Polomolok

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Polomolok, South Cotabato)
Polomolok
Kinamumugtakan kan Polomolok
Kinamumugtakan kan Polomolok
Map
Tagboan: 6°13′12″N 125°4′12″E Tagboan: 6°13′12″N 125°4′12″E
NasyonFilipinas
PigtugdasAgosto 21, 1957
Barangay23
Pamamahala
 • Electorado116,767 votantes (9 Mayo 2022)
Hiwas
 • Kabuuhan339.97 km2 (131.26 sq mi)
Elebasyon
306 m (1,004 ft)
Populasyon
(Mayo 1, 2020)[1]
 • kabuuhan172,605
 • Densidad510/km2 (1,300/sq mi)
 • Saro
43,191
Economia
 • Klaseprimero klaseng banwaan
 • Ingresos₱603,704,131.10 (2020)
 • Activos₱1,847,491,153.39 (2020)
 • Pasivos₱550,745,558.29 (2020)
 • Gastos₱520,655,059.54 (2020)
Kodigo nin postal
9504
PSGC
126312000
Kodigo telefonico83
TataramonTataramon na Hiligaynon
Tataramon na Cebuano
Tataramon na Maguindanao
Tataramon na Blaan
tataramon na Tagalog
Websityopolomolok.gov.ph

An Polomolok sarong primera klaseng banwaan sa probinsya kan South Cotabato, Filipinas. Namumugtak sa pagtangaan kan syudad nin General Santos asin Tupi. Masabi pa, an banwaan na ini erokan kan Dole Philippines, saro sa pinakadakulang pawa' nin pinyahan igdi sa nasyon. An designadong zip code kaini iyo 9504.
Sosog sa sensus kan 1 Mayo 2020, igwa ining 172,605 katawong nag-eerok digdi sa 43,191 kaharongan.

Igwa ining sukol na 339.97 kilometro kwadrado.


Mga Barangay[baguhon | baguhon an source]

An Polomolok nababanga sa 23 barangay.

An saodan sa Polomolok sa kalye kan Dahlia
  • Bentung
  • Crossing Palkan
  • Glamang
  • Kinilis
  • Klinan
  • Koronadal Proper
  • Lam-Caliaf
  • Landan
  • Lumakil
  • Maligo
  • Palkan
  • Poblacion
  • Polo
  • Magsaysay
  • Rubber
  • Silway 7
  • Silway 8
  • Sulit
  • Sumbakil
  • Upper Klinan
  • Lapu
  • Cannery Site
  • Pagalungan


Mayor na mga Produkto[baguhon | baguhon an source]

  • Pinya

An Dole Philippines Incorporated iyo an pinhakadakula na kompanya na damay sa pagpatubo, pagproseso asin pag-eksportar nin presko asin de-latang pinya. Kan taon 2004, an hiwas nin daga natatanoman nagt'abot nin 15,507.872 ektarya. Ini nagproprodusir nin 31.94 metro toneladang pinya sa lambang ektarya. An industriyang ini na namumugtak sa Bgy. Cannery Site, nagtaong trabaho sa 6,000 katawo. Ini na an konsideradong pinakadakulang parabuhis sa munisipyo.


  • Mais

An mais an ika-duwang dakulang produkto kan munisipyo. An datos hale sa opisina Municipal Agriculturist nagbuyagyag na kan taon 2003 3,931 na ektarya o 13.46% kan total na kultibadong daga na agrikultural natatanom sa mais. An 1,236 ektarya kaini natatanoman nin tradiysonal na mais sa kasyahan na produksyon nin 3.20 MT/ektarya asin 2,695 ektarya sa hybrid na mais na may kasyahan na produksyon na 4.0 MT/ektarya. An mayor na nagmamais iyo an mga Barangay Klinan 6, Glamang, Landan, Silway 8 asin Upper Klinan. An 30% kan populasyon mais an aro-aldaw nindang kinakakan.


  • Paroy

An paroy saro man sa mayor na pananom asin produkto kan munisipyo. Sa total na populasyon, 70% kaini maluto (sinapna) an aro-aldaw na kakanon. An opisina ksn Municipal Agriculturist nagreport na kan taon 2004 445 ektarya an pinagtanoman nin paroy, na 300 sana kaini may patubig, 45 kaba'ban, asin 100 na ektarya langtad. An may patubig na paroyan 2.5 beses natanom sa taon asin an nasarig sana sa oran sarong beses sana sa laog kan taon. Alagad, kulang an produksyoin asin dai makahipno sa pangangaipo kan mga residente kaya namamakal pa nin paroy sa ibang lugar.


  • Asparagus

An rekord kan Departmento nin Agrikultura nagpahiling na 1,435.52 ektarya an may tanom na asparagus. An mga pawa' nin asparagus yaon sa Barangay Sulit, Sumbakil, Crossing Palkan, Bentung, Lapu, Pagalungan, Lumakil, Rubber asin sa Magsaysay. An mga paratanom nadadara an saindang produkto sa eksport gibo kan may mga kontrata sinda sa Marsman-Drysdale Agri-Ventures and Tropifresh. Anoman na sobra sa eksport nadagos sa lokal na merkado asin ginagamit man ini padagos sa pagpataba kan mga baka.

  • Mga gulayon

Sa Barangay Palkan, Kinilis, Maligo, Sumbakil asin sa Koronadal Proper yaon an mga gulayan huli kan malipot an klima asin bagbag an daga. An mga paraoma ogaring dai makaprodusir nin dakul huli sa kakulangan nin puhunan asin dara kan nababa-nataas na maray an presyo


  • Produksyon sa Livestock asin poultry

Huli sa klima asin sa bugtak kan daga, nababagay an pag'ataman nin mga manok, orig asin baka. Sa agri-livestock na produksyon nag'abot man na 80 ektarya o 0.27% kan total na kadagaan an napanongod sa pag-ataman nin siring na mga hayop.

Kan taon 2006, ipinagreport kan Municipal Agriculturist na 322,628 na payo nin livestock an inaatman sa munisipyo. An pinakadakul iyo an sa manokan na igwang 271,420 payo kun saen 3,639 mga gunakan, 17,852 ataman sana sa natad, asin 249,929 pang-komersyal na pinag'aataman na nakakontrata sa mga iba-ibang kompanyang agrikultural, arog kan RFM, Vitarich, asin Swift. An sunod iyo an origan na may 23,719 na payo kun saen 10,970 ataman sana sa natad, asin 15,113 na payo inaataman na pankomersyal. siring man sa baka igwang 24,491ng payo kun saen 2,065 kaini inaataman sana sa natad asin 24,426 pigpapataba para sa komersyal na produksyon sa bakahan kan Monterey asin DEALCO.

An suplay alagad kan livestock nagkukulang para sa lokal na merkado gibo kan kadakulan kan produksyon dinadara sa iba-ibang parte kan nasyon kaya nasarig na sana sa mga lokal na paraataman sa paghipno kaini arog kan mga paraataman sa ibang parte kan probinsya.


Turismo[baguhon | baguhon an source]

Mt. Matutum
  • MOUNT MATUTUM

An bukid na ini paboritong dumanan kan mga paratukad na turista. May langkaw ining 2,286 na metro.

  • SALKAK CAVE

Lungib ining magayonon pagparasulok-sulokan gibo kan mga tanawon sa laog na pano kan inaapod na stalactites (mga nagtagas na turo nin depositong mineral ) asin stalagmites (mga depositong mineral nagtubo sa salog kan lungib). Yaon man igdi an hoyop kan duros na malipot asin sa palibot an mga burabod asin busay na pwdeng parigosan.

An Natures Bounty and Spring Hill Resort may mga busay na malipot maski panahon na nin tag-init. Dinadayong gayo ini kan mga harale pa sa Upper Valley asin sa probinsya kan Sarangani.

  • DOLE CANNERY

Para sa turista, dai kumpleto kun dai dalawon an mahiwas na patanoman asin pabrika kan Dole Cannery.

  • DOLE KALSANGI CLUB HOUSE

Para sa mga masiri na parakakan, yaon an Dole Kalsangi Club House na nagtatangro nin mga Western asin Asian cusine asin inomon.

  • KALSANGI GOLF COURSE

Ini Golf course sa Kalsangi kun saen an mga aficionado magoogmang gayo sa pagkawat.

  • TRAPPISTINE MONASTERY

Yaon man sa Landan an Monasteryo kan mga Trappistine na mga madre. Lugar ini nin matoninong na paghorophorop asin pagpangadye. Dinadayo ini kan mga deboto harale pa sa iba-ibang parte kan kinaban.

  • ESGUERRA FARM

An mahiwason na Esguerra Farm sa Kawit, Maligo sarong lugar na angay na gayo sa eko-turismo.

Demograpiko[baguhon | baguhon an source]

Sensus nin Populasyon kan
Polomolok
TaonTawo±% p.a.
1960 15,536—    
1970 32,570+7.67%
1975 40,544+4.49%
1980 59,312+7.90%
1990 89,372+4.19%
1995 96,274+1.40%
2000 110,709+3.04%
2007 131,436+2.40%
2010 138,273+1.86%
2015 152,589+1.89%
2020 172,605+2.45%
Toltolan: Philippine Statistics Authority[2][3][4][5]

Toltolan[baguhon | baguhon an source]

  1. "2020 Census of Population and Housing (2020 CPH) Population Counts Declared Official by the President". Hulyo 7, 2021.  Check date values in: |date= (help)
  2. Sensus kan Populasyon (2015). "Rehiyon XII (Soccsksargen)". Kabuuhang Populasyon kan lambang Provincia, Syudad, Banwaan asin Barangay. PSA. Retrieved 20 Jun 2016. 
  3. Census of Population and Housing (2010). "Rehiyon XII (Soccsksargen)". Kabuuhan populasyon sa lambang Provincia, Syudad, Banwaan asin Barangay. NSO. Retrieved 29 Jun 2016. 
  4. Mga Sensus kan Populasyon (1903–2007). "Rehiyon XII (Soccsksargen)". Table 1. Population Enumerated in Various Censuses by Province/Highly Urbanized City: 1903 to 2007. NSO. 
  5. "Province of South Cotabato". Municipality Population Data. LWUA Research Division. Retrieved 17 December 2016. 

Mga panluwas na takod[baguhon | baguhon an source]