Malvales

Gikan sa Bikol Sentral na Wikipedia, an talingkas na ensiklopedya

Malvales
Alcea setosa
Sayantipiko na klasipikasyon e
Kahadean: Plantae
Klado: Angiosperms
Klado: Eudicots
Klado: Core eudicots
Klado: Rosids
Klado: Malvids
Orden: Malvales
Juss. ex Bercht. & J.Presl[1]
Familia

Malvales sarong order kan mga tinanom na nagbuburak.Uyon sa APG II-system, an order na ini igwa nin 6000 na espesye sa laog kan 9 na pamilya. An order inilaog sa eurosids II, na parte kan eudicots.

An mga tinanom igdi madalas mga palumpong asin mga kahoy; kadaklan kan pamilya kaini mahihiling sa tropiko asin subtropikong mga rehiyon, igwa man nin limitadong paggulpi sa mga temperadong rehiyon. Igwa nin interesanteng paggulpi sa Madagascar, kun sain tolong darakulang pamilya kan Malvales (Sphaerosepalaceae, Sarcolaenaceae and Diegodendraceae) an mahihiling.

Dakol na espesye kan Malvaceae sensu lato an bisto para sa kahoy kaini arog kan Ochroma (balsa) bisto sa pagiging magian kaini, asin kan Tilia (lime, linden, o basswood) na ginagamit sa pagiiskultura nin kahoy. An bunga kan Theobroma cacao ginagamit para sa tsokolate. An kola nuts (genus Cola), bisto sa pagkakaigwang halangkaw na kantidad kan caffeine, asin kan mga nakaaging panahon bisto na gamit sa paggibo kan mga cola na inumon. An iba pang bistong miyembro kan Malvales sa APG II iyo an daphnes, hibiscus, hollyhock, okra, baobab trees, cotton, asin kapok.


Toltolan[baguhon | baguhon an source]

  1. Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III" (PDF). Botanical Journal of the Linnean Society 161 (2): 105–121. doi:10.1111/j.1095-8339.2009.00996.x. Archived from the original on 2017-05-25. https://wayback.archive-it.org/all/20170525104318/http://onlinelibrary.wiley.com/doi/10.1111/j.1095-8339.2009.00996.x/abstract. Retrieved on 2013-07-06. 
  2. Nickrent, Daniel L. "Cytinaceae are sister to Muntingiaceae (Malvales)", Taxon 56 (4): 1129-1135 (2007) (abstract)

Bibliograpiya[baguhon | baguhon an source]

Panluwas na takod[baguhon | baguhon an source]