Inhinyeriyang pangkimika

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Inhinyeriyang pangkimika (Ingles: Chemical Engineering) iyo an inhinyeriyang minagamit sa prinsipyo kan pisikal na siyensiya (kimika asin pisika) asin siyensiya kan buhay (biyolohiya, mikrobiyolohiya, asin biyokimika), kaibanan an matematika asin ekonomika, sa mga proseso na nagliliwat sa mga hilaw na materyales pasiring sa produktong piglalaumang magibo[1]. An proseso igwang rango hale sa nano-teknolohiya sa laboratoryo hasta sa mga darakulang planta pang-industriyal. "Inhinyero kimikal" an apud sa mga taong yaon sa propesiyong ini.

Ginagamit an kaaraman sa Inhinyeriya pangkimika sa pagdisenyo asin operar kan mga plantang pang-industriyal

Uusipon[liwaton | liwaton an gikanan]

Nagpuon ini kan 1888, kun sain an "Inhinyero Kimikal" iyo an mga inhinyero mekanikal na may naaraman sa kimika, tauhan sa planta na may eksperyensiya pero may kadikit na inadalan, asin kimiko na may aram sa pagdalagan kan plantang pang-industriyal.[2]

Uli sa Rebolusyong-industriyal kan ika-18 na siglo, nangangaipo an mga siyentista sa Inglatera na mas mapamarhay an proseso nin pag-gibo kan sulfuric acid. Sa pangangaipo na kan inhinyeriya na magamit nin kaaraman sa kimika asin tradisyonal na inhinyeriya, nagbalak mag-gibo an Briton na si George E. Davis nin "Society of Chemical Engineers". Maski ngani dae naghaloy an organisasyon, padagos niya man pigpa-lakop an prinsipyo kan inhinyeriyang pangkimika.

Kan taong 1887, nagtukdo si Davis sa Manchester Technical School manungod sa pag-operar kan mga prosesong-kimikal (ngunyan an inaapod na "unit operations" asin "unit process"). Kan taong 1901, pigpublikar niya an "Handbook of Chemical Engineering" na nagkaigwa pa nin ika-duwang edisyon kan 1904. Digdi pigtawan niyang duon an importansiya kan dakulang sukol nin eksperimentasyon (an hinalean kan modernong pilot plant), kagibuhang ligtas, asin an konsepto kan "unit operations". Siya ngunyan an binibistong nagtaong pangaran asin depinisyon sa propesiyong ini.

Hilingon man[liwaton | liwaton an gikanan]

Mga toltolan[liwaton | liwaton an gikanan]

  1. https://www.rit.edu/kgcoe/women/sites/rit.edu.kgcoe.women/files/ChemE%20brochure%20%20-%20Final%20Handout.pdf
  2. http://pafko.com/history/h_chem20.pdf