Gomihan

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Gomihan
Gomihan bunga.jpg
An bunga
20140618 221745.jpg
Binaak na bunga
Klasipikasyong Siyentipiko liwaton
Kingdom: Plantae
Clade: Angiosperms
Clade: Eudicots
Clade: Core eudicots
Clade: Rosids
Order: Rosales
Pamilya: Moraceae
Genus: Artocarpus
Species:
A. sericicarpus
Pangngarang Binomial
Artocarpus sericicarpus
F.M.Jarrett
Mga pisog may kunab pa

An gomihan (Artocarpus sericicarpus, Jarret; Ingles, monkey-jackfruit[1]), na inaapod man gomian/gumihan, sarong nagkakahoy na tinanom sakop kan pamilya Moraceae. Natural na tubo sa Borneo, Sulawesi asin sa Filipinas, ini nalangkaw abot 120 na pye. [2] An saiyang prutas, na naabot 20 sentimetro (8 pul.) an pagkadakula, nataong mga kunab na puti, malumoy, mamulotpulot pero naghahalnas, mahamot asin may pambihirang hamis asin namit. An bunga mismo bilogon, patos nin malomhok na "buhok" asin kun ini hinog na, nagkokolor malamulaw, o buru-bulawan. Ini totoo nagtutubo man na layas sa mga kadlagan, asin sa natad nataong mahiwas na limpoy, pakinabang na gayo kun mainit o masaldang. An mga dahon kaini nakaagid sa ogob saka sa rimas.

An mga pisog na hinalean nang kunab, pwede man labo'nan, sanlagon o pritoson. Ngane magnamit, winiwirikan gasiprot na asin. Garo mansana ini mani o pisog-langka na pwedeng pagsinga'singaon. Sa sarong bunga, pwedeng makakua nin dai mababa sa 40 pisog.

Mga arapodan sa ibang tataramon: pedalai, pulantan, tera bulu.


Mga panluwas na takod[liwaton | liwaton an gikanan]


Toltolan[liwaton | liwaton an gikanan]

  1. Adrados, Jerry Escoto. Daratangan Na Olay. Common Language of the Bikolnon. Other Option Promotions. Tabaco City. 2012. p. 124. ISBN 978-971-95468-0-1 Kinua 17-06-14
  2. http://www.tradewindsfruit.com/content/pedalai.htm Kinua 17-06-14