Badette Roco
| Bernadette Florendo-Roco | |
|---|---|
| Minundagan | Daet, Camarines Norte |
| Kasibotan | Politiko, obrerong pangkultura |
| Nasyunalidad | Filipino |
| Lahì | Bikolano |
| Alma mater | De la Salle University |
| Mga bantog na gawad | Saringaya Award (2007) |
Si Bernadette Florendo-Roco sarong Bikolanong politiko asin obrerong pangkultura sa Syudad nin Naga. Siya an kagtudas na pamayo kan Ladies in Green Foundation Inc. (LIGFI), Naga City Council for Women (NCCW), Naga City Healthy Lifestyle Movement (NCHLM), asin ngunyan iyo an board secretary kan Nueva Caceres Heritage Movement. Siya nagin parte bilang finance officer kan United Nations Food and Agriculture Organization (UNFAO). Nagserbe siya bilang konsehal kan Syudad nin Naga poon 2007 sagkod 2010[1] kun sain nagin siyang tagapamayo nin komite kan Environment, Women and Gender, asin kan Culture and Arts.
Kan 2007, si Roco ginawadan kan Department of Environment and Natural Resources (DENR) kan Saringaya Award, an pinakahalangkaw na gawad na itinatao kan rehiyonal na ahensiya nin gobyerno para sa mga nagtutulod kan pagprotehir kan kapalibotan sa Bikol. Bago kaini, kan 2002, saiyang pinanginotan bilang presidente kan LIGFI an Peñafrancia Garden Festival bilang parte kan Kapiyestahan nin Peñafrancia kun sain minidbid kan konseho kan syudad an saiyang espwerso.[2]
Personal na buhay
[baguhon | baguhon an source]Siya nagtapos nin Business Management sa Ateneo de Naga University asin nagkua nin pirang units sa Masters in Business Administration sa De la Salle University. Agom niya an dating alkalde asin representante kan segundo distrito na si Sulpicio S. Roco, tugang kan dating Senador na si Raul Roco.
Bilang politiko
[baguhon | baguhon an source]Nagserbe si Roco poon 2007 sagkod 2010 bilang konsehal kan Syudad nin Naga kun sain saiyang kinaptan an mga importanteng komite bilang tagapamayo kaini kabilang an komite sa kultura asin arte.
Kabilang sa mga ordinansya na naipasar na saiyang ibinusol sa konseho iyo an Ordinansa Blg. 2007-032 na nagdedelarar kan petsang Septyembre 19 lambang taon bilang aldaw nin katalingkasan sa Espanya sa Syudad.[3]
Kataytayan nin mga ladawan
[baguhon | baguhon an source]-
Bicol Song Festival kan Sumaro Bikolnon kaiba si Roco bilang sarong imbitadong bisita, 2014 -
Mga opisyal kan Nueva Caceres Heritage Movement kaiba si Roco, 2015 -
Si Badette Roco kaiba an mga opisyal kan PhilWiki Community, 2023
Toltolan
[baguhon | baguhon an source]- ↑ 9TH SANGGUNIANG PANLUNGSOD City Officials: 1945-2022. Sangguniang Panlunsod, Syudad nin Naga. Opisyal na websityo kan Syudad nin Naga. (Kinua 2023-11-06)
- ↑ Resolution 2002-418. RESOLUTION COMMENDING LADIES IN GREEN FOUNDATION INC. THRU ITS PRESIDENT BERNADETTE F. ROCO FOR THE SUCCESSFUL LAUNCHING OF THE PEÑAFRANCIA GARDEN FESTIVAL IN CONNECTION WITH THIS YEAR'S PEÑAFANCIA FIESTA. (Author: Hon. Simeon F. Adan) Sangguniang Panlunsod, Syudad nin Naga. (Kinua 2023-11-06)
- ↑ ORDINANCE NO. 2007-032 AN ORDINANCE AMENDING ORDINANCE NO. 2006-050, OTHERWISE KNOWN AS “THE ORDINANCE ESTABLISHING LIBERATION DAY IN THE CITY OF NAGA”, NOW TO BE CITED AS “THE ORDINANCE ESTABLISHING SEPTEMBER 19 AS “ALDAW NIN KATALINKASAN SA ESPAÑA” IN THE CITY OF NAGA. Opisyal na websityo kan Syudad nin Naga. (Kinua 2023-11-06)
