Furigana

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Furigana

An Furigana (振り仮名) saróng uri kan pagsurat sa nacion na Hapon na kun saen ini saróng pambulong sa pagbasa o reading aid, na igwang sararadit na kana, o silabikong mga karakter, na pigprita kasunod kan kanji (ideograpikong karakter) o iba pan karakter tanganing ipahiling an saiyang pagsayod. Ini saróng urí kan tekstong rubi. Bistado man an Furigana bilan yomigana (読み仮名) o rubi (ルビ) sa Hapones. Sa modernong Hapon, pirming piggagamit ini tanganing i'glosa an mga bihirang kanji, tanganing iklaripika an mga bihira, bakong estandarte o mga ambiguous kanji na babasahon, o sa mga pan'aki o pan'adal na mga materyales. Bagó an mga Repormang Iskritura na post-world war II, kuminarap ini lalo.[1]

An Furigana minsan kadaklan nakasurat sa hiragana, sa katakana, mga letrang alpabeto o iba pan kanji n pwedeng gamiton sa mga espesyal na mga kaso. Sa patindog na teksto, an tategaki, piglalaag an furigana sa toóng linya kan teksto; sa pahigdá na teksto, an yokogaki, piglalaag ini sa ibabaw kan linya kan teksto, na ipinapahiling sa ibabâ.


o

かん

An mga halimbawá na pagbabaybay iyo an kanji, na kun saen binubuo ini nin duwáng mga karakter na kanji: 漢 (kan, pigsusurat sa Hiragana bilan かん), asin 字 (ji, pigsusurat sa hiragana bilan じ).

Hilingon man[liwaton | liwaton an gikanan]

Mga Toltolan[liwaton | liwaton an gikanan]

  1. Geoffrey Sampson (1990). Writing Systems: A Linguistic Introduction. Stanford University Press. p. 190. ISBN 978-0-8047-1756-4.