Polusyon sa salog kan Pasig

Gikan sa Bikol Sentral na Wikipedia, an talingkas na ensiklopedya
An polusyon sa Manila Bay kan 2008. An Manila Bay dakupan kan Pampanga asin mga banwaan sa palibot kan Salog nin Pasig.

An Sálog nin Pasig sa Pilipinas igwa nin halangkaw na grado nin polusyon alagad igwa man nin mga paghihingowa sa rehabilitasyon kan tubig na ginigibo tanganing ikabalik aan dating estado kani.

Pagkatapos kan Ikaduwang Gerang Pankinaban, naglangkaw an porsyento kan populasyon, nagdakul an pagtindog kan mga imprastraktura, asin naglakop an ekonomikong aktibidad sa mga banwaan kan Manila na nagkawsa na mapabayaan an salog. An gilid kan sálog an ginibong harong kan mga dayong mayong istaran asin an mga natatadang pabrika inapon an saindang mga ati pasiring sa salog. An industrialisasyon nagkwasa nin polusyon sa salog.

Kan 1930, narisa kan mga nagmamasid an nag-uurog na polusyon kan sálog, mantang nainaan an pagbalyo nin sira hali sa Laguna de Bay. An mga tawo nagpundo sa paggamit kan tubig kan sálog para sa paglabá kan 1960, asin buminaba an pagdayo kan mga barko. Pag-abot kan 1970, an salog nagpuon na magpaluwas nin malain na parong hali sa mga establisyementong urigan asin manukan sa lugar kun sain an Marikina Watershed nakatindog (Pinugay, Basaras, Rizal). Asin kan 1980, prohibido na an paninira sa sálog. Kan 1990, an Salog nin Pasig ipigkonsiderar nang gadan sa biolohikong paagi.

Kan 2017 an pag-adal sa pagpaluwas kan mga plastik sa salog sa kadagatan kan kinaban nagsabi na an Salog nin Pasig iyo an ikawalong pinakamaating salog sa kinaban.[1]

Paghihingowang Rehabilitasyon[baguhon | baguhon an source]

An mga nag-eerok sa Freedom Island nagtatabang sa Greenpeace asin sa iba pang mga NGO sa paglinig sa baybayon kan 2017.

An mga paghihingoa na buhayon liwat an salog nagpoon kan Disyembre 1989 sa tabang kan mga awtoridad na Danes. Inestablisar an Pasig River Rehabilitation Program (PRP), na an Department of Environment and Natural na mga Resolusyon bilang an mayor na ahensya sa pagkoordinar kan Danish International Development Assistance (DIDDA).

Kan 1999, si Presidente Joseph Estrada nagpirma sa Executive Order No. 54 na nagpupublikar kan Pasig River Rehabilitation Commission (PRRC) para ribayan an lumang PRRP asin nagdugang nin kapangyarihan arog kan pagmanehar kan mga basura asin pagpaistar sa mga iskwater.

Kan 2019, pig-abolisar ni Presidente Rodrigo Duterte an PRRC, na nagsasabing an Salog nin Pasig dati nang "malinig".[2]

Hilingon man[baguhon | baguhon an source]

Mga reperensya[baguhon | baguhon an source]