Ma. Leonor Bregala

Gikan sa Bikol Sentral na Wikipedia, an talingkas na ensiklopedya

Si Ma. Leonor Cervas Bregala sarong Bikolanang parasurat gikan sa Syudad nin Iriga, Camarines Sur. An saiyang mga rawitdawit nagluwas sa An Tambobong Nin Literaturang Bikolnon asin Sagurong: 100 na Kontemporaryong Rawitdawit sa Manlain-lain na tataramon Bikol (DLSU, 2011).

Inadalan[baguhon | baguhon an source]

Siya gradwado sa Ateneo de Naga na Unibersidad nin kursong Bachelor of Arts (BA) sa Ingles kan 1993. Sa presente, siya sarong instruktor sa IELTS asin admin assistant sa Ateneo IELTS Review Program kan Ateneo de Naga na Unibersidad kun sain inot siyang nagin paratukdo sa kolehiyo nin lampas sarong dekada, poon 2001 hasta Marso kan 2012. Nagkapot siya nin mga subheto partikular an mga Basic English Courses asin Literature Subjects. Bago pa kaiyan, nagi man siya nin Instructor sa Computer Communication Development Institute sa syudad kan Iriga magpoon Hunyo 1999 hasta Mayo 2000. Digdi saiya man kinapotan an mga subhetong sa English Courses, Technical Writing Course asin Philippine Literature. Dugang pa kaiyan, nagi muna siya nin College Instructor sa University of Northeastern Philippines[1], sa pareho man sanang syudad magpoon Hunyo 1996 hasta Marso 1999. Kinapotan niya an mga subhetong Basic English, Speech Classes, Writing Courses, Developmental Reading asin Philippine Literature. Siya nagpoon magtrabaho bilang High School Faculty sa University of Northeastern Philippines magpoon Hunyo 1994 hasta Marso 1996. Digdi nagtukdo siya nin Communication Arts asin Speech sagkod na Grammar na subheto.

Pagsurat[baguhon | baguhon an source]

Si Bregala nagin partisipante sa ginibong TALA Poetry Workshop[2] na ginibo sa Fr. O’Brien Library (Multipurpose Room). Ini sarong workshop na pigmukna kan Ateneo Literary Association. Nakaibahan niya sa nasambitan na workshop si San Jose Agor, Anthony Diaz, Ken Brian Esperanza, John Leir Castro, Rea Robles, Elmer Guarin Ramos, Shellah Farina Chan, Stephen Prestado, Cherry Ann Largo, Jeffrey Almazan, asin Love Leir Arcelie Castro. An saiyang rawitdawit na Paaram nakaayon man sa Sagurong: 100 na Kontemporaryong Rawitdawit sa Manlain-lain na tataramon Bikol (2011) na pigpublikar kan De La Salle University.[3] Nagin tagapakaray kaini, iyo sinda Kristian S. Cordero asin Paz Verdades M. Santos.

Toltolan[baguhon | baguhon an source]

  1. University of Northeastern Philippines
  2. TALA Poetry Workshop Bicol Standard
  3. Santos, Paz Verdades asín Kristian Cordero Sagurong: 100 na Kontemporanyong Rawitdawit sa Manlain-lain na Tataramon Bikol (DLSU Press, 2011)