Poy Gum Lee

Gikan sa Bikol Sentral na Wikipedia, an talingkas na ensiklopedya

Si Poy Gum Lee (Chinese: 李錦沛; pinyin: Lǐ Jǐnpèi; 1900–1968) sarong Tsino-Amerikano arkitekto. Si Lee midbid sa saiyang mga Art Deco na mga edipisyo pero may lahid nin impluwensya kan Tsinong arkitektura o "Chinese Deco", sa Shanghai asin man sa Chinatown, Manhattan, New York City.

Kaamayi nin buhay asin edukasyon[baguhon | baguhon an source]

Kan Enero 14, 1900, si Lee namundag sa 13 Mott Street sa Chinatown, Manhattan, New York City.[1][2]Plantilya:R/superscript An mga magurang ni Lee iyo sinda Lee Yick Dep asin Ng Lan Yin (apod man, Ng She); si Lee iyo an pinakamatua asin ta siya may 14 mga tugang.[3][4][5][6] Siya nagdakula sa 32 Mott Street sa itaas kan tindahan nin pamilya ninda sa Chinatown sa New York City.[7][6]

Kan 1920, si Lee nagkamit nin degree sa Arkitektura sa Pratt Institute. Si Lee nagkua pang dagdag na pagklase sa arkitektura sa Massachusetts Institute of Technology (MIT) kan 1921 dangan sa Columbia University kan 1922.[1]

Karera[baguhon | baguhon an source]

Durante kan Primerong Gerang Pankinaban, siya nagserbi sa Hokbo nin Estados Unidos.[8] Kan 1923, si Lee asin saiyang pamilya naghubo' sa Tsina kun saen siya pigtrabaho magkapirang proyekto sa arkitektura asin ini nag'ani nin paghanga' saiya.[1] Siya nagtrabaho nin 25ng taon sa Tsina komo arkitekto.[8] Pigkontrata kan Young Men’s Christian Association’s China Building Bureau, siya pigtrabaho an 11 edipisyo para sa YMCA asin YWCA sa Tsina asin man sa Sun Yat-sen Mausoleum (1926-1929) saka sa Sun Yat-sen Memorial Hall (1929-1931).[1][8]

Durante kan Ikaduwang Gerang Pankinaban, si Lee asin saiyang pamilya nag'estar sa parte kan French Concession sa Shanghai, Tsina, kun saen an saiyang harong pig'embargo kan mga Hapon. Pakatapos kan gera, siya asin saiyang pamilya naglipat sa siyudad nin Nweba York, Estados Unidos.[3]

Si Lee nagtrabahno primeramente sa Chinatown, Manhattan pagbalik na niya sa Estados Unidos asin ta siya nakitrabaho sa New York City Housing Authority.[3] An iba sa mga proyekto niya pakagera iyo an Chinese Consolidated Benevolent Association na edipisyo sa siyudad nin Nweba York (1959), On Leong Tong Merchant’s Association na edipisyo (1948–1950), Kimlau War Memorial sa Kimlau Square (1962),[2]Plantilya:R/superscript[9] and Pagoda Theatre (1963).[10][4]

Buhay personal[baguhon | baguhon an source]

Kan 1926, si Lee inagom si Pansy Choye sa Shanghai, Tsina. Igwa sinda nin tolong aking babae.[1]

Kan Marso 24, 1968, si Lee nagadan sa Bakersfield, California sa edad na 68. Si Lee ilinubong sa Greenlawn Cemetery sa Bakersfield, California.[8]

Hilnga man[baguhon | baguhon an source]

Toltolan[baguhon | baguhon an source]

  1. ↑ 1.0 1.1 1.2 1.3 1.4 Nellist, George Ferguson Mitchell (1935). Men of Shanghai and North China: A Standard Biographical Reference Work. The University Press. 
  2. ↑ 2.0 2.1 "Kimlau War Memorial" (PDF). New York City Landmarks Preservation Commission. June 22, 2021. Retrieved July 7, 2021. 
  3. ↑ 3.0 3.1 3.2 Kahn, Eve M. (September 10, 2015). "The Architect Poy Gum Lee Finally Has a Retrospective". nytimes.com. Retrieved August 5, 2020. 
  4. ↑ 4.0 4.1 "Poy Gum Lee Walking Tour". urbanarchive.org. May 7, 2019. Retrieved August 5, 2020. 
  5. ↑ Prengel, Kate (March 2, 2016). "The Architect Who Melded Tradition and Modernism in New York’s Chinatown" (in en-US). Hyperallergic Magazine. https://hyperallergic.com/280056/the-architect-who-melded-tradition-and-modernism-in-new-yorks-chinatown/. 
  6. ↑ 6.0 6.1 Chinese Style: Rediscovering the Architecture of Poy Gum Lee 1923–1968, September 24 2015 - January 31, 2016 (PDF). New York: Museum of Chinese in America (MOCA). 2015. Archived from the original (PDF) on June 24, 2016. Retrieved May 9, 2017. 
  7. ↑ Van Norden, Warner M. (1918). Who's Who of the Chinese in New York. University of Michigan. Retrieved May 9, 2017. 
  8. ↑ 8.0 8.1 8.2 8.3 "Funeral Scheduled for China Architect Poy Lee". Bakersfield Californian News. March 26, 1968. 
  9. ↑ Small, Zachary (June 23, 2021). "City Approves Landmarks Honoring Chinese Americans and Native Americans" (in en-US). The New York Times. ISSN 0362-4331. https://www.nytimes.com/2021/06/23/arts/design/city-landmarks-kimlau-memorial-Aakawaxung-Munahanung.html. 
  10. ↑ "Chinese Style: Rediscovering the Architecture of Poy Gum Lee, 1923-1968". Museum of Chinese in America (MOCA) (in English). 2015. Archived from the original on December 3, 2020. Retrieved May 10, 2017. 
Kinua sa "https://bcl.wikipedia.org/w/index.php?title=Poy_Gum_Lee&oldid=261008"