Jump to content

Merlinda Bobis

Gikan sa Bikol Sentral na Wikipedia, an talingkas na ensiklopedya
Merlinda Bobis
Si Dr. Merlinda Bobis kaibá si Vic Nierva
Minundagan (1959-11-25) Nobyembre 25, 1959 (edad 65)
Tabaco, Albay
KasibotanParatukdô, parasurat
NasyunalidadFilipino
LahìBikolano
Alma materAquinas na Unibersidad kan Legazpi (B.A.)
Unibersidad kan Santo Tomas (M.A.)
GenreRawitdawit, nobela, halìpot na usipon
Mga bantog na gawadGawad Pambansang Alagad ni Balagtas
Gawad Pagromdom ki Carlos Palanca para sa Literatura

Si Merlinda Carullo Bobis (25 Nobyembre 1959) sarong premyadong kagubay na Bikolana-Australyang parasurat, parabayle, artistang biswal, asin paratukdô. Namundág siya sa mga magurang niyang sindá Nicolas Bobis asín Amparo Carullo, asin nagdakulà siyá sa Tabaco, Albay. An saiyang mga dulâ naipahilíng na sa entablado siring man sa radyo sa Filipinas, Pransya, Tsina, Tailandya, Slobakya asin Australya, kun sain siya ngunyan nag-eerok. Nanggana si Bobis kan 2016 Christina Stead Prize for Fiction sa NSW Premier's Literary Awards para sa saiyang librong, Locust Girl: A Lovesong.[1]

Pag-adal, mga gibo, asin pagtokdo

[baguhon | baguhon an source]

Nag-adal si Bobis nin elementarya sa Kolehiyo nin Divine World asin Akademiya nin San Rafael, nin sekondarya sa Unibersidad nin Bikol, asin nagtápos na Summa cum Laude sa Aquinas na Unibersidad kan Legazpi, ngunyan Unibersidad kan Santo Tomas-Legazpi, nin Batsilyer nin Artes sa Administrasyon nin Publika kan 1980. Nagtápos man siya na Meritissimus sa Unibersidad kan Santo Tomas sa Manila nin Master nin Artes sa Literatura kan 1987, asin nin Doktorado sa Artes sa Unibersidad kan Wollongong sa Australya kan 1994 kun sain siya ngunyan nagtutukdô.

Tulong pagkakataon na tinàwan an saíyang mga tukdâ sa Gawad Pagromdom ki Carlos Palanca para sa Literatura. An enot iyo kan 1987 para sa Peopleness, sarong katiriponán nin mga rawitdáwit sa Ingles na isinurat niyá asin kaibahan/samâ na ganador, enot na premyo. Sinundán ini kan 1989 para sa Lupang di Hinirang: Kuwento at Sikreto (Dagáng Daí Padaba: Usipón asin Rirong/Land Not Dearest: Story and Secret) saróng katiriponán nin mga rawitdáwit sa Pilipino, ikaduwang premyo. Asin, kan 1995 para sa Ms. Serena Serenata, sarong halìpot na dulâ, na ginawádan nin kagalanggalang na sambít.

An saiyang duláng Rita's Lullaby nanggana sa 1998 Australian Writers' Guild Awards para sa pinakamarháy na panradyong dulâ, asin an pangkinàban na Prix Italia sa parehong taon. Kan taon 2000, an saiyang White Turtle nanggana kan Steele Rudd Award para sa pinakamarháy na katiriponán nin Australyanong mga halìpot na usipon. Siring man kaini duman sa 2000 Philippine National Book Award. kaidtong 2006, nagkamít siyá kan Librong Bulawan Award (Gintong Aklat Award/Golden Book Award, Philippines) gikan sa Book Development Association of the Philippines para sa saiyang pinakahuring nobelang Banana Heart Summer.

Nagtukdô nin 10 taon si Bobis nin literatura, humanidades, asin Ingles sa De la Salle na Unibersidad, Unibersidad kan Santo Tomas, asin Colegio de San Juan de Letran, antes na natàwan nin grant nin pampag-adal sa Unibersidad kan Wollongong kan 1991.

Mga tukdâ

[baguhon | baguhon an source]

Mga rawitdawit

  • Rituals: Selected poems, 1985-1990. (1990)
  • Summer was a Fast Train without Terminals. (Melbourne: Spinifex, 1998) ISBN 1-875559-76-0
  • Puso ki Batag. (Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)

Mga halìpot na usipon

Mga nobela

  • Banana Heart Summer (Murdoch Books, 2005) ISBN 1-74045-590-8
  • The Solemn Lantern Maker (Sydney: Murdoch Books, 2008)
  • A Novel In Writing (UST Press: 2004)
  • Pag-uli, Pag-uwi, Homecoming (UST Press: 2004)
  • Locust Girl: A Lovesong (North Melbourne: Spinifex, 2015)

Mga onrang nakamit

[baguhon | baguhon an source]
  • Finalista: Australian Classical Music Award (Best Vocal/Choral Work of the Year) para sa Daragang Magayon Cantata (sarong kolaboratibong opera kan rawitdawit ni Bobis asin musika ni Bruce Crossman), 2007
  • Gawad Pambansang Alagad ni Balagtas (National Balagtas Award: sarong habambuhay na premyo para sa saiyang rawitdáwit asin prosa sa Ingles, Pilipino, Bikol) gikan sa Unyon nin mga Parasurat sa Filipinas (Unyon ng Manunulat ng Pilipinas/Union of Philippine Writers), 2006
  • Gawad Librong Bulawan (Gintong Aklat Award/Golden Book Award: Philippine publishers' award) para sa Banana Heart Summer (nobela), 2006
  • Halìpot na lista: Australian Literature Society Gold Medal para sa Banana Heart Summer, 2006
  • Nominasyon: Pinakamarháy sa Dayong Tataramon sa Kathang-isip gikan sa Manila Critics’ Circle para sa Banana Heart Summer, 2006
  • Judges’ Choice Award, Bumbershoot Bookfair, Seattle Arts Festival para sa Kissing (katiriponán nin mga halìpót na osipón, napalagdáng White Turtle sa Australya asin Filipinas), 2001
  • Arts Queensland Steele Rudd Australian Short Story Award (para sa pinakamarháy na napalagdáng katiriponán nin Australyanong mga halìpot na usipon, samâ na ganador) para sa White Turtle, 2000
  • Philippine National Book Award for Fiction (samâ na ganador) gikan sa Manila Critics’ Circle para sa White Turtle, 2000
  • NSW Ministry for the Arts Writers’ Fellowship para isinusurat na nobelang Fish-Hair Woman, 2000
  • Canberra Writing Fellowship turuwáng an Australian National University, an Unibersidad nin Canberra, asin an Australian Defence Force Academy, 2000
  • Prix Italia (internasyunal na premio) para sa Rita's Lullaby (duláng pangradyo), 1998
  • Australian Writers' Guild Award (AWGIE) para sa Rita’s Lullaby, 1998
  • Pamana Philippine Presidential Award for achievement in the arts (for Filipino expatriates), 1998
  • Halìpot na lista: The Age Poetry Book of the Year Award for Summer Was A Fast Train Without Terminals (katiriponán nin mga rawitdáwit), 1998
  • Ganador, Out of the Ashes Trans-Tasman Short Story Competition para sa White Turtle (halìpot na usipon), 1998
  • Commended: National Short Story Competition, Society of Women Writers para sa The Sadness Collector (halìpot na usipon), 1998
  • Samâ na ganador, Books & Writing Short Story Competition kan ABC Radio National para sa The Tongue (bantagan na The Parable of Illawarra Street), 1997
  • Ian Reed Foundation Prize for Radio Drama para sa Rita's Lullaby, 1995
  • Carlos Palanca Memorial Award in Literature (Philippine national award), kagalanggalang na sambít para sa Ms. Serena Serenata (halìpot na dulâ), 1995
  • Gawad Cultural Centre of the Philippines (nasyunal na gawad para sa rawitdáwit sa Pilipino) para sa Mula Dulo Hanggang Kanto (Poon Puro Sagkód Kanto/From End to Corner, katiriponán nin mga rawitdáwit), 1990
  • Likhaan Award para sa Daragang Magayon asin iba pang mga rawitdáwit, University of the Philippines Writers' Workshop, 1990
  • Carlos Palanca Memorial Award in Literature, ikaduwáng premyo para sa Lupang di Hinirang: Kuwento at Sikreto (Dagáng Dai Padabà: Usipon asin Rirong/Land Not Dearest: Story and Secret, katiriponán nin mga rawitdáwit sa Pilipino), 1989
  • Carlos Palanca Memorial Award in Literature, samâ na ganador, enot na premyo para sa Peopleness (katiriponán nin mga rawitdáwit sa Ingles), 1987
  • Caracoa Award for Outstanding Contributions 1987

Mga panluwas na takod

[baguhon | baguhon an source]

Mga hihilngan

[baguhon | baguhon an source]

Toltolan

[baguhon | baguhon an source]
  1. ↑ 2016 - Premyo nin Christina Stead para sa Kathang-isip NSW PREMIER’S LITERARY AWARDS. State Library of New South Wales. Kinua kan 28 Hunyo 2016.
Kinua sa "https://bcl.wikipedia.org/w/index.php?title=Merlinda_Bobis&oldid=262184"