Eilyn Nidea
| Eilyn Lamadrid Nidea | |
|---|---|
 Si Nidea sa paglunsar kan libro ni Irvin Sto. Tomas, 2021 | |
| Alyas | Eilyn Nidea |
| Kasibotan | Paratukdô, parasurat |
| Nasyunalidad | Filipino |
| Lahì | Bikolano |
| Genre | Saysay, rawitdawit |
| Bantog na gibo | Buhay-riles |
| Mga bantog na gawad | Premio Tomas Arejola para sa Literaturang Bikolnon |
Si Eilyn "Ayen" Lamadrid Nidea sarong kagubay na Bikolanang paratukdô, parasurat, artista sa pelikula, obrerong pangkultura asin kagsurat kan librong Pangaturogan (Parasurat Bikolnon, 2020). Ngunyan, siya an nagpapadalagan kan Teatro Ragayano, sarong grupo nin mga artista sa entablado na itinugdas na Carlos Arejola, Anabel A. Haber, Christy G. Rañola sagkod ni Nidea.
Siya nagtapos nin kolehiyo sa Ateneo de Naga na Unibersidad sa Syudad nin Naga asin nguyan sarong paratukdo sa Nasyunal na Paadalan nin Pang-agrikultura asin Pagsisira nin Ragay (RNAFS) sa banwaan nin Ragay, Camarines Sur. Dati man siyang nagin editor sa campus journalism sa RNAFS para sa mangiba-ibang klase nin pagsurat: news writing, editorial, sports news writing asin iba pa.
Sa presente, siya an kahilom kan Parasurat Bikolnon kun sain nagin man siyang direktor.
Pagsurat
[baguhon | baguhon an source]
Si Nidea saro sa mga kritiko, poon kan 2013 sa Saringsing Writers Workshop, an taonan na hunglonan sa pagsurat kan organisasyon.[1] Bàgo kaini, siya nagin partisipante sa Juliana Arejola-Fajardo Workshop sa Pagsurat-Bikol sa Syudad nin Naga kan taon 2012. Siya premyado kan Premio Tomas Arejola para sa Literaturang Bikolnon sa kategoryang saysay (essay) kan 2009.
Nag-atendir si Nidea bilang penalista sa pinakainot na ALIGAS ADNU Student Writers Workshop na ginibo kan Abril 26-27, 2023. Nag-atendir man siya sa pinakainot na Saling-Panitik Bienvenido Lumbera Translation Seminar-Workshop poon Pebrero 8-10, 2018 asin Gemino H. Abad Seminar-Workshop on Teaching Literature poon Setyembre 20-22, 2019 na parehong ginibo sa Unibersidad kan Pilipinas, Diliman, Syudad nin Quezon.[2][3][4]
Pigsaentablado an saiyang pasale na may titulong, I am Woman Monologue: Death Sa Pista nin Teatrong Bikolnon 2023, na ginibo sa Ayala Malls Cinema 4 Legaspi City kan Abril 28, 2023.
Sa ginibong Rimpos: art-literature Exhibition kan Salingoy Art Group, nakatampad kan mga obrang kurit ni Maricris Gomez an saiyang mga rawitdawit. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na saiyang pinakarhay laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[5][6]
Kabali an saiyang erotikang rawitdawit na Pagbaklay sa antolohiyang Ani 38: The Human Body/Ang Katawan na pinagpupublikar kan Sentro Pangkultura kan Filipinas (CCP) kan 2014.[7] Siya sarô sa mga kagmuknâ kan Hagkos Bikolana, sarong grupo nin mga babaing parasurat sa Camarines Sur kaiba sinda Irmina Torres, Marissa Reorizo-Redburn, Lourdes Nieva asin iba pa.[8]
Kan 2020, an Parasurat Bikolnon nagpublikar nin anom na na libro sa saindang Writers Series kaiba an mga panurat niya asin ninda Edwin Breva, Jr., Froy Beraña, Jerome Hipolito, Jerome Hipolito, Elbert Baeta, asin Irvin Sto. Tomas sa mga tataramon na Bikol Sentral, Rinconada Bikol, asin Filipino/Tagalog.[9] Nagtao man siya nin lektura sa Pagkarahay Art Festival.
Pelikulohiya
[baguhon | baguhon an source]Maliban sa pagigin artista sa entablado, si Nidea nagluwas man sa mga independyenteng pelikula poon kan 2013 sa pelikulang Angustia ni Kristian Cordero.[10]
Pelikula
[baguhon | baguhon an source]| Year | Title | Role | Notes |
|---|---|---|---|
| 2013 | Angustia | Direktor: Kristian Cordero | |
| 2016 | Sayaw sa Butal | Alona | Direktor: Vic Nierva |
Toltolan
[baguhon | baguhon an source]- ↑ 4th Saringsing Writers Workshop fellows named Archived 2016-08-13 at the Wayback Machine. Panitikan.com.ph
- ↑ Bicolanos attend Saling Panitik at UP Diliman Bicol Standard
- ↑ A Big Boost for Translation Panitikan.ph
- ↑ Gémino H. Abad Seminar-Workshop on Teaching Literature (pighugot 2019-8-23)
- ↑ Rimpos, an art-literature exhibition, to open in Naga City this May 4[permanent dead link] Panitikan.com.ph (pighugot 2015-06-27)
- ↑ Salingoy stages Rimpos Art-Lit exhibit[permanent dead link] Panitikan.com.ph (pighugot 2015-06-27)
- ↑ CCP launches 38th literary journal on 45th year[permanent dead link] Cultural Center of the Philippine (pighugot 2015-06-27)
- ↑ Luzon Delegates Taboan Festival 2014
- ↑ Bikol reaps bumper literary crop despite lockdown Bicol Standard (February 24, 2021)
- ↑ Cordero’s first full length film to premier in Manila and Naga Bicol Mail (pighugot 2015-06-27)
