Jonathan Zaens
Si Jonathan Zaens sarong parakanta (namundag sa Syudad nin Naga) asin ganador sa ika-7ng Sylvia Geszty International Voice Competition. Siya nagin pinalista sa ika-13ng Bach International Competition asin Mendelssohn Voice Competition.
Si Zaens aki ninda Manuel Zaens asin Amelita de la Paz Zaens. Siya nag-adal nin elementarya sa Naga Parochial School dangan nagtapos nin sekondarya sa Philippine High School for the Arts. Igwa siyang titulong Batsilyer sa Boses na igwang onrang cum laude gikan sa Unibersidad kan Pilipinas. Kan 2000, nagtapos siya nin kurso sa Voice/Music Theater sa University of the Arts sa Berlin.
Nagin tampok na parakanta man siya sa State Opera and Estates Theater sa Prague, Tsekya kun sain saiyang kinanta an papel ni Mozart ninda Leporello asin Gulielmo. Sa Berlin, siya nakapasali man sa Neukollner Opera, Berliner Chamber Opera asin the New Opera Stage kan mga papel ni Dulcamara sa “L’Eliser d’Amore,” “Alidoro in Hasse’s” “La Sorella Amante” ni Donizetti, asin sa “Curlew River” kan Abbot sa Britten.
Bilang sarong parakantang Oratorio, si Zaens parating minakanta kan mga parte na Bass parts kan mga mayor na Oratorio ninda Bach, Mozart, Brahms, Handel, Haydn, Mendelssohn asin Rossini. Nagkanta na man siya sa Alemanya, Italya, Sweden, Tsekya, Costa Rica, Estados Unidos asin Filipinas.
An saiyang mga kanta kompwesto kan musika kan ika-21ng siglo. Sa Salzburg Festival nagkanta siya sa pangkinaban na pagbungsod kan “Dufte-Zeichen” (Scents-Signs) ni Stockhausen. Siya nagkanta man kan iba pang mga komposisyon ninda Stockhausen, Sciarinno, Zender, Rihm, Eotvos, Piazzola sa Berliner Festival, Schwetzinger Festival, Biennial Festival sa Venice asin Koblenz Theater.
Nadangog man an saiyang tingog sa Prague State Opera na kinakanta an mga komposisyon ni Mozart na Leporello asin Guglielmo maliban pa kan pagigin parakanta sa Berliner Chamber Opera asin iba pang teatro sa Alemanya.
