Philip J. Klass

Gikan sa Bikol Sentral na Wikipedia, an talingkas na ensiklopedya
Philip Julian Klass
Klass kan 1977
Kamundagan(1919-11-08)Nobyembre 8, 1919
Des Moines, Iowa
KagadananAgosto 9, 2005(2005-08-09) (edad 85)
Cocoa, Florida
Alma materIowa State College (B.S.E.E., 1941)
TrabahoElectrical Engineer
Ufologist
OrganisasyonInstitute of Electrical and Electronics Engineers,
American Association for the Advancement of Science,
Aviation/Space Writers Association,
National Press Club,
National Aviation Club,
CSICOP

Si Philip Julian Klass (Nobyembre 8, 1919 – Agosto 9, 2005) sarong Amerikanong peryodista, asin UFOng parasaligsig, midbid kan saiyang pagduda dapit sa mga UFO (Mga dai mamidbiran na bagay na naglalayog). Sa mga komunidad nin mga paraadal sa UFO asin sa mga komunidad na kontra-may papduda, si Klass nakakapukaw daa nin polarisadong pagtatantya saiya. Siya naapod na "Sherlock Holmes nin UFOlohiya".[1] si Klass nagpamate kan saiyang "hugophugop siring sa sarong may-krusada sa anoman na hinuhuna niyang 'tama' maski ini magdara nin popular na pag'umaw", pag'uugale na itinukdo saiya kan saiyang ama.[2] "Nadiskubre ko," sabi ni Klass, "na mga 97, 98 porsyento kan mga tawong nag'uusip na nakahiling nin UFO mga pundamenal na intelihente, honestong mga persona na nakahiling nin sarong bagay- parati banggi, sa diklom- nin sarong bakong pamilyar na bagay na dai ninda maipaliwanag." Sa luwas kaiyan an gabos, masabi nang anas panloloko, sabi niya.[3]

An haloyan nang ufolohista na si James W. Moseley iyo an saro sa mga parasaligsig sa UFO na si Klass masabing sinsero sa saiyang mga motibo asin nakakatabang ngani logod sa imbestigasyon dapit sa UFO. Sa saiyang memoir, sabi ni Moseley na, kun pinipirit na gayo, kadaklan kan mga ufolohista inaako na si Klass may tunay na pagkaaram kan mga punto niyang sinasabi asin kan mga tawong imbwelto igdi, asin man ngani si Klass tinotolerar asin inaako man sa mga tiripon nin mga ufolohista.[4] Alagad, sabi ni Moseley, siya asin si Klass dagos na igwang maigot asin mainit na dai pagkauruyon sa lebel na doktrinal asin sa isyung mga factual, asin igwa siyang personal na 'estilo' nin pag'atake arog kan ginibo niya ki James E. McDonald, na dai ko nagugustohan."[4] Sa sarong interbyu kan 1999 ki Klass, an kapwa debunker na si Gary P. Posner nagsurat na apesar si Klass nagbulugoybugoy na, sa edad na 80, si Klass marigmat asin mapanas pa an saiyang mata asin pluma, na urog ikinakaugma kan mga kakampi niya asin ikinakasuya kan saiyang mga paratuyaw."[1]

Buhay personal[baguhon | baguhon an source]

Si Klass namundag kan Nobyembre 8, 1919, sa Des Moines, Iowa,[5] ki Raymond Klass asin Anne Traxler,[6] asin nagdakula sa Cedar Rapids, Iowa.[7] An saiyang ama sarong abogado bantog sa bilog na Estados Unidos komo eksperto sa inapod na automobile negligence law.[8] Kan baru-bata na Boy Scout siya guminana nin pagsakay sa autogyro (na amay na modelo nin helicopter) sa Iowa State Fair, asin saiyang ngohod na tugang na babae, si Rosanne Klass, naromdoman man na siya mahilig magparagibo nin mga crystal radio.[2] Si Klass naggradwar sa Iowa State College kan 1941 na mmay Bachelor of Science degree sa electrical engineering.[1][7]

Si Klass naglipat sa Washington, D.C., haleng Midwest, kun saen siya nagtrabaho sa Aviation Week. Sa pag'ultan kan saiyang pag'asikaso sa responsabilidad komom parasurat asin sa pagsibot sa pag'ugid kan mga 'hingako' dapit sa mga nakikitang UFO, si Klass inuubos saiyang oras na solo-solo asin anas trabaho inatubangs. Mala ta siya nag'agom sa edad na 60.[9] An saiyang agom, si Nadya, hubin anom na taon saiya asin nagtrabaho sa Bulgariang serbisyo kan Voice of America. Mayo sindang aki alagad si Nadya igwang aking lalaki na kaiba niya kan sinda nagdurulag sa komunistang Bulgaria kan 1973.[1]

Si Klass sa 1983 na tiripon kan CSICOP sa Buffalo, NY

An Pagtangro' nin $10,000[baguhon | baguhon an source]

Kan 1966, si Klass nagduhol nin sarong tangro' na dai nabari sa bilog na natatadang 39 taon kan saiyang buhay. Kan 1974, an tangro' medyo naghirang diit, sa siring na porma:

  • Si Klass nag'uuyon na mabayad sa ikaduwang partido nin halagang $10,000 sa laog nin tolong polong aldaw pakalihis kan arin na bagay na mangyari o magkatotoo:
(A) Anoman na nabagsak na spacecraft, o mayor na piyesa kan spacecraft na an ginikanan malinaw extraterrestrial susog sa determinasyon kan United States National Academy of Sciences, o
(B) An National Academy of Sciences nagpabalangibog na nakaeksamen nin ibang mga ebidensya na sayod nanggad nagpapatunay na an Kinaban binisita nin extraterrestrial spacecraft sa ika-20ng siglo, o
(C) An sarong bona fide'ng bisitang extraterrestrial, namundag sa lugar sa kalangitan na bakong naggikan pa sa Kinaban, naghampang buhay na buhay sa General Assembly kan Nasyon na Burunyog o sa sarong programang nasyonal sa telebisyon.
  • An partido na magtakod sa saiyang tangro' obligado ni Klass na magbayad saiya nin $100 taon-taon, sa laog nin sampolong taon kalawigi sagkod na mayong nauutob sa arinman na kondisyon saiyang ibiniklad.[10]

Si Klass biniklad an tangro' sa gabos. An pagtangro' hayag na sinayumahan ni Frank Edwards, John G. Fuller, J. Allen Hynek, asin James Harder, na sinda mga agit-agitan na mga paraampoyon sa extraterrestrial hypothesis. Sarong persona nagtakod sa kasundoan ki Klass. Sarong lalake sa Seattle, Washington, inako an mga kondisyon kan 1969 asin nagtao nin duwang taonan na bayad nin $100. Dangan kan 1971 siya naghihingako na kan premyo alagad salto man ngani an paghagad niya ta mayo man ni saro kan kondisyon ni Klass an nangyari. Kan ini ipinaliwanag na saiya, an lalaki pinabayaan na sanang magpaso an urulay. Sa saiyang libro UFOs Explained, si Klass nagtangro man na susulian an kabayadan sa libro sa kiisayman na parabasa kan saiyang libro kun mautob an arinman na kondisyon sa saiyang "UFO challenge".[10]

An Sumpa nin UFO[baguhon | baguhon an source]

Si Klass nagwalat nin togon, orihinalmente napublikar sa newsletter ni Moseley, an Saucer Smear kan Oktobre 10, 1983.[11]

AN PATNUGOT ASIN TESTAMENTO NI PHILIP J. KLASS

Sa mga ufolohistang pigpaparatuyaw ako sa publiko, ... o nag'iisip nin maringis sako sa pribado, ini sakong iwinawalat na pamana:

AN SUMPA NIN UFO:

Dawa ano kalawig ika nabuhay, dai mo maaraman nin mas pa sa kun anong naaraman mo ngonyan dapit sa UFO. Dai mo nanggad maaaraman kun ano talaga an UFO, o kun saen ini naghaharale. Dai mo maaaraman an mas pa sa kun ano an naaaraman kan Gobyerno nin Estados Unidos manongod sa UFO sa kun ano ngonyan an naaraman mo. Sa saimong paghotad sa saimong paghingagdan ika siring pa man pangana' man giraray an saimong pagngalas dapit sa UFO siring sa namamate mo ngonyan. Asin ta marurumdoman mo ining sumpa na ini.

Kagadanan[baguhon | baguhon an source]

Si Klass nagadan sa kanser sa Cocoa, Florida, kan Agosto, 2005, pakahubo' sa Merritt Island, Florida, kan 2003.[7]

Toltolan[baguhon | baguhon an source]

  1. ↑ 1.0 1.1 1.2 1.3 Posner, Gary P. (1999), "Extraterrestrials may be out there: But he says they're not here", Skeptic, The Skeptics Society, 7 (4), ISSN 1063-9330 
  2. ↑ 2.0 2.1 Longden, Tom. "Famous Iowans: Philip Klass". DesMoinesRegister.com. Gannett. Archived from the original on 2013-06-20. Retrieved 2013-05-27. 
  3. ↑ Miller, Stephen (2005-08-12). "Philip Klass, 85, Journalist, Debunked UFO Reports". The New York Sun (TWO SL LLC). Archived from the original on 2018-07-06. https://web.archive.org/web/20180706104421/https://www.nysun.com/obituaries/philip-klass-85-journalist-debunked-ufo-reports/18507/. Retrieved on 2023-08-17. 
  4. ↑ 4.0 4.1 Moseley, James W.; Pflock, Karl T. (2002). Shockingly Close to the Truth: Confessions of a Grave-Robbing Ufologist. Amherst, NY: Prometheus. p. 230. ISBN 978-1573929912. OCLC 48942361. 
  5. ↑ "Philip J Klass, 9 August 2005". United States Social Security Death Index, index. FamilySearch. Retrieved 2013-05-30. 
  6. ↑ Roberts, Sam (July 23, 2015). "Rosanne Klass, Writer and Advocate for the Afghan People, Dies at 86". New York Times. https://www.nytimes.com/2015/07/24/world/asia/rosanne-klass-advocate-of-the-afghan-people-dies-at-86.html?ref=obituaries. 
  7. ↑ 7.0 7.1 7.2 Levy, Claudia (2005-08-11), "Philip Klass, 85, Dies; Aviation journalist, UFO debunker" (obituary), The Washington Post, ISSN 0190-8286, retrieved 2013-05-17 
  8. ↑ Association, Iowa State Bar (June 24, 1955). "The Annual Proceedings of the Iowa State Bar Association" – via Google Books. 
  9. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na blum215
  10. ↑ 10.0 10.1 Klass, Philip J. (1975). UFOs explained. New York: Random House. pp. 355–359. ISBN 9780394492155. OCLC 979190. 
  11. ↑ Moseley (2002), p. 323-24
Kinua sa "https://bcl.wikipedia.org/w/index.php?title=Philip_J._Klass&oldid=259919"