Lungi

An lungi sarong klase nin patadyong o sarong na nagpoon sa Habagatan Asya. An lungi, na parati iba-ibang kolor, sarong tapis na panlalaki na hinaharikos sa habayan, parati sa ibaba kan pusod. Ini sinusulot na paunoyon o pambangging su'lot,^[1] sa mga lugar asin klima na maharasahas asin maalumahad na makusog an pagga'not, kaya an pagsulot nin mga piot o higot na bado siring sa pantalon mapitiw na gayo.^[2]

Disenyo[baguhon | baguhon an source]

An lungi mas ginagamit sa lugar na mga maiinit. Igwa man nin mga baro-baratong mga "bukas" na lungi, na biklad sana asin dai tinahi na pormang tubo. An parating sukol kaini na sukol panggurang 115 centimetres (45 in) sa langkaw, 200 cm (79 in) sa laba, kun ini binubukas asin binibiklad. An pang-aki na lungi mga duwa-katulohan kaini sa sukol. Ini hinahabol sa cotton asin may iba-ibang desenyo saka kolor. An mga sedang lungi ginagamit mansana sa mga okasyon siring kan kasalan. An pinakakumon na estilo plus na kolor asin karanklan, na pasil ini habolon. Asul an popular na kolor ta kun magludas man, magayon an resulta kan pagpupusaw niya. Anoman an desenyo o kolor, ini syempre sa duwang gayad hinahabolan nin medyo mahibog na mga gilid garo kwenta bilit ngani dai magtarastas.

An bilit sa duwang gayad mahihiling, ini ngani dai magtarastas

Gamit[baguhon | baguhon an source]

Depende sa tradisyon na lokal, an lungi sinusu'lot man nin lalaki o medyo pambihira, nin babae. Ini nabubugkos o naiipit sa magkapirang paagi susog sa iba-ibang aktibidad kultural, poon sa normal na pan-aroaldaw o sa mga seremonya nin kasalan. Sa pan-aroaldaw, sarong simpleng "pagbugkos na duwang itok" iyo an popular, na an duwang poro sa gayad itaas dinudukot asin pinipiripit nin duwang beses saka isinusuksok sa habayan. Alagad, imbes isuksok sa habayan, pwede man binubugkos nin duwang beses an duwang poro ngani mas pusog asin dai magluwag,^[3] na resulta mas higot asin asin dai matugak an pagkaharikos. An lungi pwede man tiklopon an gayad sa may habayan ngani ini maghitsurang halipot sana pakaharikos. Mas uso ini sa mga naghuhurnal na nakatambara sa init nin saldang.