Eduardo Quisumbing

Eduardo Quisumbing
Eduardo Quisumbing
	Lubungan ni Quisumbing sa Libingan ng mga Bayani, Filipinas
Kamundagan	Nobyembre 24, 1895; Santa Cruz, Laguna, Kaptansya Heneral kan Filipinas
Kagadanan	Agosto 23, 1986 (edad 90) ; Syudad nin Quezon
Nasyunalidad	Filipino
Alma mater	Unibersidad kan Pilipinas, Los Baños; Unibersidad kan Chicago
Trabaho	Taksonomo nin tinanom
Mga gawad	Nasyunal na Siyentista kan Filipinas

Si Eduardo Quisumbíng y Argüelles (Filipino: Eduardo Argüelles Quisumbing; Nobyembre 11, 1895, Santa Cruz, Laguna – Agosto 23, 1986, Syudad nin Quezon) iyo Filipinong biyolohista na saro sa nangengenot na awtoridad sa mga tinanom sa Filipinas.

Edukasyon

Naguno niya an saiyang BSA sa Biyolohiya sa Unibersidad kan Pilipinas Los Baños kan 1918 asin an saiyang MS sa Botanika sa parehas na unibersidad kan 1921, sagkod an Ph.D. sa taksonomiya sa tinanom, sistematiko, asin morpolohiya sa Unibersidad kan Chicago kan 1923.

Karera

Poon 1920 hasta 1926 siya nakatakod sa Kolehiyo kan Agrikultura sa U.P., asin poon 1926 hasta 1928 sa University of California; kan 1928 nagin siyang sistematikong botaniko asin poon kan Pebrero 1934 nagin aktong pamayo nin Natural Museum Division kan Bureau of Science, Manila, na ngunyan direktor kan Nasyunal na Museo. Kan siya pigkaag sa U.S. Navy sa Guiuan, sa sur na puro kan Samar, naghimo siya nin mga koleksyon sa rehiyon. Nagretiro siya bilang direktor kan Nobyembre 1961, asin kan mga suminunod na taon iyo nakatakod na sa Unibersidad kan Araneta. Napasairarom man saiya an restorasyon kan Herbarium na iyo labing nagaba durante kan giyera.

Nagin awtor si Quisumbing kan mga taksonomiko asin morpolohikong papeles, kun sain an nagkapira iyo dapit sa orkids kabali na an ‘Medicinal plants in the Philippines’ (Manila 1951). An Saccolabium quisumbingii iyo pigngaranan sa saiyang onra. Resipiyente man siya kan Distinguished Service Star (1954) para sa saiyang dakulang kontribusyon sa lado nin sistematikong botanika; Diploma of Merit on Orchidology asin Fellow Gold Medal, Malaysian Orchid Society (1966); Gold Medal, American Orchid Society (1969),^[1] sagkod 1975 PhilAAS Most Outstanding Award.

An istandardong abrebasyong awtor na Quisumb. iyo ginagamit para sa personang ini bilang awtor sa pagsambit nin sarong botanikong ngaran.^[2]

Hilingon man

Toltolan

↑ "AOS Medal and Award Recipients". American Orchid Society. Archived from the original on 2016-03-14. Retrieved 2021-04-27.
↑ IPNI. Quisumb.

Panluwas na takod

DOST - National Academy of Science and Technology sa www.nast.dost.gov.ph
QuisumbingE sa www.nationaalherbarium.nl

Sarong saringsing na artikulo sa Siyensya ini. Makakatabang ka sa Bikol Wikipedia sa pagparambong kaining pahina.

[1] "AOS Medal and Award Recipients". American Orchid Society. Archived from the original on 2016-03-14. Retrieved 2021-04-27.

[2] IPNI. Quisumb.

[1]

[2]