Mosab Hassan Yousef

Gikan sa Bikol Sentral na Wikipedia, an talingkas na ensiklopedya
Mosab Hassan Yousef
Yousef sa 2019 Budapest Summit on Migration
KamundaganMosab Hassan Yousef[1][2]
(1978-05-05) 5 Mayo 1978 (edad 45)[2]
Ramallah, Palestinian territories[2]
Iba pang mga ngaranJoseph;[2] "The Green Prince"
Midbid bilangCovert defection to Israel in 1997,[1] and conversion to Christianity[2]
Mga magurangSheikh Hassan Yousef (father)[1]

Si Mosab Hassan Yousef (Arabic: مصعب حسن يوسف‎; ginahaan "An Berdeng Prinsipe"; namundag 5 Mayo 1978)[3] sarong Palestino na nagtrabahong hilom komo espiya sa internal na serbisyo seguridad kan Israel na Shin Bet poon 1997 sundo 2007.

An Shin Bet kinonsiderar siyang pinakamahalagang asset sa laog kan liderato nin Hamas. An impormasyon na tinao ni Yousef nakaligtas nin dinosenang suicide attacks asin asasinasyon nin mga Israeli, nagbiklad nin magkapirang mga Hamas na grupo, asin nakatabang sa Israel sa paglapag sa mga militante asin pati sa pagsikop asin pagkulong sa saiyang ama, an lider nin Hamas na si Sheikh Hassan Yousef.[1][4] In March 2010, he published his autobiography titled Son of Hamas.[5]

Kan 1999, si Yousef nagkonbertir sa Kristyanidad, asin kan 2007 siya naghubo sa Estados Unidos.[2] An saiyang pakiulay nin political asylum iwinaras pakapagsiyasat kan saiyang pagkatawo asin kaso kan 2010.[6]

Biograpiya[baguhon | baguhon an source]

Si Mosab Hassan Yousef (later Joseph)[2] namu7ndag sa Ramallah, siyudad 10 kilometers (6.2 mi) norte kan Jerusalem. An saiyang ama, si Sheikh Hassan Yousef, sarong lider nin Hamas na nakukulong sa preso nin Israel nin halawig na mga taon.[2][3][7] Siya an pinakamatua sa limang tugang na lalaki asin tolong tugang mna babae.[2][8]

Kan si Yousef nagdadakula, gusto niya magin man sarong kawad ta iyo ini an piglalaoman sa mga aking Palestino West Bank.[9] Si Yousef naarestong enot kan siya 10 an edad, durante kan Enot na Intifada, sa pagbatikal sa mga Israeli'ng mga nagbabanwa.[9] Mga pirang beses pa siya naaresto asin nalangob kan mga Israeli.[3] Bilang matua, siya hinihiling na tagamana kan saiyang ama,[2] asin nagin importanteng pigura sa organisasyon nin Hamas.[3]

Si Yousef nahimasmasan kan nahiling niya kun ano an ginigiribo kan mga mga kabuhan kan saiyang ama, an mga presong mga Hamas sa kulongan Israeli durante kan mga mid-1990. Sa Megiddo Prison, saiyang nasaksihan an mga kapwa presong Hamas kan daing otahot na pagpasakit sa pighuhuna kaini na mga kolaborador nin Israeli, na brutal na kinakastigo an mga saindang nasasahotan na kakampi o espiya kan mga Israeli. "Durante kan panahon na idto, an Hamas ginatos na mga kapwa presong Palestino an pigparapasakitan asin ginaradan,” sabi nya, na naroromdoman sa malaad na memorya niya kun pano mga dagom pigsoksok sa mga kuko asin mga hawak sinusulo sa plastik. Dakul, kun bako gabos, an mayo lamang pakilabot sa Israeli'ng intelehensya. “Dai ko nanggad malingawan saindang mga kinurahaw,” sabi pa nya. “Pano kun marungkab ninda an Israel asin makakaag nin sadiring estado, nagpoon na kun maghapot, arog kaini an pagtrato sa kapwa kahimanwa?"” [10]

Si Yousef nagpoon nang magduda sa Islam asin sa Hamas kan mahiling an makuring karingisan kan Hamas, asin ikina-ungis niyang marhay kun pano an Hamas ginagamit sana an mga buhay kan nagsasarakit nang mga sibilyan asin kaakian Palestino ma-utob lang an saindang mga minamawot.[2] Si Yousef dinakop kan mga ahente nin Shin Bet kan 1996. Kan siya yaon sa kulongan, siya nabigla kan mahiling kun pano an Shin Bet magkondukta nin interogasyon,na kun kumpara sa metodo kan Hamas, makatawong gayo, ta an Hamas na mga operatiba sayod na kinakadog na husto an saindang sinasahotan na kolaborador.[11] Siya nagdesidir na akoon an tangro kan Shin Bet na magin inpormante.[12]

Karera sa pag'espiya[baguhon | baguhon an source]

Poon kan siya napaluwas sa preso kan 1997, si Yousef konsideradong pinakamasasarigan na gayong espiya sa laog mismo kan liderato nin Hama kan Shin Bet. Nabansagan siyang "An Berdeng Prinsipe" – gamit an kolor kan Islamistang bandera, asin naapod "prinsipe" huli kan pedigree niya bilang aki kan saro sa kagtugdas kan Hamas. An impormasyon na saiyang tinatao sa Israel nagbunga kan pagkabiklad kan mga dakul na mga selda nin Hamas, asin man kan pagkasubak kan dakul na mga suicide bombing asin mga pagngata' nin pag'asasinar sa mga Hudyo. Sabi niya naggibo nin pagespiya siya bako huli sa magkakwarta, kundi an saiyang motibasyon ideolohikal asin relihiyosob, asin ta gusto niya sanang makaligtas nin buhay.[13] Ngani masumpo' an anoman na mga pagsuspetsa na may pakikipagsapakat siya sa mga Israeli, an Shin Bet sagin nagngata' nin pag'aresto saiya, na hilom na sinonsonan an Israel Defense Forces na maglansar nin operasyon sa pagdakop asin pag'aresto saiya, asin dangan pigta'wan siyang intelehensiya na siya makadulag sa ultimong minuto na siya tutukloon na. Pakapangyari kaini, siya nagtago-tago na sa bilog na karera niya..

Si Yousef nagsabi na siya nagtaong hilom na intelehensiya sa kondisyonsays an mga "targes" dai paggadanon, kundi iaresto. Bunga kaini magkapirang mga darakulang lider na Palestino nagkasirikop, kabali si Ibrahim Hamid, sarong Hamas na kumander sa West Bank, asin si Marwan Barghouti. Si Yousef nagpatotoo na saiyang nasudo an 2001 plot sa pagt'asasinar ki Shimon Peres, na kaidto ministrong panluwas dangan nagin Presidente ni Israel. Susog sa pahayag nin sarong opisyal sa Shin Bet, "Dakul na mga tawo utang an buhay ninda saiya, asin dai ngani araram ninda an bagay na ini."[13]

Konbersyon sa Kristiyanismo[baguhon | baguhon an source]

Susog sa saiyang istorya, si Yousef naaknumpong nin sarong Briton na misyonero kan 1999 na iyo an nag'introdyusir saiya kan Kristiyanismo.[2] Ultanan kan mga taon 1999 asin 2000, si Yousef luwayluway pigkugos an Kristiyanismo. Kan 2005, siya hilom na binunyagan sa Tel Aviv nin sarong dai nabistong turistang Kristiyano. Siya naghale sa West Bank asin nagpasiring sa Estados Unidos kan 2007, asin nag'estar nin mga pirang peryodo sa San Diego, California, kun saen siya nag'apil sa Barabbas Road Church.[2]

Kan Agosto 2008, si Yousef naghayag kan saiyang pagkugos sa Kristiyanismo, asin pigdenunsya an Hamas asin an Arabong liderato, na sa siring na akto saiyang ikinaag sa peligro saiyang buhay asin an saiyang pamilyang yaon sa Ramallah nag'eerestar.[2] Si Yousef saiyang pigpapatunay na an saiyang katuyohan madara an katoninongan Tangang Subangan; siya naglalalaom na makabalik sa saiyang dagang tinuboan kun matoninong na an saiyang lugar na ginikanan.[2]

Si Yousef nagsabi na dawa totoo siya nagin nang Kristiyano conversion to Christianity, siya "kontra sa relihiyon", asin dai siya nag'aapil sa anoman na denominasyon nin Kristiyanismo. Siya nagpahayag na an, "Relihiyon hinaha'bon an katalingkasan, ginagadan an pagkamuknaon, ginigibo kitang mga oripon asin magkalaban logod an saro sa kapwa. Iyo, ako nagsasabi manongod sa Kristiyanismo asin maski sa Islam. Kadaklan kan mga Kristiyano garo nalingawan an punto na si Hesus pigkalda kita sa relihiyon. An Relihiyon mayong iba kundi iyo an pagngangata' kan tawo na makabalik sa Dyos. Maski ano man yan, Islam o Kristiyanismo. Judaismo. Budhismo, Hinduismo, animismo, anoman na ismo. An Relihiyon dai sato maligtas. Si Hesus sana an makakakalda sa sangkatawohan paagi kan saiyang pagkagadan asin pagkabuhay-liwat. Asin si Hesus iyo sana an dalan pasiring sa Dyos."[14]

References[baguhon | baguhon an source]

  1. ↑ 1.0 1.1 1.2 1.3 Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na h24
  2. ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 Elsworth, Catherine; Carolynne Wheeler (24 August 2008). "Mosab Hassan Yousef, son of Hamas leader, becomes a Christian". Daily Telegraph (London). https://www.telegraph.co.uk/news/worldnews/middleeast/palestinianauthority/2613399/Mosab-Hassan-Yousef-son-of-Hamas-leader-becomes-a-Christian.html. 
  3. ↑ 3.0 3.1 3.2 3.3 "Mosab Hassan Yousef Biography". Amazon.com. Retrieved 14 March 2010. 
  4. ↑ "Hamas leader disowns son - World news - Mideast/N. Africa - Israel-Palestinians | NBC News". NBC News. 3 January 2010. http://www.nbcnews.com/id/35651699. 
  5. ↑ Yousef, Mosab Hassan (2 March 2010). Son of Hamas: A Gripping Account of Terror, Betrayal, Political Intrigue ... - Mosab Hassan Yousef - Google Books. Tyndale House Publishers. ISBN 9781414340821. Retrieved 23 April 2013. 
  6. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na asylum-granted
  7. ↑ Kaminski, Matthew (5 March 2010). "They Need to Be Liberated From Their God'; The 'Son of Hamas' author on his conversion to Christianity, spying for Israel, and shaming his family.". The Wall Street Journal. https://www.wsj.com/articles/SB10001424052748703915204575103481069258868. 
  8. ↑ "Son of Hamas". Retrieved 14 March 2010. 
  9. ↑ 9.0 9.1 "An Israeli-Hamas Double Agent Speaks about Career in Intelligence". CNN. 2 March 2010. http://transcripts.cnn.com/TRANSCRIPTS/1003/02/ampr.01.html. 
  10. ↑ "Hamas founder's son: Israel should kill leaders after ceasefire" (in English). 2021-05-22. Retrieved 2023-06-13. 
  11. ↑ Christiane Amanpour (2 March 2010). "An Israeli-Hamas Double Agent Speaks about Career in Intelligence". CNN. http://transcripts.cnn.com/TRANSCRIPTS/1003/02/ampr.01.html. 
  12. ↑ Gonen ben Yitzhak; Mosab Hassan Yousef (30 June 2010). "Why Deport a Friend to Middle East Peace?". The Washington Post. Retrieved 28 July 2014. 
  13. ↑ 13.0 13.1 Sherwell, Philip; Nick Allen (27 February 2010). "'I saved Shimon Peres from plot' says son of Hamas founder". Daily Telegraph (London). https://www.telegraph.co.uk/news/worldnews/middleeast/israel/7332932/I-saved-Shimon-Peres-from-plot-says-son-of-Hamas-founder.html. 
  14. ↑ Mosab Hassan Yousef (13 May 2011). "Let's get to know each other, let's talk . ." Goodreads. Retrieved 28 July 2014. 

External links[baguhon | baguhon an source]

Plantilya:Israeli spies

Kinua sa "https://bcl.wikipedia.org/w/index.php?title=Mosab_Hassan_Yousef&oldid=263997"