Siyensya asin teknolohiya sa Filipinas

An edipisyo kan Nasyunal na Instituto kan Molekular na Biyolohiya asin Biyoteknolohiya sa U.P. Diliman.

National Science Complex sa U.P. Diliman.

An siyensya asin teknolohiya sa Filipinas iyo nagpapahiling sa siyentipiko asin teknolohikal na pag-uswag na nahimo kan Filipinas sagkod an mga analisis na relatibo sa mga isyung pampolisiya. An pangenot na ahensya na responsable sa pagmanehar kan siyensya asin teknolohiya (S&T) iyo an Departamento kan Siyensya asin Teknolohiya (DOST). Igwa man nin mga sektoral na konseho para sa Siyensyang Pangkadlagan, Agrikultura asin Akwakultura, an Industriya nin Metal, Nukleyar na Pag-aadal, Pagkakan asin Nutrisyon, Salud, Meteyorolohiya, Bulkanolohiya, asin Sismolohiya.

An siyensya asin teknolohiya iyo sarong interdisiplinaryong urulayan na minasakop sa siyensya, teknolohiya, asin an saindang mga interaksyon:

An siyensya iyo sarong sistematikong lado na minahaman asin minaorganisa kan mga kaaraman sa porma nin eksplanasyon asin prediksyon manungod sa kapalibotan asin sa uniberso. An teknolohiya iyo an koleksyon nin mga teknik asin proseso na ginagamit sa paghimo nin mga kalakal o serbisyo, o an akomplisimiyento kan mga katuyohan arug kan siyentipikong imbestigasyon.

Kaiba sa mga lalaki asin babayi na nakahimo nin kontribusyon sa siyensya iyo sinda Fe del Mundo sa lado nin pedyatriko, Eduardo Quisumbing sa taksonomiya kan tinanom, Gavino Trono sa tropikal na marinong pikolohiya, asin si Maria Orosa sa lado nin teknolohiyang pagkakan.

Panluwas na takod

• Advanced Science and Technology Institute (websityo)
• Department of Science and Technology Philippines (websityo)
• National Academy of Science and Technology (websityo)
• Philippine Social Science Council (websityo)