Mayon 360° Ultramarathon
An Mayon 360° Ultramarathon sarong taon-taon na padalagan sa palibot kan Bulkan Mayon sa Albay, Filipinas na nagpoon kan 2011.[1] Minaagi an rota kaini sa tinampo na minalibot sa bulkan na binabagtas an 77 na mga barangay kan 7 banwaan asin 3 syudad. Igwa ining lawig na 80 kilometros poon sa Syudad nin Legazpi pasiring sa Syudad nin Ligao, dangan Syudad nin Tabaco balik sa Plaza Peñaranda. Saro ini sa mga atraksyon sa Magayon Festival kan probinsya nin Albay.[2]
Konsepto
[baguhon | baguhon an source]
Nagpoon an kaisipan kan padalagan taon 2008 kan magkanumpongan si Yves Yu, myembro kan Jaycees International (JCI) kan Syudad nin Legazpi, asin si Ret. Maj. Gen. Jovenal Narcise kan Pwersas Armada kan Filipinas (AFP) sa Inot na Mayon Trail Run (MTR) kun sain kagpadalagan an JCI. Inagda ni Yu si Narcise, sarong aktibong paradalagan asin kagpadalagan nin mga ultamaraton, na itokon an tinampo palibot sa Bulkan Mayon.
Kan 2011, hinimo kan JCI an aktibidad kun sain napili bilang direktor nin padalagan si Narcise sa irarom kan mga pampantayan kan Philippine Association of Ultrarunners (PAU). Sa sarong urulay kaiba si Joey Salceda sa Opisina kan Gobernador, itinugot na magin kabtang kan Magayon Festival an Mayon 360 Ultramarathon. Ini an inot na karera nin ultamaraton na pinapadalagan sa irarom kan PAU asin nin sarong lokal na gobyerno sa luwas kan Metro Manila.[3]
Sa inot na taon kan padalagan, igwa nin 69 na partisipante an nagpoon alagad 59 sana kaini an nakaantos sa laog nin 15 oras. An pinakainot na kampeon kan iyo Willy Rotich sa oras na 6:07:24 na sinundan ni Alley Quisay (6:41:08) anas gikan sa Kenya. Duwang Bikolano an nagsunod, si Mario Maglinao (7:09:20) kan Syudad nin Legazpi[4] asin Franklin Peñalosa (07:29:04) kan Syudad nin Naga.[5]
Poon kan 2014, idinugang sa kompetisyon an kategoryang 2-katawo (40 kilometros) asin 4-katawo (20 kilometros). Ngunyan na taon, idinugang an distansyang 160 kilometros sa mga kategorya.[6]
Mga kampeon
[baguhon | baguhon an source]
An pinakainot na kampeon kan iyo Willy Rotich sa oras na 6:07:24 alagad kapot ni Maglinao an rekord sa Pangkagabsan na Kampeonato sa oras na 6:01:09 na naigurit kan 2014 mantang si Anette Agura an pinakamarikas sa Kababaihan sa oras na 7:49:56 na naigurit kan 2013.[7][8]
Mga rekord
[baguhon | baguhon an source]| Distansya | Oras | Paradalagan | Ginikanan | Petsa | # kan Kaayon |
|---|---|---|---|---|---|
| 80 Kilometros sa Kalalakihan | 6:01:09[9] | Mario Maglinao | Syudad nin Legazpi | Abril 5, 2014 | |
| 80 Kilometros sa Kababaihan | 7:49:56[10] | Anette Agura | Metro Manila | Abril 6, 2013 |
Pagmidbid
[baguhon | baguhon an source]Sa ginibong tiripon kan Association of Tourism Officers of the Philippines sa Syudad nin Roxas, Capiz kan 2011, nag-ako an tagapadalagan kaini nin gawad sa kategoryang Best Tourism Event: Sports/Wellness Category Provincial Level.
Toltolan
[baguhon | baguhon an source]- ↑ 1st Mayon 360°: 50 Mile Ultra Marathon Archived 2012-10-12 at the Wayback Machine. Wowlegazpi.com (pighugot 2015-03-16)
- ↑ Albay bags national tourism awards Inquirer (pighugot 2015-03-16)
- ↑ Race Director’s Report: 1st Mayon 360 50-Mile Run Baldrunner.com
- ↑ Maglinao, Raterta rule Naga 21K run Philstar.com (pighugot 2015-03-17)
- ↑ Result: 1st Mt Mayon 360° - 50-Mile Ultra Marathon Race Bald Runner
- ↑ Ultra marathon champ maintains title by jogging every morning, avoiding vices that weaken immune system[permanent dead link] Business.highbeam.com (pighugot 2015-03-17)
- ↑ Official Result: 2014/4th MAYON 360-Degree 80K Ultra Marathon Race Baldrunner.com
- ↑ Official Result: 3rd MAYON 360 80-Km Ultra Marathon Race Baldrunner.com
- ↑ Official Result: 2014/4th MAYON 360-Degree 80K Ultra Marathon Race Baldrunner.com
- ↑ Official Result: 3rd MAYON 360 80-Km Ultra Marathon Race Baldrunner.com
Mga panluwas na takod
[baguhon | baguhon an source]
