Jump to content

Takal

Gikan sa Bikol Sentral na Wikipedia, an talingkas na ensiklopedya


An bingkáy na takal
Sarong klaseng takal

An takal (Anadara antiquata L.; Ingles, nodular ark, granular ark, propeller ark, antique ark)[1][2] sarong bingkáy na takopan na an hitsura nakaagid sa punaw alagad igwa ining pinong kurit o li'gi' sa tibulaka na an direksyon pasiring sa bukahan. Maputiputi o kolor gatas ini. Hinihingap an laman kun ini ipapakilo na ta itinda o lulutoon. Ini sarong especies nin buskay na kabali sa pamilyang "Arcidae".

Sa kaamayi pa kan taon 1600, nalista na ini ni Marcos de Lisboa sa saiyang Vocabulario de la Lengua Bicol, asin ini an saiyang diskripsyon kan hayop na ini sa dagat na dakul sa harani kan Sola' kan San Miguel:

tacal. unas almejas, que tiene la concha no lisa con una canalilla no lisa, como el ponao.[3]

An mga taga-Sibobo, Calabanga sa Camarines Sur an paradara kan takal sa saod kan Ciudad nin Naga.

Pakinabang[baguhon | baguhon an source]

An hiningap na laman kaini pwedeng adobohon, pwedeng i-barbekyu o pwede man sangkap sa sinabawan. An bingkay kaini ginagamit na gayo sa konstruksyon ta nasirbing apog kan panahon sa pagdukot kan mga gapo sa pagtogdok nin mga simbahan kasalak sa timpla an kaputian kan sugok, galagala asin bandala.


Mga panluwas na takod[baguhon | baguhon an source]

Toltolan[baguhon | baguhon an source]

  1. Adrados, Jerry Escoto. Daratangan na Olay: Common Language of Bikolnon (2012). p.366. ISBN 978-971-95468-0-1 Kinua 25-03-14
  2. http://tanhaga.wordpress.com/2006/01/]Kinua[permanent dead link] 25-03-14
  3. tacal. http://quod.lib.umich.edu/p/philamer/aqa2025.0001.001/367?q1=tacal&view=image&size=175 Kinua 25--03-14