Anthony Diaz

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Anthony Baduria Diaz
MinundaganCamaligan, Camarines Sur
KasibotanParasurat, pintor
NasyunalidadFilipino
LahìBikolano
GenreRawitdawit, usipon, nobela
Bantog na giboSa Ika-tolong Aldaw (2019)
Mga obra ni Diaz sa Kurit Aki Art Exhibit 2019

Si Anthony Baduria Diaz sarong Bikolanong parakurit asin parasurat gikan sa Camaligan, Camarines Sur.[1] Nagsusurat siya nin mga rawitdawit asin rikas-usip sa tataramon na Bikol asin nin mga tula asin pangisi sa tataramon na Tagalog. Kan 2019, napili an saiyang nobelang Sa Ika-tolong Aldaw sa First Book Grant kan Kabulig-Bikol-Inc. asin LJ Graphics Literacy Exponent, Inc.[2] Nagin pinalista man an saiyang nobelang An mga Hawak sa Panganuron sa Premyo Valledor 2020.

Sarô siya sa mga partisipante kan Ika-3ng Saringsing Writers Workshop na ginibo kan Pebrero 22-24, 2013 sa Syudad nin Naga asin sa inot na TALA Poetry Workshop[3] na ginibo kan Abril 11-12, 2014 sa Ateneo de Naga na Unibersidad.[4] Nagin pinalista siya sa Tulaan sa Facebook[5], sarong proyekto kan Linangan sa Imahen, Retorika, at Anyo (LIRA).[6][7] Siya myembro asin nagin sekretaryo kan Parasurat Bikolnon.[8][9]

Kan 2016, ipinagpublikar niya nin surusadiri an libro nin mga rikas-usip sa tataramon na Bikol sa titulong Pataratarapadi asin koleksyon nin mga tula (Tagalog) sa titulong Kitil dangan koleksyon nin mga rawitdawit sa titulong Kuyán kan 2017. Sarô man siya sa mga kagsurat kan Ginisang Poesia (2016) sagkod Ginisang Poesia 2 (2017) kaiba sinda Irvin Sto. Tomas asin Ian Kenneth Orasa. Nagluwas naman an saiyang tula sa Liwayway Magazine,kalatasliteraryzine[10], asin an saiyang rawit na igwa nin titulong Kurakding nakaayon sa libro ni Maria Leny Felix na Rekado asin Rekwerdo.

Sa ginibong Kurit Aki Art Exhibit poon Enero 20 sagkod 27, 2019 sa SM City Naga, nahiling an saiyang mga obra sa sarong eksibit para sa sarong kawsa na hinimò kan Mariner's Polytechnic Colleges Foundation, Tabang Bikol Movement asin Kintab Artists Group. Pinartisiparan ini nin kaakian na nagtapos sa sarong worksyap nin Kurit Aki asin mga Bikolanong parakurit.[11] Nakaayon man an pira sa mga obra nya sa Art Forms 2 Exhibit, sa Ayala Malls, Pasig, Metro Manila, PAGSIRANG: New Emerging Images and Emotions, Robinson's Place, Naga, asin sa Paghilom Art Camp and Festival 2019 asin Steampunk Indio 2019.[12]

Bibliograpiya[liwaton | liwaton an gikanan]

  • Pataratarapadi (2016)
  • Kitil (2016)
  • Kuyan (2017)
  • Dai taka na Padangat taka pa (Parasurat Bikolnon, 2018)
  • Inkarnasyon (2018)
  • An Buhay na Braso (2019)
  • 32 (2019)
  • Sa Ika-tolong Aldaw (2019)

Kataytayan nin ladawan[liwaton | liwaton an gikanan]

Mga toltolan[liwaton | liwaton an gikanan]

Mga panluwas na takod[liwaton | liwaton an gikanan]