Panganuron

Sa meteorolohiya, an panganuron o dampog (Ingles: cloud; Tagalog: ulap) iyo sarong aerosol na pigbibilog nin nahihiling na masa kan minutong likidong patak-patak, nagyeyelong kristal, o iba pang mga partikulo na nakasuspende sa atmospera nin planetaryong lawas o kaparehas na ispasyo.^[1] An tubig o nagkapirang iba pang mga kimikal an pwedeng magbilog sa mga patak-patak asin kristal. Sa Kinaban, an mga panganuron iyo namomokna bilang sarong resulta kan saturasyon nin ere kapag napalipot ini sa puntong dew kaini, o kun makakua ini nin tamang pagkabasa (harus sa porma nin tubig-sangaw) hali sa kataid na gunuan para maisakat an puntong dew pasiring sa ambiyentong temperatura.

Nahihiling an mga ini sa homospera kan Kinaban, na kabali an tropospera, istratospera, asin mesospera. An nepolohiya iyo an siyensya nin mga panganuron, na iyo nasa irarom kan pisika kan panganuron na sanga nin meteyorolohiya. Igwa nin duwang bistong pagngaran kan mga panganuron sa saindang respektibong lebel nin homospera, Latin asin ordinaryo.