Mahavidya

Itaas na hilera: Kali, Tara, Tripura Sundari, Bhuvaneshvari, asin Bhairavi
Ibabang hilera: Chhinnamasta, Dhumavati, Bagalamukhi, Matangi, and Kamala

An Mahavidya (Sanskrito: महाविद्या, IAST: Mahāvidyā, lit. Dakulang Kadonongan) sarong grupo nin sampulong Hindu na diosang Tantriko. An 10 Mahavidyas parati pigpangaranan sa mga minasunod na pagkasunodsunod: Kali, Tara, Tripura Sundari, Bhuvaneshvari, Chhinnamasta, Bhairavi, Dhumavati, Bagalamukhi, Matangi asin Kamala. Minsan siring, an pagkaorganisar sa grupong ini kaiba an laen - laen na relihiosong tradisyon na kaiba an pagsamba sa yogini, Saibismo, Vaishnavismo, asin Vajrayana Budhismo.

An pagtalubo kan Mahavidyas nagrerepresentar sa sarong mahalagang panahon nin dakulang pagbabago sa kasaysayan nin Shaktismo mantang tanda iyan kan paglataw kan aspektong Bhakti sa Shaktism, na nakaabot sa alitoktok kaiyan kan 1700 CE. Enot na nagtuhaw sa edad na post-Puraniko, kan ika - 6 na siglo C.E., iyan bagong mobimiento na an supremo inimahinar na babae. An sarong marhay na ehemplo na teksto iyo an Devi-Bhagavata Purana, nangorogna an ultimong siyam na kapitulo (31-40) kan ikapitong skandha, na inaapod na Devi Gita, asin dai nahaloy nagin pangenot na mga teksto nin Shaktismo.