Micah Hilotin
| Micah Hilotin | |
|---|---|
| Kamundagan | Micah Hilotin Pili, Camarines Sur |
| Alma mater | Unibersidad kan Filipinas-Baguio |
| Organisasyon | Salingoy Art Group |
Si Micah Dela Torre Hilotin sarong Bikolanong parakurit na naggamit an dagâ bilang medyum asin ilustrador gikan sa banwaan nin Pili, Camarines Sur. Nagin parte siya kan Cordillera Green Network, Inc. sa Syudad nin Baguio bago nagbalik sa saiyang dinakulaan na banwaan.[1][2] Saro siya sa mga nag-organisa kan Pagkarahay Arts Camp & Festival 2018 na ginibo sa Sentral na Bikolnon na Unibersidad nin Estado kan Agrikultura (CBSUA) sa Pili, Camarines Sur.[3] Nagtapos nin Batsilyer sa Fine Arts sa Unibersidad kan Filipinas-Baguio si Hilotin kan 2015.
Si Hilotin nagin man ilustrador kan librong Si Bebe, si Boboy, asin an Saindang Pankagkag, Pansighid, Pansalod nin Ati asin Magkakambal na Sundang na parte kan sarong serye nin tri-lingwal na mga babasahon pan-aking Boom Boom Boom An mga Aki kan Camarinezoom na isinurat ni Carlos Arejola.[4] Sa ginibong Rimpos: art-literature Exhibition kan Salingoy Art Group, katampad kan saiyang mga obrang kurit an mga rawitdawit ni Lourdes Nieva. An aktibidad ginibo sa Naga City Art Gallery sa Jesse M. Robredo Coliseum poon Mayo 4 sagkod 18, kan 2013. Nagpaluwas nin sarong libro na pinakarhay ni Eilyn Nidea laman an haralìpot na saysay dapit sa mga parakurit asin parasurat na kaayon sa aktibidad siring man an mga ladawan asin mga panurat na ipinahiling sa eksibit.[5][6] Kan Nobyembre 2017, nagin parte man si Hilotin kan "Future Culture Exhibit" [7] na ginibo sa Cafe by the Ruins Dua Gallery, Baguio City.
Toltolan
[baguhon | baguhon an source]- ↑ Baguio-based artists hold 'future culture' exhibit Sun Star (pighugot 2018-8-5)
- ↑ UPB Summer Arts extension program enlivens Binalonan arts scene Binalonan.gov.ph (pighugot 2018-8-5)
- ↑ CBSUA and Camarines Sur art groups mount PAGKARAHAY Arts Festival 2018 Archived 2019-03-13 at the Wayback Machine. http://www.artplus.ph
- ↑ 3 Bikolnon children's storybooks launched Bicolstandard.com (pighugot 2018-8-5)
- ↑ Rimpos, an art-literature exhibition, to open in Naga City this May 4[permanent dead link] Panitikan.com.ph (pighugot 2015-06-27)
- ↑ Salingoy stages Rimpos Art-Lit exhibit[permanent dead link] Panitikan.com.ph (pighugot 2015-06-27)
- ↑ https://www.sunstar.com.ph/article/402670[permanent dead link]
Panluwas na takod
[baguhon | baguhon an source]Hilingon man
[baguhon | baguhon an source]
