Sublimasyon

Gikan sa Bikol Sentral na Wikipedia, an talingkas na ensiklopedya
Madiklom na berdeng kristaliko nin nickelocene na nagsublima sagkod iyo preskong nadeposito sa sarong "malipot na nguro"

An sublimasyon (Ingles: sublimation) iyo an pagbabago nin sarong substansya gikan sa istadong solido pasiring sa gas nin direkta,[1] na iyo ngani dae minaagi sa likidong istado.[2] An sublimasyon iyo sarong endotermikong proseso na nangyayari sa temperatura sagkod presyon sa irarom kan tripleng punto nin sarong substansya sa diyagramong pang-istado kaini, na iyo minapahiling sa pinakahababang presyon kun sain an substansya pwedeng magin sarong likido. An kabaliktadang proseso nin sublimasyon iyo an deposisyon o desublimasyon, kun sain an sarong substansya naliliwat nin direkta gikan sa gas pasiring sa solidong istado.[3]

An sublimasyon iyo nagagamit man bilang sarong henerikong termino para ipaliwanag an solido-pasiring-gas na pagbabago (sublimasyon) na pigsusundan nin sarong gas-pasiring-solido na pagbabago (deposisyon).[4] Mientras an pagsangaw (baporisasyon) kan likido pasiring sa gas iyo nangyayari bilang ebaporasyon gikan sa ibabaw kan bagay kun sain ini yaon sa irarom kan punto nin pagkalakaga kan likido sagkod bilang pagkalakaga sa pormasyon nin mga bula sa interyor kan likido kun nangyayari ini sa punto nin pagkalakaga, sa kaso nin sublimasyon mayong arug kaining distinksyon huli ta an solido-pasiring-gas na pagbabago iyo nangyayari pirmi sa ibabaw kan sarong bagay.

Sa normal na presyon, an kadaklan na kompuwestong kimikal sagkod elemento iyo igwang tolong manlainlain na istado sa manlainlain na temperatura. Sa mga kasong ini, an transisyon gikan sa solido pasiring sa istadong gas iyo kaipohan nin tahaw na likidong istado. An presyon na nasambit iyo an partidang presyon kan substansya, bako an kabilugang (halimbawa bilang atmosperiko) presyon kan entirong sistema. Kaya an gabos na solido na may tamang bapor na presyon sa sarong temperatura iyo harus pwedeng magsublima sa ere (halimbawa an yelo sa irarom nin 0 °C). Sa nagkapirang mga substansya, arug kan karbon asin arseniko, an sublimasyon iyo mas pasil kaysa sa ebaporasyon gikan sa pagkatunaw huli ta an presyon kan saindang tripleng punto iyo halangkaw na maray sagkod masakit an mga ini makua bilang likido.

Hilingon man[baguhon | baguhon an source]

Panluwas na takod[baguhon | baguhon an source]

  • Igwang relatibong medya para sa Sublimation duman sa Wikimedia Commons

Toltolan[baguhon | baguhon an source]

  1. "Sublimate". Merriam-Webster Dictionary.
  2. Whitten, Kenneth W.; Gailey, Kenneth D.; Davis, Raymond E. (1992). General chemistryFree registration required (4th ed.). Saunders College Publishing. p. 475. ISBN 0-03-072373-6. 
  3. Boreyko, Jonathan B.; Hansen, Ryan R.; Murphy, Kevin R.; Nath, Saurabh; Retterer, Scott T.; Collier, C. Patrick (2016). "Controlling condensation and frost growth with chemical micropatterns". Scientific Reports 6: 19131. doi:10.1038/srep19131. PMID 26796663. Bibcode2016NatSR...619131B. 
  4. "Sublime". Dictionary.com Unabridged. Random House.