Gilbert Garcera

Gilbert A. Garcera
Garcera wearing a biretta and choir dress in 2024.
Kamundagan	(1959-02-02) Pebrero 2, 1959 Magarao, Camarines Sur
Nasyunalidad	Filipino
Alma mater	Holy Rosary Major Seminary
Sinundan	Ramon Arguelles
Relihiyon	Roman Catholic
Plantilya:Ordination

Plantilya:Infobox bishopstyles

Eskudo de armas ni Arsobispo Garcera

Si Gilbert Armea Garcera (namundag Pebrero 2, 1959) sarong Arsobispong Romano Katoliko kan Arkidyoseses nin Romano Katoliko nin Lipa sa Filipinas. Saiyang sinalidahan si Arsobispo Ramon Arguelles, na amay pa nagdemitir na kan 2017 sa katongdan bago kan mandatoryong edad nin saiyang pagretiro. An enot niyang toka bago kaini, siya nan obispo kan Diyoseses nin Daet sa Camarines Norte.

Biograpiya

Si Gilbert Armea Garcera namundag sa Magarao, Camarines Sur, sa saiyang mga magurang na sinda Celestino Borja Garcera asin Nenita Romero Armea. Natapos niya an saiyang elementarya kan 1971 sa Naga Parochial School, Naga City asin saiyang sekundarya sa Holy Rosary Minor Seminary igdi sa Naga City kan 1971. Saiya pang pinadagos saiyang pag'adal igdi sa seminaryong Holy Rosary Minor Seminary kun saen niya nakamit an Bachelor of Philosophy kan 1979 asin Bachelor of Sacred Theology kan 1983 sa Holy Rosary Major Seminary. Parehong taon, kan Mayo 29, siya naordenan padi para sa Arkiodiyoseses nin Caceres.

Saiyang nakamit an master's degree sa Religious Studies sa Ateneo de Manila University, Quezon City, kan 1992, na an saiyang tesis "A Proposed Basic Catechetical Formation Program for the Deaf." Kan 2004, saiyang natapos an kurso sa Doktorado sa Pilosopiya sa Organization Development (OD) duman sa Southeast Asia Interdisciplinary Development Institute (SAIDI), Antipolo, na an saiyang dissertation iyo an "An OD Intervention in Evolving the Desired Organizational Culture of the Episcopal Commissions of the Catholic Bishop’s Conference of the Philippines (CBCP)."

Presbyterate

An enot na toka ni Garcera kan siya maordenan iyo an magin siyang assistant na kura paroko sa Metropolitan Cathedral of Saint John the Evangelist sa Siyudad nin Naga, dangan komo bise rektor kan Basilica Minore of Our Lady of Penafrancia poon 1991 sundo 1992. Dangan kaidto siya nadestino bilang rektor kan San Francisco Parish sa Siyudad nin Naga Naga City kan 1997, kun saen siya nadagos na matokang mismo kura paroko kan nasabing paroko pakalihis sarong taon.

Siya man natokahan sa magkapirang ministerial asin pastoral na katongdan sa Arkiodyoses nin Caceres. Siya pignombrahan na Archdiocesan Director of Caceres Catechetical Ministry poon 1987 abot 1995. Siya nagin myembro kan Presbyteral Council of Caceres poon 1985 abot 1998 asin man kan Commission on Communications poon 1988 abot 1991. Siya naelehir man na saro sa Board of Trustees kan Naga Parochial School, Naga City poon 1995 sundo 2001.

Poon 1992 abot 1995, siya nagin Administrative Director / Personnel Officer kan Radio Veritas Asia, dangan kan 2001 abot 2003,siya pignombrahan na Assistant Secretary General asin Assistant Treasurer kan Catholic Bishops' Conference of the Philippines asin Managing Editor, CBCP Monitor. Siya man myembro sa Catechism for Filipino Catholics (CFC) Speakers' Bureau of the Episcopal Commission on Catechesis and Catholic Education (ECCCE) poon Enero 2003 abot sa ngonyan na presente.

Siya man nagin National Director, Ad Interim kan Pontifical Missionary Societies of the Philippines sa Manila asin Executive Secretary, Ad Interim kan Episcopal Commission on Mission kan Catholic Bishops’ Conference of the Philippines poon 2002 sundo 2003.

Siya natokahan na National Director kan Pontifical Missionary Societies of the Philippines sa Manila, myembro kan Superior Council asin myembro kan Asian Delegate for the Restricted Council of Pontifical Missionary Societies poon 2004 abot sa presente.

Siya an napili na chair sa Congress Program Committee para sa Asian Mission Congress sa Thailand poon Enero abot Oktobre 2006 asin nagin myembro sa Supreme Committee of Pontifical Missionary Societies, Rome poon 2005 abot 2010

Obispo nin Daet

Kan Abril 4, 2007, siya natokahan na ikatolong Obispo nin Daet ni Papa Benedict XVI kan magdemitir sa pwesto si Benjamin J. Almoneda, naaprobahan. Siya nanombrahan Obispo kan Hunyo 29, 2007, sa Basilica Minore of Our Lady of Peñafrancia, Naga City ni Leonardo Z. Legaspi, Metropolitan Archbishop of Caceres, kaabay ni Benjamin J. Almoneda, Bishop Emeritus nin Daet, asin Orlando Quevedo, Arsobispo nin Cotabato.

Kan Oktobre 2015, si Garcera saro sa anom na Filipino sa 270 na mga kardinal asin mga obispo asin 18 mag-agom sa bilog na kinaban an tinugotan ni Papa Francisco mag'atender sa historikong Synod of Bishops on the Family sa Vatican. Puon kan 2017 saiyang tinukawan an Episcopal Commission on Family and Life asin myembro siya sa CBCP Permanent Council.

Arsobispo nin Lipa

Kan Pebrero 2, 2017, si Papa Francisco pignombrahan siya komo Arsobispo nin Lipa, bilang ikaanom na obispo kaini nagsalida ki Ramon Arguelles, asin siya nagkapot sa arkidyoses nin 13 taon.

Mga panluwas na takod

Catholic Church titles
Suminunod ki Benjamin Almoneda	Bishop of Daet 2007–2017	Sinundan ni Rex Andrew Alarcon
Suminunod ki Ramon Arguelles	Archbishop of Lipa 2017–present	Sa ngunyan na nanunungdan