Bles Chavez-Bernstein
| Bles Chavez-Bernstein | |
|---|---|
 Si Chavez-Bernstein kan saiyang paglunsar nin librong Without Rhyme: A Poet's Story sa Syudad nin Naga, Filipinas | |
| Minundagan | Blesilda Presisto Valencia Agosto 13, 1954 Banwaan nin Pili, Camarines Sur |
| Kasibotan | Parakanta, parasurat |
| Lahì | Filipino-Amerikana |
| Pagkahimanwâ | Amerikana |
| Alma mater | Universidad de Santa Isabel (B.N.); Performer's Musical Institute; New World School of the Arts |
| Genre | Rawitdawit, usipon, nobela |
| Bantog na gibo | Without Rhyme: A Poet's Story |
| Mga bantog na gawad | 2018 Outstanding Vincentian Award for the Performing Arts |
| Agom | Steven Bernstein (2005-presente) Menandro Chavez (1978-1995) |
| Mga akì | Eurice Chavez, Yrra Harzinski, Rehina Minnis |
| Website | |
| www.blessingingpoet.com | |
Si Bles Chavez-Bernstein (namundag kan Agosto 13, 1954 sa ngaran na Blesilda Presisto Valencia) sarong Filipino-Amerikanang pararawit-parakanta, awtor asin retiradong rehistradong nars. Resipyente siya kan Outstanding Vincentian Award for the Performing Arts na iginawad kan Universidad de Santa Isabel kan 2018 kun sain siya nagtapos digdi nin Batsilyer sa Nursing na igwang onrang cum laude.
Sarong soprano, si Chavez-Bernstein regular na nagkakanta bilang soloista sa Pan American Society of Artists sa direksyon kan dipuntong Maestro Lawrence Siegel asin nagluluwas sa mga konsyerto o sa mga produksyon sa entablado poon pa kan 1992. Kan 1997 sundo 2001, siya kuminua nin kurso sa classical singing sa Performer's Musical Institute sa Miami, Florida kun sain dakol na recital saiyang ginibo. Siya nagkanta na sa mga recital asin mga konsyerto sa iba-ibang lugar, sa Bangkok, Tailandya; sa Seoul, Korea, sa Miami, Florida; sa Frankfurt, Alemanya asin sa Syudad nin Naga, Filipinas.[1]
Sa classical na mga obra, saiyang sayon nanggad an mga komposisyon ni Mozart, Puccini, Lloyd-Weber, Handel, Rachmaninoff, Faure, Hurwitz, Dvorak, Gershwin asin iba pang mga bantogan na kompositor kan panahon. Kinanta niya na an manlaen-laen na papel sa mga musical arog kan Doll on a Music Box hale sa Chitty Chitty Bang Bang, bilang Maria sa West Side Story asin bilang si Christine sa Phantom of the Opera.[1]
Pamilya
[baguhon | baguhon an source]May tulong aki sa inot na agom na nagtalikod na sa kinaban, si Chavez-Bernstein sa presente an agom niya asin kasaro sa buhay iyo si Steven Bernstein.[2]
Edukasyon asin Karera
[baguhon | baguhon an source]Namundag sa Banwaan nin Pili, Camarines Sur siya nagtapos Batsilyer sa Nursing sa Universidad de Santa Isabel na igwang onrang cum laude asin nagin rehistradong nars sa Estados Unidos kun sain 35 taon siyang nagpraktis kan saiyang propesyon sa mga ospital na an saiyang espesyalidad yaon sa Mental Health asin Addictions nursing. Kan 2002, siya nagawadan nin scholarship sa musika kan New World School of the Arts sa Miami, Florida. Laen pa kan pagklase niya sa Performer's Musical Institute sa Miami, saiyang natapos kan 2006-2007, an Complete Singing Course sa Surrey, Inglaterra.[3][2]
Bilang pararawit
[baguhon | baguhon an source]Sa edad pa sanang 12, siya nagpoon nang magsurat nin rawitdawit sa Ingles. Kan edad 18 anyos, an saiyang rawitdawit na At Dusk in Paradise na itinampok sa Isabelina, an magasin panliteraryo kan Universidad de Santa Isabel, nakaguno nin primer premyo asin ginawadan kan saiyang unibersidad. Poon kaidto siya nagin regular na paraambag sa magasin nin mga rawitdawit asin padagos na nagsusurat sa presente sagkod na nagkaigwa na siyang libro nin 100 na rawitdawit.
Naipublikar an saiyang mga sinurat sa librong Without Rhyme: A Poet's Story na ipinublikar kan Outskirts Press, Inc. sa Estados Unidos kan 2014. Dugang pa igdi, padagos an saiyang pagkatha nin mga halipot na osipon, prosa asin nobela.
Mga libro
[baguhon | baguhon an source]- Without Rhyme. A poet's Story. Bles Chavez-Bernstein. Outskirts Press, Inc. USA (2014) ISBN:978-1-4787-3577-9[4]
- In the Typhoon's Eye. Outskirts Press, Inc. USA (2020)
Diskograpiya
[baguhon | baguhon an source]- An Inspiration, an Evening of Dreams and Desires. Konsyerto naka-video.
Toltolan
[baguhon | baguhon an source]- ↑ 1.0 1.1 Chavez-Bernstein, Bles. Without a Rhyme. Outskirts Press. 2014. ISBN:978-1-4787-3577-9 Kinua 2019-03-10
- ↑ 2.0 2.1 The Singing Poet Magazine. December 1, 2018. Sadiring publikasyon.
- ↑ The enchanting and beautiful Bles Chavez Bernstein talks life, love, hapiness Archived 2019-01-12 at the Wayback Machine. Thephilippinesmagazine.com. Kinua 2019-03-10
- ↑ Bles Chavez-Bernstein sa Amazon.com
Basahon man
[baguhon | baguhon an source]
Pinopoonan an artikulong ini sa Arte. Makakatabang ka sa Bikol Wikipedia sa pagparambong kaining pahina.