Carlos Garcia

His Excellency Carlos P. Garcia
8th President of the Philippines
Termino Marso 18, 1957 – Desyembre 30, 1961
Bise Presidente	None (March 18 – December 30, 1957) Diosdado Macapagal (1957–1961)
Suminunod ki	Ramón Magsaysay
Sinundan ni	Diosdado Macapagal
1st President of the 1971 Philippine Constitutional Convention
Termino Hunyo 1, 1971 – Hunyo 14, 1971
President	Ferdinand Marcos
Sinundan ni	Diosdado Macapagal
4th Vice President of the Philippines
Termino Desyembre 30, 1953 – Marso 18, 1957
President	Ramón Magsaysay
Suminunod ki	Fernando López
Sinundan ni	Diosdado Macapagal
Secretary of Foreign Affairs
Termino Desyembre 30, 1953 – Marso 18, 1957
President	Ramon Magsaysay
Suminunod ki	Joaquin Miguel Elizalde
Sinundan ni	Bakante Post later held by Felixberto Serrano
Senator of the Philippines
Termino Mayo 25, 1946 – Desyembre 30, 1953
Gobernador kan Bohol
Termino Desyembre 30, 1933 – Desyembre 30, 1941
Myembro kan Philippine House of Representatives from Bohol's 3rd District
Termino 1925–1931
Suminunod ki	Teodoro Abueva
Sinundan ni	Filomeno Caseñas Orbeta
Personal na mga detalye
Kamundagan	Carlos Polestico García (1896-11-04)Nobyembre 4, 1896 Talibon, Bohol Captaincy General of the Philippines
Kagadanan	Hunyo 14, 1971(1971-06-14) (edad 74) Quezon City, Metro Manila Philippines
Lulubngan	Libingan ng mga Bayani, Taguig, Philippines
Partido politikal	Nacionalista Party
Agom	Leonila Dimataga
Mga aki	Linda García-Campos
Alma mater	Silliman University Philippine Law School National University (Philippines)
Trabaho	Abogado
Pagtubod	Roman Catholicism
Lagda

Si Carlos Polestico Garcia (4 Nob. 1896 - 14 Hunyo 1971) ika-walong presidente kan Republika kan Filipinas asin siya tuminukaw sa katongdan na ini kan si Presidente Ramon Magsaysay nagadan sa paglagpak kan eroplanong nalulunadan niya, taon 1957. Sa parehong taon, sa eleksyon presidential siya nagkandidato sa parehong kargo asin nakaluwas siya. Kan liwat siya duminalagan sa eleksyon kan 1961, nadaog na siya kan si Bise-presidente niya na si Diosdado Macapagal.

Kaamayan kan Buhay asin Karera

An solong bitoon sa Bandera kan Bohol pigrerepresentar si Pres. Carlos Garcia

Si Garcia inaki sa Pangasinan, [[]] ninda Policronio Garcia asin Ambrosia Polistico. An mga magurang niya gikan asin namundag sa Bangued, Abra. Sinasabing nagdakula siya sa pulitika ta an ama niya apat na termino nagin alkalde kan munisipyo. Nag-adal siya kan saiyang primariya sa Talibon dangan naghaiskul sa Cebu Provincial High School. Sa halipot na oras, nagkua siyang kurso nin abogasya sa Silliman University duman sa Dumaguete pero natapos niya ini sa Philippine Law School. Natapos niya an kurso taon 1923, asin kan siya nag-eksamen, ika-sampolo an pwesto nakamit niya.

Dai ngona siya nagpraktis ta nagtukdo siya nin duwang taon sa Bohol Provincial High School. Nagin siyang bantog sa bansag na 'Prinsipe kan mga Bisayang Makata" asin "Makata kan Bohol." An karera niya sa pulitika napo'nan kan siya nagin kongresista na renerepresentar an ika-3 distrito kan Bohol. Nabotohan liwat siya sa ika-2 turno pero hanggan 1931 sana tuminukaw ta duminalagan siya asin nakaluwas sa pagka-gobernador. Duwang turno siya sa pwestong ini asin kan 1946, nakaluwas siya komo kongresista. Naglawig nin tolong termino an pagkapot niya kan siring na katongdan.

Siya an bise-presidente ni Ramon Magsaysay kan eleksyon 1953 asin nagsirbe siya komo Secretary of Foreign Affairs asin bilang bise-presidente nin apat na taon.

An Pagkapresidente Niya

Sinerbehan niya an tadang termino ni Magsaysay kan 1957 asin sa eleksyon sa taon na ini nakamit niya an pwesto para sa bilog na termino nin pagkapresidente na apat na taon.

An saiyang administrasyon nabibisto sa saiyang pinasunod na Filipino First Policy na pinaoorog an mga negosyanteng Pilipino labaw sa mga dayuhan. Siya man an nakapalipot kan periodo nin pagokupar kan su base militar kan mga Amerikano, hale sa 99 taon napahuros sa 25 taon na sana, susog sa ibinoot kan Bohlen-Serrano Agreement.

Pag-eleksyon kan 1961, nagdalagan pa man kuta siya para re-eleksyon sa parehong pwesto alagad nadaog na siya ni Diosdado Macapagal, an saiyang bise alagad kaapil sa Partido Liberal.

Pakatapos kan Pagkapresidente Niya

Kan madaog siya sa eleksyon n in 1961, nagretiro na siya komo sarong pribadong namamanwaan sa Tagbilaran, Bohol. Kan Hunyo 1, 1971, siya naelegir komo delegado sa 1971 Constitutional Convention asin napili siya komo presidente kan Kumbensyon alagad, pirang aldaw lang, Hunyo 14, inatake siya sa puso na iyo an saiyang ikinagadan.

Siya ngonyan, kaiba an saiyang agom si Leonila (nagadan 1994), nakalubong sa Libingan ng mga Bayani. Siya asin si Diosdado Macapagal pa sana an duwang presidenteng nakalubong sa Libingan.

Mga panluwas na takod

• Senator's Profiles, [1]