Jump to content

Taho

Gikan sa Bikol Sentral na Wikipedia, an talingkas na ensiklopedya
Taho
An sarong tasa kan taho
KursoPanghimagas, Mirendalan
Ginikanang lugar Filipinas
Temperatura nin pagsirbeMainit, sa normal na temperatura
Pangenot na sahogtokwa, arnibal, sago
Enerhiya nin pagkakan
(per na pagsirbi)
323 kcal (1352 kJ)
Iba pang impormasyon[1]
Hilaw na sago
Sarong para taho naglalakaw sa residential area sa Maynila.

An taho (Lan-nang: 豆花 tāu-hue) sarong klase kan pagkakan kan Pilipino na hango poon sa impluwensiya kan mga Tsino. Saro ining mahamis na pagkakan poon sa balatong (Ingles: soybean, mga pisog gamit sa paggibo kan sawsawang toyo), arnibal o pulot (Ingles: syrup) asin sadit na sago. Laganap an meryenda na ini asin makahahanap kan mga magtataho sa buong bansa. Tauhue an katumbas kaini sa Indonesia asin Taylandiya, asin Taufufah man sa Malaysia.

Hinalean[baguhon | baguhon an source]

Poon sa mga maaagang talaan, maliwanag na nagpoon an taho sa Tsinong douhua (Tsino: 豆花; pinyin: dòuhuā).

Pagpoproseso asin paghahanda[baguhon | baguhon an source]

Inihahanda kan kadaklan an mga magtataho an mga magkasuwaysuway na sangkap bago magsirang an aldaw. Pinoproseso an panginot na sangkap, malomhok na/sariwa na tokwa, hanggang mainam asin mala-leche flan an kabuuan kaini. Kinakaramelo an pulang asukalr asin inihahalo sa tubig para makagibo kan malapot na kulay-amber na pulot na inaapod na arnibal. Idinuduganbg minsan an mga pampalasa, arog kan baynilya, sa arnibal. Pinakukuloan an mga sago na binakal hale sa lokal na merkado, hanggang maging malagoma asin nanganganinag na puti sinda. Sa halip na maggibo kan malomhok na tokwa hale sa mayo, puedeng gamiton an soft tofu mix hale sa tindahan.

Pagkakan[baguhon | baguhon an source]

Kinakakan an taho gamit an kutsara, hinihigop kan panghigop, o iniinom hale sa tasa mismo. Dawa na tradisyonal na inihahain ini kan mainit, igwang mga malilipot na barasyon sa mga supermarket asin tindahan sa mga kapeterya na may tokwa sa solidong, mayong runot na kamugtakan. An mga nakapatos na tasang ini, na ipinapabakal na may kaibahang kutsarang plastik o ice pop stick na gibo sa kahoy, minsan na may mas matibay tokwa.

Mga variant[baguhon | baguhon an source]

Sa Baguio, igwa man variant presas an taho, kun sain ginagamit an pulot-presas kaysa sa arnibal. Kabale sa mga ibang variant an pulot na gibo sa tubo o tsokolate.

Hilingon pa[baguhon | baguhon an source]

Toltolan[baguhon | baguhon an source]

  1. "Taho: Nutrition Facts". Retrieved 2008-07-16. [permanent dead link]