Gedung Agung
| An Dakilang Bilding | |
|---|---|
| Gedung Agung | |
 An Gedung Agung sa Yogyakarta | |
  Kinamumugtakan sa Yogyakarta | |
| Panginot na Impormaciones | |
| Estilo nin Arkitektural | Arkitekturang Indyano |
| Kinamumugtakan | Jalan Ahmad Yani, Gondomanan, Yogyakarta |
| Tagboan | 7°48′01″S 110°21′52″E / 7.800227358721231°S 110.3645401729129°ETagboan: 7°48′01″S 110°21′52″E / 7.800227358721231°S 110.3645401729129°E |
| Nagpuon an Konstruksyon | 1869 |
| Kliyente | Residente kan Yogyakarta, Gobernador kan Yogykarta |
An Gedung Agung (Katahawan na Bikol: An Dakilang Establishimiento) iyo an saro sa anom na mga presidensyal na palasyo kan Indonesya, nakamugtak ini sa syudad nin Yogyakarta. Minasakop an complex kan palasyo sa sarong lugar na dai-malagpas sa 4.4 ektarya. Mahihiling ini sa hampang kan Fort Vredeburg.[1]
Kasaysayan
[baguhon | baguhon an source]Inot ining itinugdok kan 1824 sa sarong estado na pag-sasadiri kan ika-18 Olandes na residente kan Yogyakarta na si Anthonie Hendriks Smissaert. Dinisenyo an inot na bilding kan sarong arkitekto na nagngangaran na A. Payen, na may tipikal na disenyo nin arkitekturang tropikal kan Indies. Naantala an pagpapatindog kan bilding kan nagpapadagos na Gerang Haba, sarong rebelyon na pinamamayuhan ni Prinsipe Diponegoro asin natapos sana ini kan 1832.
Sarong linog an nagyanig asin ibinagsak an inot na palasyo kadtong ika-10 nin Hunyo 1867 asin tinindog giraray an bilding kadtong 1869. Binago an katindugan kan Yogyakarta poon Residente sa sarong probinsya kadtong ika-19 nin Disyembre 1927, kaya binago kan bilding an obheto kaini bilang opisina kan gobernador.
Sa kasagsagi kan pakikibaka para sa Katalingkasan, sinakop an kapitolyo syudad kan Jakarta kan mga pwersang Alyansa asin ipiglipat an gobyerno sa Yogyakarta kadtong ika-6 nin Enero 1946. An palasyo, naging istaran kan Presidente na si Sukarno sa tanga kan 1946 asin 1949, sagkod inilipat pabalik an gobyerno sa Jakarta kadtong ika-28 nin Disyembre 1949.[2]
Matapos magin ikaduwang presidente kan Indonesya si Suharto, ginibong venue an palasyo para sa afternoon parade kada ika-17 nin Agosto tanganing girumdumon an katalingkasan kan Indonesya. Dai nahaloy kan 1991, ginagamit an bilding tanganing ipagbangkete an lambang sandali kan mga segundo kan deklarasyon nin katalingkasan.[3]
Tampok
[baguhon | baguhon an source]Sa natad kan bilding nakatindog an duwang estatwa nin tagapangataman ni Dwarapala na may langkaw na 2 meters (6.6 ft) asin sarong obelisk na gibo sa andesito na pinagaranan na Tugu Dagoba (Parangpan nin Dagoba), o Tugu Lilin (Parangpan nin kandila) kan mga lokal, na nakatindog sa langkaw na 3.5 meters (11 ft). Sa kabilugan, igwang 26 na bilding sa palatial complex na may Gedung Induk (panginot na bilding) bilang panginot na audience hall para sa pag-ako nin mga bisita.[2]
Hilingon man
[baguhon | baguhon an source]- Palasyo nin Bogor
- Palasyo nin Cipanas
- Palasyo nin Merdeka
- Palasyo nin estado (Indonesya)
- Lista kan mga palasyo sa Indonesya
Mga toltolan
[baguhon | baguhon an source]- ↑ "Benteng Museum marks RI fight for independence", Jakarta Post, Financial Times Ltd: JAPO12586293, 2000-08-29, ISSN 0215-3432
- ↑ 2.0 2.1 [1] Archived 2015-09-24 at the Wayback Machine., setneg.go.id
- ↑ Gedung Agung Archived 2018-03-16 at the Wayback Machine., Gedung Agung
 |
An Wikimedia Commons igwa nin medya dapit sa Gedung Agung. |