Museo Iloilo
An Museo Iloilo sarong museo namumugtak sa siyudad kan Iloilo, sa Islang Panay, Filipinas. Ini kataid sana kan kapitolyo kan probinsya nin Iloilo.
Tinatampok igdi an mga artifaks paleontolohiko asin arkeolohiko na nakotkot sa paralibot kan Iloilo na rapot sa historya asin kultura kan probinsya. Mga maoonabihan na mga bagay igdi iyo an mga fossils, mga artifaks hale sa mga nalubog na bapor, na saro kaini iyo idtong pagsasadiri nin mga Ingles, mga gamit kan panahon na Stone Age, mga koron, mga dulay, mga mangko asin platong haleng Tsina, Annam asin Siam, mga lubongan na tapayan asin longon, mga bulawan na ornamento. Igwa man igdi mahihiling an mga rebulto nin mga santo na ginamit sa simbahan kan panahon nin Kastila, mga iba pang bagay relihiyoso, sarong tanhaga na representasyon kan gantad an industriya nin paghabol, arog kan mga sinamay asin jusi, sa probinsyang ini.
Igwa man igdi kan mga maipo nang mga retrato asin mga memento kan Ikaduwang Gerang Pankinaban, arog kan kwartang kenkoy, mga taklaon nang masinggan asin badil. An lugar na ini igdi man naka'eksibit an mga obra kan mga Ilonggong pintor asin iskultor.
Mga panluwas na takod
[baguhon | baguhon an source]- An Museo Iloilo Archived 2010-01-25 at the Wayback Machine.
