Lubungan kan mga aninipot

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Lubungan kan mga aninipot
Hapon火垂るの墓
HepburnHotaru no Haka
Pigdirekto ni/kanIsao Takahata
Pigproduser ni/kanToru Hara
Screenplay niIsao Takahata
Pigbase saGrave of the Fireflies
by Akiyuki Nosaka
Pinangengenotan ni/nina
  • Tsutomu Tatsumi
  • Ayano Shiraishi
  • Yoshiko Shinohara
  • Akemi Yamaguchi
Musika kanMichio Mamiya
SinematograpiyaNobuo Koyama
Pigliwat niTakeshi Seyama
Mga Kompanya nin produksyon
Pigdistributer ni/kanToho
Petsa nin pagpapaluwas
Plantilya:Petsa nin pelikula
Oras nin pagdadalagan
89 na minuto[1]
NasyonHapon
TataramonHapon
Box office¥1.7 bilyon (Hapon)[2]
$516,962 (US)[3]

An Lubungan kan mga aninipot (火垂るの墓, Hotaru no Haka) sarong 1988 na pig-animar na pelikulang panggera kan Hapon na pigbase sa 1967 semi-awtobiograpikal na halipot na uusipon na Grave of a Fireflies ni Akiyuki Nosaka. Ipinagsurat asin pigderektar ini ni Isao Takahata, asin pig-animar kan Studio Ghibli para sa Shinchosha Publishing na parapublikar kan uusipon (piggigibo ining nag-susulosolong Studio na Ghibli sa irarom kan pagsasadiri ni Tokuma Shoten na mayong kasangkot sa sainda).[4] Ang mga bida sa pelikula iyo sina Tsutomu Tatsumi, Ayano Shiraishi, Yoshiko Shinohara asin Akemi Yamaguchi. Nakadisteno an pelikula sa syudad nin Kobe, Hapon, ipig-iistorya kan pelikula an duwang magtugang na iyo sina Seita asin si Setsuko, asin an saindang desperadong pakikibaka tanganing mabuhay sa mga huring bulan kan Ikaduwang Gerang Pankinaban.

Balangkas[liwaton | liwaton an gikanan]

Ipigbagsak sa Kobe an mga bombang Insendyaryo, na iyo an lugar sa pelikula
An kobe pagkatapos kan air raids

Kan ika-21 nin Setyembre 1945, pirang sandali matapos an Ikaduwang Gerang Pankinaban, nagadan sa gutom an sarong solterito na lalaki na nagngangarang Seita sa sarong estasyon nin tren sa Kobe. Pigtipo kan sarong tagapag-ayos sa saiyang mga pagsasadiri asin nakahanap nin sarong lata nin dulsi, na ipig-apon niya sa sarong bukid. An diwa kan nguhod na tugang na babae ni Seita na si Setsuko, na hali sa lata asin inibanan kan espiritu ni Seita dangan sarong panginuron nin mga bumbero. Nagsakay sinda nin tren.

Pirang bulan na an nakakalihis, naragba an harong ninda Seita asin Setsuko sa sarong firebombing kaiba an kadaklan kan Kobe. Nakadulag sinda na daing nakulugan, alagad nagadan an saindang ina sa matinding pagkasulo. Naglipat sinda Seita asin Setsuko sa sarong harayo na tiyaon, na nagkumbinsi ki Seita tanganing ipabakal an mga sutlang kimono kan saiyang ina para sa bagas. Pigkua ni Seita an mga gamit na ipiglubong niya bago an pambobomba asin ipigtao an gabos sa saiyang tiyaon, apwera sa sarong lata kan Sakuma drops. Arog kan pag-urong kan mga rasyon asin nagdakula an bilang kan mga refugee sa harong, naanggot an tiyaon sa mga aki, na pigsasabing mayo sindang pigkikita tanganing makua an pagkakan na ipighanda ninda.

Naghali asin naglipat sinda Seita asin Setsuko sa sarong pig-abandonang sirungan nin bomba o bomb shelter. Nagpakawala sinda nin mga aninipot tanganing magpaliwanag sana sa saindang dinadagusan. Kan suminonod na aldaw, Nahahandal si Setsuko kan mahiling na nagadan an mga insekto. Ipiglubong niya an mga ini sa sarong lubungan, sabay hapot kun tano nagadan sinda asin an saiyang ina. Nin huli ta sa nauubusan na sinda nin pigtatagong bagas, nag-iikit si Seita sa mga paraoma asin pigkukuahan nin gamit an mga harong sa kasagsagan kan mga air raids, na kun sain duman siya nabugbog. Kan nagkahelang si Setsuko, pigdara ini ni Seita sa sarong parabulong, na an sabi saiya nagsasapo' siya nin malnutrisyon.

Sa pagkadespirado, kinua ni Seita an gabos na samaltak sa bank account kan saiyang ina. Sa paghali niya sa bangko, nalulumbay siya kan maaraman niya na nagsuko an Hapon. Naaraman man niya na an saiyang ama, sarong kapitan sa Imperyal na hukbong-dagat kan Hapon, gadan na, nin huli ta naglubog na an kadaklan sa hukbong-dagat kan Hapon.

Buminalik si Seita sa sirungan na igwang daradarang dakulang kantidad nin mga pagkakan, alagad nadugangan niya na naghahalusinar si Setsuko - ipinapalagay niya na an pirang mga dyolin na nahanap niya iyo an dating nasambit na Sakuma Drops, asin nag-aalok nin mga gapo ki Seita, na pig-iisip na piggibuhan siya nin bilog na maluto (rice balls). Naghidali si Seita na pakakanon siya, alagad nagadan na ini kan natapos niyang ipriparar an pagkakan, asin nagturog na ini mismo. Pinagsusunuran ni Seita an la'was ni Setsuko asin an saiyang pinalamanan na manika sa sarong usbong nin dayami. Pigdara niya an saiyang abo sa lata kan dulsi kaiba an ladawan kan saiyang ama, dangan dawa na dai malinaw na ipigpahiling utro an kagadanan niya, pwede ining ipagpalagay na kung sain natapos an gabos para sa sainda.

Nagsipagganap[liwaton | liwaton an gikanan]

Ngaran kan tawuhan Tagapagboses na aktor nin Hapon Tagapagboses na aktor nin Ingles
(Skypilot Entertainment/CPM, 1998)
Tagapagboses na aktor nin Ingles
(Toho/Seraphim/Sentai, 2012)
Seita Tsutomu Tatsumi (辰巳 努, Tatsumi Tsutomu) J. Robert Spencer Adam Gibbs
Setsuko Ayano Shiraishi (白石 綾乃, Shirashi Ayano) Rhoda Chrosite Emily Neves
Ina ninda Seita asin Setsuko Yoshiko Shinohara (志乃原 良子, Shinohara Yoshiko) Veronica Taylor Shelley Calene-Black
Tiyaon ninda Seita asin Setsuko Akemi Yamaguchi (山口 朱美, Yamaguchi Akemi) Amy Jones Marcy Bannor

Produksyon[liwaton | liwaton an gikanan]

Pag-uswag[liwaton | liwaton an gikanan]

An awtor kan Grave of the Fireflies na si Akiyuki Nosaka, nagsabing kadakol na alok an pigsagibo tanganing magmukna nin sarong bersyon nin pelikula kan Lubungan kan mga aninipot.[5] Nagtalo si Nosaka na "imposible na magmukna nin baog, pinaso nin daga na magiging backdrop kan istorya ."[5] Nagtalo man siya na an mga kontemporaryong aki, dai magigibo na kumbinsido na magkawat kan mga tawuhan. Nagpahayag nin sorpresa si Nosaka kan inalok an sarong pig-animar na bersyon..[5] After seeing the storyboards, Napagdesisyunan ni Nosaka na dai posible para sa arog kaitong istoriya na piggibo sa anumang paagi apwera sa animasyon asin nagpahayag nin sorpresa sa kung pa'no katumpak an mga palayan asin kiisay na banwaan an ilaladawan.[5]

Pigsabi ni Isao Takahata na napiritan siya na isa pelikula an halipot na uusipon pagkatapos mahiling kun pa'no an pangenot na tawuhan na si Seita, "sarong daing kaarog na wartime ninth grader."[6] Pigpaliwanag ni Takahata na sawa anumang uusipon nin oras-gera, naka animar man o dae nakaanimar, "igwang posibilidad na minahiro asin minaluha, asin mauswag an mga huben na tawong iyan nin "komplikadong imperyoridad" na kun sain nahihiling ninda an mga tawo sa panahon kan gera, mas honorable asin mas igwang kakayanan kaysa sa kun siisay sinda, dangan sa gayon, nagtutubod an parapadangog na mayong kinaaraman sa sainda an istorya. Nagtalo si Takahata na ma'wot niyang tangkason an mindset na ini.[5]Kan naghapot si Nosaka kun "nagkakaigwa nin kaughana" an mga tawuhan sa pelikula, Sinimbag ni Takahata na malinaw niyang inilaladawan sina Seita asin Setsuko na igwang "dakulang" aldaw asin " ipinagtatangkilik ninda an saindang mga aldaw.[7] Pigsabi pa ni Takahata na mas masakit na ianimar si Setsuko kaysa ki Seita, asin na dai pa niya nuarin man na inilaladawan an sarong aking babaye na mas aki pa. [5] Pigsabi ni Takahata na "sa paggalang na idto, Pag ginibo mo an libro sa sarông pelikula, nagiging sarong tawong nahihiling asin sinabi niya na an apat na taong gulang, pirmi nang maging mas nagpapakaluya, nakasentro sa sadiri, asin purbaran na makakua kan saindang sadiring mga paagi sa saindang edad, asin ipigpaliwanag niya na mantang an saro, pwedeng "magkaigwa nin sarong eksena na kun sain dai na matindog si seita, "masakit na ibayon sa sarong uusipon."[8] Ipigpaliwanag ni Takahata na nakasentro an istorya sa punto de vista ni Seita", asin pigsala an mga obheto kan talata sa paagi kan sa saindnag mga namamati ".[7]

Pigsabi ni Takahata na isinasaalang-alang niya an paggamit kan bakong tradisyonal na paagi nin animasyon, alagad ta "an pigplano an iskedyul asin itinakda an petsa kan pagpaluwas kan padalan, asin nagtiripon an mga kawani, maliwanag na mayong kwarto para sa arog kaitong pagpurbar-asin-sala na diskarte o trial-and-error approach ."[7]Pigsabi pa niya na nasasakitan siyang ma-animar an ta'nawon gikan kaidto, sa animasyon kan Hapon, "dai pigtutugutan an saro" na iladawan an Hapon sa sarong makatotoohang paagi.[5] Piripirmi na nagbabaklay an mga paraanimar sa mga dayuhang nasyon tanganing magsaligsig kun pa'no mailaladawan an mga ini, alagad dai pa nagibo kadto an nasabing pagsasaligsig para sa sarong lugar kan Hapon.[5]

Kadaklan sa mga ladawang naglaladawan sa pelikula, nasa kayumanggi, imbes na sa kustomaryong itom. Sa kada piggagamit an itom, piggamit sana ini kun kinakaipuhanan talaga. Pigsabi kan koordinador nin kolor na si Michiyo Yasuda na nagibo ini tanganing matawanan nin mas malumoy na pagmate an pelikula. Sinabi ni Yasuda na an paaging ito, dai pa piggamit sa sarong anime bago an Grave of the Fireflies, "asin ini, piggibo sa sarong agyat. "[5] Ipinaliwanag ni Yasuda na mas masakiton na gamiton an kayumanggi kaysa itom nin huli ta dai ini kaibanan na iyo man an itom.[5]

Musika[liwaton | liwaton an gikanan]

Pigkomposer ni Michio Mamiya an film score. Saro man na espesyalista si Mamiya sa musika sa barok asin klasikal na musika. Pigganap an kantaon na Home Sweet Home kan koloratura soprano na si Amelita Galli-Curci.[9]

Pigsagibo utro[liwaton | liwaton an gikanan]

Bersyon nin buhay na aksyon kan 2005[liwaton | liwaton an gikanan]

Nagprodyuser an NTV sa Hapon nin sarong buhay na aksyon nin drama sa TV kan Grave of the Fireflies, sa komemorasyon kan ika-60 na anibersaryo kan katapusan kan Ikaduwang Gerang Pankinaban. Pigsaere an drama kan ika-1 nin Nobyembre 2005. Arog kan anime,an bersyon nin buhay na aksyon kan Grave of the Fireflies nakasentro sa duwang magtugang na nasasakitang makaligtas sa huring bulan kan gera sa Kobe, Hapon. Bakong arog kan pig-animar na bersyon, ipigsalaysay kaini an istorya poon sa punto nin ta'nawon kan saindang pinsan (aki kan tiyaon) asin pigtutukdo an isyu kun pa'no mababago kan panahon kan gera an sarong maboot na babae sa sarong matagas na puso. Pigganapan ini ni Nanako Matsushima bilang tiyaon, na iyo man si Mao Inoue bilang saindang pinsan.

Bersyon nin buhay na aksyon kan 2008[liwaton | liwaton an gikanan]

Sarong kakaibang bersyon nin buhay na aksyon an ipigluwas sa Hapon kan ika-5 nin Hulyo 2008. Pigganapan an pelikula ninda Reo Yoshitake bilang Seita, Rina Hatakeyama bilang Setsuko, Keiko Matsuzaka bilang an tiyaon, asin Seiko Matsuda bilang mga aki kan ina.[10]

Mga toltolan[liwaton | liwaton an gikanan]

  1. "GRAVE OF THE FIREFLIES (12A)". British Board of Film Classification. 17 May 2013. http://www.bbfc.co.uk/releases/grave-fireflies-film. Retrieved on 17 May 2013. 
  2. Sambiton an kasalaan: Imbalidong <ref> tatak; mayong teksto na ipinagtao para sa reperensiya na pinagngaranan na ghibli
  3. Sambiton an kasalaan: Imbalidong <ref> tatak; mayong teksto na ipinagtao para sa reperensiya na pinagngaranan na bom
  4. "Hotaru no haka". The Big Cartoon DataBase. http://www.bcdb.com/cartoon/20738-Hotaru_No_Haka.html. Retrieved on 13 May 2012. 
  5. 5.0 5.1 5.2 5.3 5.4 5.5 5.6 5.7 5.8 5.9 "The Animerica Interview: Takahata and Nosaka: Two Grave Voices in Animation". Animerica (Viz Media) 2 (11): 8. 1994. http://ghiblicon.blogspot.com/2011/04/animerica-interviews-isao-takahata-and.html. Retrieved on 4 July 2018.  PIgdakit-taramo kan Animerica gikan sa: Takahata, Isao (1991). 映画を作りながら考えたこと [Things I Thought While Making Movies]. Tokuma Shoten. ISBN 9784195546390.  Orihinalmente na pigpublikar sa Animage, Hunyo 1987. Dakit-taramon ini sa sarong 1987 na pag-uulay sa tanga ninda Takahata asin Akiyuki Nosaka.
  6. "The Animerica Interview: Takahata and Nosaka: Two Grave Voices in Animation". Animerica (Viz Media) 2 (11): 7. 1994. http://ghiblicon.blogspot.com/2011/04/animerica-interviews-isao-takahata-and.html. Retrieved on 4 July 2018. 
  7. 7.0 7.1 7.2 "The Animerica Interview: Takahata and Nosaka: Two Grave Voices in Animation". Animerica (Viz Media) 2 (11): 10. 1994. http://ghiblicon.blogspot.com/2011/04/animerica-interviews-isao-takahata-and.html. Retrieved on 4 July 2018. 
  8. Sambiton an kasalaan: Imbalidong <ref> tatak; mayong teksto na ipinagtao para sa reperensiya na pinagngaranan na Animerica9
  9. "Anime Classical: The Best Operatic Moment in Anime Was Also Its Saddest". http://www.altoriot.com/the-best-operatic-moment-in-anime-was-also-its-saddest/. Retrieved on 23 November 2014. 
  10. "Tombstone of the Fireflies (2008)". IMDb. https://www.imdb.com/title/tt1250968/. Retrieved on 3 July 2018. 

Mga panluwas na takod[liwaton | liwaton an gikanan]