Bles Chavez-Bernstein

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Bles Chavez-Bernstein sa saiyang pagkanta sa Siyudad nin Naga (Bicol), Filipinas (2019)

Si Bles Valencia Chavez-Bernstein (namundag, Agosto 13, 1954) sarong Filipino-Amerikanang pararawit-parakanta, autor asin nurse. Sarong soprano, siya regular na nagkakanta bilang soloista sa Pan American Society of Artists sa direksyon kan dipuntong Maestro Lawrence Siegel asin nagluluwas sa mga konsyerto o sa mga produksyon sa entablado poon pa kan 1992. Kan 1997 sundo 2001, siya kuminua nin mga leksyon sa classical singing sa Performer's Musical Institute sa Miami, Florida kun saen dakul na recital saiyang ginibo. Siya nagkanta na sa mga recital asin mga konsyerto sa iba-ibang lugar, sa Bangkok, Tailandya, sa Seoul, Korea, sa Miami, Florida, sa Frankfurt, Alemanya asin sa Syudad nin Naga, Filipinas.[1]

Sa classical na mga obra, saiyang sayon nanggad an mga kumposisyon ni Mozart, Puccini, Lloyd-Weber, Handel, Rachmaninoff, Faure, Hurwitz, Dvorak, Gershwin asin iba pang mga bantogan na kompositor kan panahon. Kinanta niya na an manlaen-laen na papel sa mga musical arog kan Doll on a Music Box hale sa Chitty Chitty Bang Bang, bilang Maria sa West Side Story asin bilang si Christine sa Phantom of the Opera.

Pamilya[liwaton | liwaton an gikanan]

May tolong aki sa enot na agom na nagtalikod na sa kinaban, si Bles Chavez sa presente an agom niya asin kasaro sa buhay iyo si Steven Bernstein.[2]

Edukasyon/Karera[liwaton | liwaton an gikanan]

Namundag sa Ocampo, Camarines Sur, siya nagtapos nursing sa Universidad de Santa Isabel (cum laude) asin nagin rehistradong nars sa Amerika kun saen 35 taon siya nagpraktis kan saiyang propesyon sa mga ospital sa Amerika na an saiyang espesyalidad yaon sa Mental Health asin Addictions nursing. Kan 2002, siya nagawadan nin scholarship sa musika kan New World School of the Arts sa Miami, Florida. Laen pa kan pagklase niya sa Performer's Musical Institute sa Miami, saiyang natapos kan 2006-2007, an Complete Singing Course sa Surrey, Inglatierra[3][4]

Bilang pararawit[liwaton | liwaton an gikanan]

Sa edad pa sanang 12, siya nagpoon nang magrawit. Kan edad 18, an saiyang unibersidad, Universidad de Santa Isabel, ginawadan siyang primer premyo sa rawitdawit niyang At Dusk in Paradise na itinampok sa Isabelina, an magasin literaryo kaini. Poon kaidto regular siyang paraambag sa magasin nin mga rawitdawit asta presente igwa siyang libro nin 100 na rawitdawit na napublikar, Without Rhyme. Dugang pa igdi, sige an surat niyang mga halipot na osipon, mga prosa asin nobela.

Mga libro[liwaton | liwaton an gikanan]

  • Without Rhyme.A poet's Story. Bles Chavez-Bernstein. Outskirts Press, Inc.U.S.A.2014. ISBN:978-1-4787-3577-9[5]
  • In the Typhoon's Eye., sarong nobela

Diskograpiya[liwaton | liwaton an gikanan]

  • An Inspiration, an Evening of Dreams and Desires. Konsyerto nakavideo.

Toltolan[liwaton | liwaton an gikanan]

  1. [Without a Rhyme. Chavez-Bernswtein, Bles. Outskirts Press. 2014. ISBN:978-1-4787-3577-9] Poetry book ni Bles Chavez-Bernstein. Kinua 2019-03-10
  2. The Singing Poet Magazine. December 1, 2018. Sadiring publikasyon.
  3. [1]www.thephilippinesmagazine.com. Kinua 2019-03-10
  4. [The Singing Poet Magazine. December 1, 2018. Sadiring publikasyon.
  5. [2]Amazon.com.