Vic Nierva
| Victor Dennis T. Nierva | |
|---|---|
 | |
| Minundagan | Syudad nin Naga, Camarines Sur |
| Kasibotan | Paratukdô, parasurat, paradisenyo |
| Nasyunalidad | Filipino |
| Lahì | Bikolano |
| Genre | Rawitdawit, pagpalis |
| Mga bantog na gawad | National Book Award, Premio Tomas Arejola para sa Literaturang Bikolnon |
Si Victor Dennis T. Nierva (Kamundagan: 24 Pebrero 1980; Ama: Estelito Aguila Nierva; Ina: Grace Pacay Tino) sarong Bikolanong parasurat, paratukdo, kolumnista, aktor sa teatro, paradisenyo nin publikasyon asin sarong paratulod kan kulturang Bikolnon. Saro siya sa nangongorog na boses kan kontemporanyong literaturang Bikol.[1]
Mga Enot na Taon
[baguhon | baguhon an source]Ipinangaki sa Syudad nin Naga, nagdakula sa Nierva sa mga riles kan Lupi, Camarines Sur. An tuninong asin mabukid na banwaan na ini na dinadalihigan kan sarong salog minalataw sa kadakol na rawitdawit ni Nierva; asin sa dakol na pagkakataon, inaako niya na an lugar iyo an saro sa pinakamayaman na pinaggugunuan niya nin mga imahen asin girumdom.
Pag-adal
[baguhon | baguhon an source]Inot siyang nag-adal sa Lupi Central School asin nagpadagos sa sekondarya sa Ateneo de Naga University kun sain niya man tinapos an kursong AB Development Communication. Nagin siyang estudyante sa MA Creative Writing sa Unibersidad kan Pilipinas.
Pagmidbid
[baguhon | baguhon an source]An saiyang Antisipasyon asin iba pang rawitdawit nagin sarô sa mga ganador sa Premio Tomas Arejola para sa Literaturang Bikolnon kasabay an rawitdawit man ni Jimple Borlagdan kan 2007. Bàgo kaini, saro pang katiriponan kan saiyang mga rawitdawit an nagin finalist sa PTALB kan 2006.
An libro niyang Antisipasyon: asin iba pang rawitdawit sa Bikol asin Ingles ginawadan kan 2007 National Book Award for Poetry kan Manila Critics Circle asin kan National Book Development Board.[2][3][4] Sya an nagin pamayo kan Kabulig Bikol Writer's Association bago an reorganisasyon kaini.
Toltolan
[baguhon | baguhon an source]- ↑ http://aponihandiong.blogspot.com
- ↑ National Book Awards 2007 Finalists[permanent dead link] Dadapilan.com pighúgot kan Agosto 22, 2009)
- ↑ Bikoliana Bicol Mail (pighúgot kan Agosto 22, 2009)
- ↑ Obra nierva Bicol Mail (pighúgot kan Agosto 22, 2009)
Mga hihilngan
[baguhon | baguhon an source]- Victor Dennis T. Nierva[permanent dead link] UP National Writers Workshop 2009
Mga panluwas na takod
[baguhon | baguhon an source].jpg)
Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina.