Saringsing Writers Workshop poon 2013 sagkod 2018.[12] Saro man sya sa mga kritiko sa CBSUA Writers Workshop na ginibo sa Calabanga, Camarines Sur kan 2014.[13]

Sa ginibong Rimpos: art-literature Exhibition kan Salingoy Art Group, katampad kan mga obrang kurit ni Gracia A. Nieves an saiyang mga rawitdawit. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na pinakarhay ni Eilyn Nidea laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[14][15]

Toltolan[liwaton | liwaton an gikanan]

  1. Writers Company and the 1st Tala Workshop Panitikan.com.ph (pighugot 2015-06-07).
  2. Literary folio, nirimpos ni Misolas websityo kan Parasurat Bikolnon (pighugot 2015-06-07)
  3. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
  4. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
  5. Nidea, Eilyn Lamadrid. The Nurturing: Inspirations from Rimpos (Salingoy Art Group, 2013)
  6. Santos, Paz Verdades asin Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)
  7. An Tambobong nin Literaturang Bikolnon Mga Awit para sa Ina (BikolianA, 2011)
  8. Sumaro Bikolnon eyes accreditation from city Bicol Mail (pighugot kan 2011-12-14)
  9. New, young literary voices in Naga City Bicolstandard.com
  10. Bicolanos attend Saling Panitik at UP Diliman Bicol Standard
  11. A Big Boost for Translation Panitikan.ph
  12. 4th Saringsing Writers Workshop fellows named Panitikan.com.ph
  13. CBSUA-Calabanga holds First Writers' Workshop
  14. Rimpos, an art-literature exhibition, to open in Naga City this May 4 Panitikan.com.ph (pighugot 2015-06-27)
  15. Salingoy stages Rimpos Art-Lit exhibit Panitikan.com.ph (pighugot 2015-06-27)