Jazmin Llana

Gikan sa Bikol Sentral na Wikipedia, an talingkas na ensiklopedya

Si Jazmin Badong Llana minundag kan Oktubre 27, 1963 sa Baao, Camarines Sur. Siya sarong kagubay na parasurat asin miyembro kan Kabulig Bikol. Siya an kagtugdas kan Sining Banwa.

Pag-adal, mga gibo, asin pagtokdo[baguhon | baguhon an source]

Siya igwa nin Masters of Arts Degree sa Theater Arts sa Unibersidad kan Pilipinas, Diliman. Parte man siya kan World Theater Project ni Dr. Anton Juan. Siya sarong maestra sa Departamento kan Literatura sa De La Salle University-Manila.[1] Nagserbe man si Llana bilang Dean sa College of Arts and Sciences sa Aquinas University[2] sa Legazpi, Executive Assistant para sa External Affairs asin Direktor kan Center for Culture and the Arts sa parehong unibersidad. Digdi niya man pigpunan an Rokyaw Street Theatre Festival [3]kan 2000 na naging taunan na pagpapalabas sa Albay asin sa Legazpi City.

Pigmukna ni Llana an Pagsurat Bikolnon, sarong komperensya nin mga Bikolanong Parasurat kan taon 2000, kaiba si Frank Peñones asin Tootsie Jamoralin[4]. Ini nagpadagos hasta 2004, asin si Llana nagin katuwang man nanggad kan kumperensya kan ini hinaman kan 2012. Nagin kaayon si Llana sa Executive Council kan Komite sa Sining Panteatro ng Pambansang Komisyon sa Kultura at mga Sining (NCCA)[5].

Kan Enero 28, 2013, nagin parte si Llana kan UMPILAN I [6]bilang sarong panel. Ini ginanap duman sa Natividad Galang Fajardo (NGF) Conference Room, Gusaling Horacio De La Costa kan Ateneo de Manila. Ang UMPILAN sarong serye nin pag-urulay manungod sa panitikan kan Pilipinas na pig-organisa kan Unyon ng mga Manunulat sa Pilipinas (UMPIL)[7].

Saro sa mga memorableng obra na nahaman niya bilang direktor, iyo an Kantada ni Daragang Magayon hali sa epikong tula na Cantata of the Warrior Woman Daragang Magayon ni Merlinda Bobis. An saiyang mga akademikong Papel nailaag man sa mga dyurnal, partikular an Performance Research kan Routledge. Nagluwas na an mga obra niya sa nagkakapirang mga dyurnal asin libro, kaayon diyan an Recuerdos na nagluwas sa Filipino Writing (DLSU Press, 2001).

Mga onra[baguhon | baguhon an source]

Si Llana nakaresibe nin nagkakapirang onra arog kan Helsinki Prize hali sa International Federation for Theatre Research kan 2008 asin Dwight Conquergood Award para sa Performance Studies international kan 2010.

Mga panluwas na takod[baguhon | baguhon an source]

  1. https://www.dlsu.edu.ph/
  2. "Archive copy". Archived from the original on 2020-03-11. Retrieved 2019-03-12. 
  3. http://www.aq.edu.ph/printver.php?p=main&s=os&taskId=faaug&ver=print[permanent dead link]
  4. https://sorsogonunited.wordpress.com/tag/reynaldo-tootsie-jamoralin/
  5. https://philippineculturaleducation.com.ph/pambansang-komisyon-para-sa-kultura-at-mga-sining/
  6. https://panitikan.ph/2013/03/01/umpilan-hinggil-sa-panitikang-ilokano-kasama-sina-rambaud-at-lucero-sa-marso-11/
  7. https://en.wikipedia.org/wiki/Unyon_ng_mga_Manunulat_sa_Pilipinas

Toltolan[baguhon | baguhon an source]

  1. http://www.aq.edu.ph/index.php= Archived 2008-12-16 at the Wayback Machine.
  2. https://panitikan.ph/2014/06/06/jasmin-badong-llana/
  3. https://kalatasliteraryezine.wordpress.com/2013/04/13/k-magazine-umpilan-panitikang-bikol-jazmin-llana/