Juan Q. Miranda

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Plake para ki Miranda pigresibi kan aki niya ng si Queenie Miranda

Si Juan Queroben Miranda (Marso 8, 1912 - Hunyo 1, 1985) iyo an pinakainot na representante kan Inot na Distrito kan Camarines Sur (1946-1949) sa Inot na Kongreso kan Filipinas. Bàgo puminutok an Ikaduwang Gerang Pankinaban, si Miranda sarô nang komandante (major) kan Philippine Army sa Syudad nin Legazpi.

Pamilya[liwaton | liwaton an gikanan]

An saiyang napangagom iyo si Conchita Estrada asin sinda nagkaigwa sana nin sarong aki, si Juan (Johnny) Arthur Miranda.

Karera[liwaton | liwaton an gikanan]

Siya an namayo asin sarô sa mga kagtugdas kan Tangcong Vaca Guerilla Unit (TVGU), sarong gerilyang grupong naglaban sa mga mananakop na Hapon kan 1942 sagkod 1945 kan nagputok an Ikaduwang Gerang Pankinaban.

Taon 1946 kan nanombrahan ni Manuel Roxas si Miranda bilang representante kan Inot na Distrito kan Camarines Sur asin saro sa importanteng naginibo niya sa Kongreso iyo an pagsangat nin bill na gibohon nang siyudad an Naga. Kaya, kan Desyembre 15, 1948, sa ri'gon kan Akta Republika Nu.305 an Naga nagin siyudad indepediente sa probinsya nin Camarines Sur.[1]

Bilang pagromdom sa saiya, ipinangaran ki Miranda an abenida sa hampang kan City Hall kan Syudad nin Naga asin an plaza sa Canaman, Camarines Sur na ngunyan iyo an Canaman People's Center. Sarong tinampo man an ipinangaran saiya sa barangay San Nicolas, Canaman sa lugar kun sain namuknâ an TVGU asin saiyang minundagan.

An Sumaro Bikolnon sa pagpilang saiya komo sarong lider kan mga gerilya, ginawadan siya kan Gawad Hiyangta kan Abril 7, 2017. durante kan lektura-eksibit inapod Bikolandia at War kan parehong aldaw.[2]

Mga ladawan[liwaton | liwaton an gikanan]

Hilingon man[liwaton | liwaton an gikanan]

Mga hihilngan[liwaton | liwaton an gikanan]

  1. http://www.adnu.edu.ph/Centers/SSRC/nagaprofile.html kinua 10-4-16
  2. http://www.bicolstandard.com/2017/04/war-years-lecture-held-in-naga-city.html Kinua 27-04-17